Kilikiya

Kilikiya — Kichik Osiyo (hozirgi Markaziy Turkiyaning janubi) dagi qadimiy viloyat. Kilikiya nomi dastlab ossuriy yozuvlarida uchraydi. Miloddan avvalgi 2-ming yilliklarda Kilikiya Xett podsholigi tarkibida edi. Miloddan avvalgi XII—VI asrlarda Kilikiya hududida bir nechta mustaqil davlatlar boʻlgan. Miloddan avvalgi VI asr da Kilikiya Ahomaniylar davlati tarkibiga kirgan. Miloddan avvalgi 333-yilda uni Aleksandr bosib olgan. Miloddan avvalgi 297—190-yillarda Kilikiya Salavkiylar hukmronligi ostiga oʻtgan.Miloddan avvalgi 103-yilda Rim imperiyasi tomonidan istilo qilingan. Oʻrta asrlarda Kilikiya Bizantiya, arablar va saljuqiylar oʻrtasidagi kurash nishoni boʻlgan. 1080—1375-yillarda Kilikiya arman podsholigi tarkibida. 1515-yilda Kilikiya usmonli turklar tomonidan bosib olingan.