Kontent qismiga oʻtish

Abduhamid Pardayev

ZiyoSfera, erkin ensiklopediya
Abdulhamid Pardayev
Tavalludi 1958-yil 17-yanvar (1958-01-17) (68 yosh)
Toshkent
Taxallusi Abduhamid Parda
Fuqaroligi O‘zbekiston SSR
Oʻzbekiston bayrogʻi Oʻzbekiston
Shoh asari „Oltin belanchak“
"Tahammul"
"Munojot"
"Amir Temur"
"Alisher Navoiy"
"Doʻstnoma"

Abdulhamid Pardayev (1958-yil 17-yanvar; Boʻka tumani, Oʻzbekiston SSR) — jurnalist, shoir, adabiyotshunos va tarjimon[1]. Oʻzbekiston Yozuvchilar uyushmasi aʼzosi. Bir necha sheʼriy toʻplamlar, jumladan, „Amir Temur“, „Alisher Navoiy“, „Doʻstnoma“ dostonlari muallifi. Sakkiz jildlik Tanlangan asarlari nashr qilingan. Yusuf Xos Hojibning „Qutadgʻu bilig“ dostoni, Alisher Navoiyning barcha dostonlarini zamonaviy oʻzbek tiliga tabdil etgan[2]. F. Nitshening „Zardusht nidosi“ asarini oʻzbek tiliga sheʼriy oʻgirgan[3]. R.Tagor, J.Bayron, J. Kits, A.Blok, I.Brodskiy kabi oʻnlab mashhur shoirlarning sheʼriy turkumlarini, shuningdek, bir qator jahon adiblarining romanlari va qissalarini, taniqli faylasuflarning risolalarini oʻzbek tiliga tarjima qilgan[4][5][6]. Sheʼrlari rus, turk, qirgʻiz, qozoq, nemis, ozarbayjon tillariga tarjima qilingan[7].

Mehnat faoliyati

1975-yil sentyabrdan 1975-yil oktyabrga qadar qisqa muddat Boʻka tumanidagi bosmaxonada hisobchi sifatida faoliyat olib borgan.
1975-yil oktyabrdan 1976-yil iyulga qadar Boʻka tumani „Paxtakorlar ovozi“ gazetasi — musahhih-muxbir.
1976-yil noyabrdan 1978-yil dekabriga qadar — Harbiy xizmatni oʻtagan.
1979-yil yanvardan 1985-yil apreliga qadar — „Oʻzbekselmash“ zavodida ekspeditor va master.
1985-yil apreldan 1991-yil yanvarigacha — „Oʻzteleradiokompaniya“ muxbir, tarjimon, katta muharrir
1991-yil may oyidan 1991-yil noyabrigacha — „Oʻzbekistonmatbuoti“ jurnali boʻlim muharriri.
1991-yil noyabrdan 1996-yil apreliga qadar — „Oʻzteleradiokompaniya“ muxbir, sharhlovchi.
1996-yil iyunidan 1997-yil noyabriga qadar — „Ishonch“ gazetasida muxbir, masʼul kotib.
1997-yil noyabridan 2001-yil iyuniga qadar — „Jahon adabiyoti“ jurnalida boʻlim muharriri, masʼul kotib.
2004-yil iyunidan 2005-yil iyuniga qadar — Respublika „Maʼnaviyat va maʼrifat“ markazi bosh mutaxassis.
2005-yil avgustdan 2014-yil yanvarigacha — „SUVMASH“ OAJ maʼnaviyat-maʼrifat ishlari boʻyicha masʼul-kutubxonachi[manba kerak].
2014-yil yanvaridan hozirga qadar Erkin ijodkor.

