Abu Sulaym Faraj al-Xodim at-Turkiy
| Abu Sulaym Faraj al-Xodim al-Turkiy | |
|---|---|
| asirlar almashishni nazorat qilgan | |
| Shaxsiy maʼlumotlari | |
| Vafoti | Bagʻdod, Abbosiylar xalifaligi |
| Kasbi | Abbosiylar saroyi amaldori va saroy xojasi |
| Mashhur ishlari | Nikeforlar sulolasi davridagi vizantiyaliklar bilan asirlar almashinuvini nazorat qilgan |
Abu Sulaym Faraj al-Xodim at-Turkiy[1], ayrim manbalarda Faraj ibn Sulaym deb xato ketgan[1], Abbosiylar saroyi xojasi va amaldori boʻlgan.
787-yilda xalifa Horun ar-Rashid (h. 786–809) Vizantiya imperiyasi bilan chegara hududlari hisoblanuvchi Kilikiya va Yuqori Mesopotamiyagacha boʻlgan yerlarni oʻz ichiga olgan yangi viloyat tashkil etgan. Ushbu tashabbus doirasida xalifa Farajni Tarsus shahrini qayta qurish va uning aholisini koʻpaytirish uchun yuborgan[2]. Faraj avvaliga shaharga 3000 nafar xurosonlik kishilarni viloyatga olib kelgan, soʻngra Suriyaning al-Masisa va Antioxiya shaharlarining har biridan 1000 nafardan aholini yuborgan. Uning qoʻshini 788-yilning iyun oyida yetib kelib, shahar devorlari va masjid qurilishi tugaguniga qadar shu yerda boʻlgan[1]. Tarixchi Masʼudiy tomonidan qayd etilgan maʼlumotlarga koʻra, Faraj 805-yilda, xalifa Horun ar-Rashid hukmronligi davrida vizantiyaliklar bilan Lamus daryosi boʻyida oʻtkazilgan birinchi asirlar almashinuvini nazorat qilgan[1]. Horun ar-Rashidning soʻnggi yillarida Vizantiya chegaralarida soliq yigʻuvchi boʻlgan. Shuningdek, „Sayhon saroyi“ni qayta tiklagani va Antioxiyada uning uyi boʻlgani haqida ham maʼlumotlar mavjud[1].
Faraj 819-yilda soxta xalifa Ibrohim ibn al-Mahdiy qoʻlga olinganida uni xalifa al-Maʼmunning (h. 813–833) huzuriga olib kirgan shaxs sifatida ham eslanadi[3].
Manbalar
- ↑ 1,0 1,1 1,2 1,3 1,4 Ayalon 1999.
- ↑ Bosworth 1989.
- ↑ Bosworth 1987.
Adabiyotlar
- Ayalon, David. Eunuchs, Caliphs and Sultans: A Study in Power Relationships. Jerusalem: Magnes Press, The Hebrew University, 1999. ISBN 978-9-6549-3017-8.
- The History of al-Ṭabarī, Volume XXXII: The Reunification of the ʿAbbāsid Caliphate: The Caliphate of al-Maʾmūn, A.D. 813–33/A.H. 198–213, SUNY Series in Near Eastern Studies.. Albany, New York: State University of New York Press, 1987. ISBN 978-0-88706-058-8.
- The History of al-Ṭabarī, Volume XXX: The ʿAbbāsid Caliphate in Equilibrium: The Caliphates of Mūsā al-Hādī and Hārūn al-Rashīd, A.D. 785–809/A.H. 169–192, SUNY Series in Near Eastern Studies.. Albany, New York: State University of New York Press, 1989. ISBN 978-0-88706-564-4.
- Bosworth, C. E. (1992). "The City of Tarsus and the Arab-Byzantine Frontiers in Early and Middle ʿAbbāsid Times". Oriens 33: 268–286. doi:10.1163/1877837292X00105. ISSN 0078-6527.