Abu Sobit
| Abu Sobit أبو ثابت | |
|---|---|
| Tarsus noibi | |
|
Mansab davri tax. 900-yil mart – tax. 900-yil mart | |
| Monarx | al-Muʼtazid |
| Oʻtmishdoshi | Ibn al-Ixshod |
| Vorisi | Ali ibn al-Arabiy |
Abu Sobit (arabcha: أبو ثابت) 900-yilda Abbosiylar xalifaligining Tarsusdagi noibi lavozimida qisqa muddat ishlagan. Noib Ibn al-Ixshod 899-yil oxiri — 900-yil boshlarida Vizantiya imperiyasiga qarshi harbiy yurishga otlanganda Abu Sobitni oʻz oʻrinbosari va vorisi etib tayinlab, shaharda qoldirgan edi. Ibn al-Ixshod yurish davomida oʻldirilgach, Abu Sobit noib lavozimini egalladi[1][2]. Tez orada Vizantiyaning qarshi hujumi bilan yuzlashishga majbur boʻldi. Vizantiya qoʻshinlari 900-yil mart oyida Tarsus shahri darvozalariga qadar yetib kelgan edi. Abu Sobit vizantiyaliklarni Rayhon davozasigacha (nomaʼlum) quvib bordi, biroq shu yerda magʻlubiyatga uchrab, asir olindi. Tabariyga koʻra, Abu Sobit boshqa musulmon asirlar qatori dastlab Ikoniyaga, soʻngra Konstantinopolga olib ketilgan[2][3].
Abu Sobitning Tarsusga qaytgan oʻgʻli otasi uni voris etib tayinlaganini daʼvo qilib, noiblik lavozimini egallashga harakat qilgan. Biroq, Tarsus va uning atrofidagi tugʻur shaharlari oqsoqollari bunga qarshi chiqib, Ali ibn al-Arabiy nomzodini maʼqullashgan. Abu Sobitning oʻgʻli oʻz nomzodini majburan qabul qildirish uchun tarafdorlarini qurollantirsa-da, oxir-oqibat Ibn al-Arabiyni tan olishga rozi boʻldi[2][3].
Manbalar
- ↑ Rosenthal 1985, s. 83.
- ↑ 2,0 2,1 2,2 PmbZ, Abū Ṯābit (#20080).
- ↑ 3,0 3,1 Rosenthal 1985, ss. 83–84.
Adabiyotlar
- Lilie, Ralph-Johannes; Ludwig, Claudia; Pratsch, Thomas; Zielke, Beate (2013). "Prosopographie der mittelbyzantinischen Zeit Online. Berlin-Brandenburgische Akademie der Wissenschaften. Nach Vorarbeiten F. Winkelmanns erstellt" (German). Berlin and Boston: De Gruyter. https://www.degruyter.com/view/db/pmbz.
- The History of al-Ṭabarī, Volume XXXVIII: The Return of the Caliphate to Baghdad: The Caliphates of al-Muʿtaḍid, al-Muktafī and al-Muqtadir, A.D. 892–915/A.H. 279–302, SUNY Series in Near Eastern Studies.. Albany, New York: State University of New York Press, 1985. ISBN 978-0-87395-876-9.