Nashr qilingan kitoblari

  • „Oltin belanchak“. Sheʼriy bayoz. „Yosh gvardiya“ nashriyoti, T., 1988-yil.
  • „Tahammul“. Sheʼrlar toʻplami. „Bosqon“ nashriyoti, T., 1997-yil.
  • „Munojot“. Sheʼrlar toʻplami. T., 2000-yil.
  • „Sohil ohanglari“. Sheʼriy bayoz. „Navroʻz“ nashriyoti, T., 2004-yil.
  • „Doʻstnoma“. Birinchi kitob. Doston. „Sanʼat jurnali nashr.“, T., 2008-yil.
  • „Chorlov“. Sheʼrlar toʻplami. „Sharq“ NMAK, T., 2008-yil.
  • „Ichsoʻz ifshosi“. Toʻrtliklar, tuyuqlar, fardlar. Navoiy nomidagi Oʻzbekiston Milliy kutubxonasi nashriyoti", T., 2008-yil.
  • „Sevgi sanʼati“. Falsafiy risolalar. „Oʻzbekiston“ NMIU., T., 2011-yil.
  • „Doʻstnoma“. Doston. „Adabiyot uchqunlari“ nashriyoti. T., 2016-yil.
  • „Zardusht nidosi“, Oʻzbekiston faylasuflari milliy jamiyati nashriyo ti, T.2017-yil. 500 nusxa.
  • „Ummondan injular“, toʻrtliklar. „Kamalak“ nashriyoti, T. 2017-yil.
  • „Nomalar“ sheʼriy maktublar. „Faylasuflar“ nashriyoti, T., 2018-yil. 264-bet.
  • Yusuf Xos Hojib. „Qutadgʻu bilig“ dostonining tarjimasi, Gʻafur Gʻulom nashriyotida, * „Maktab adabiyoti xrestomatiyasi“ turkumida ikki marta nashr qilingan (2015, 2018-yillarda).
  • Alisher Navoiy. „Lison ut tayr“ — sheʼriy tabdil. „Yangi asr avlodi“ nashriyotida 2019-yilda nashr qilingan.
  • Yusuf Xos Hojib. „Qutadgʻu bilig“ dostonining toʻliq sheʼriy tarjimasi, „Yangi asr avlodi“ nashriyotida 2019-yil.
  • Fyodor Razzakov. „Sharof Rashidov. Hayot va mamot“. Abduhamid Pardayev tarjimasi. „Oʻzbekiston“ nashriyoti, 2020-yil[8].
  • Abduhamid PARDA, Tanlangan asarlar, yetti jildlik. Oʻzbekiston Faylasuflari milliy nashriyoti, „Oydin“ nashriyoti. T., 2021-yil.
  • Navoiy. Xamsa. Sheʼriy tabdil. „Akademnashr“ nashriyoti, 2022-yil.

Tarjimalari

  • Marax Rusli. Indoneziya yozuvchisi. „Sitti Nurbaya“. Roman. „Jahon adabiyoti“ jurnali, 1999-yil. (Nashrga tayyorlab qoʻyilgan nusxasi bor).
  • Vladimir Kunin. Rossiya. „Baloyi nafs“. Qissa. „Jahon adabiyoti“ jurnali, 2000-yil.
  • Sol Bellou. AQSH. Nobel mukofoti sohibi. „Fursat gʻanimat“. Qissa. „Jahon adabiyoti“ jurnali, 2001-yil.
  • Jubron Xalil Jubron. Livan yozuvchisi. „Qoʻshiqlar“. Nasriy sheʼrlar. „Jahon adabiyoti“ jurnali.
  • Yusuf Xos Hojib. „Qutadgʻu bilig“ (parcha). „Jahon adabiyoti“ jurnali, 2011-yil. Bu qadimiy dostonni toʻla sheʼriy tabdil qilgan.
  • „Sevgi sanʼati“. Mashhur faylasuflar muhabbat haqida, (rus tilidan tarjimalar) „Oʻzbekiston“ nashriyoti, T., 2011-yil.
  • Alisher Navoiy. „Xamsa“ dostonlari, „Lison ut tayr“ning sheʼriy tabdili.
  • Djon Donn, J.Bayron, Shelli, Jon Kits, R.Tagor, A.Pushkin, A. Blok kabi mashhur jahon shoirlarining turkum sheʼrlari.
  • F. Nitshening „Zardusht tavallosi“ asarini sheʼriy tarjimasi. Professor Akmal Saidov soʻzboshisi bilan „Oʻzbekiston faylasuflari milliy jamiyati nashriyoti“ tomonidan 500 nusxa.
  • Svetlana Aleksiyevich. „Urush ayollar ishi emas“. Mirpoʻlat Mirzo bilan hamkorlikda. „Jahon adabiyoti“, 2016-yil 1,2-sonlar.
  • Brodskiy bilan suhbatlar (taxminan 20 bet)
  • Bleyk haqida esse (ruschadan tarjima).
  • Stefan Sveyg. Krestina. Roman. „Jahon adabiyoti“ jurnalida 2019-yilda nashr qilingan.
  • Stefan Sveyg. Qalb besabrligi. Roman. „Yangi asr avlodi“ nashriyotida 2019-yilda nashr qilinadi.
  • Rafiq Nishonov. Daraxtlar boʻrongacha yashnaydi. Rus tilidan tarjima. „Akademnashr“, T., 2021.
  • Ismat Koʻchiyev. Gʻolib. Sharof Rashidov toʻgʻrisida kitob.
  • Ismat Koʻchiyev. Bunyodkor. Sharof Rashidovning ijodiy faoliyati toʻgʻrisidagi kitob.
  • Eduard Rtveladze. Buyuk ipak yoʻli. 2022-yilda nashr qilingan.
  • Eduard Rtveladze. Buyuk hind yoʻli. 2022-yilda nashr qilingan.
  • Nuriddin Muhiddinov. Vaqt daryosi. Xotiralar kitobi. Rus tilidan tarjima.
  • Blez Paskal. „Muhabbatga oid mulohazalar“.
  • Xose Ortega de Gasset. „Sevgi sehri“.
  • Erix Fromm. „Sevgi sanʼati“.
  • Nikolay Berdyayev. „Muhabbat va eros“.
  • F. Dostoyevskiy. Maktublar[9].
  • F. Nitshe. Maktublar.

Manbalar

  1. ↑ „«Кўпроқ классик адабиёт намуналарини таржима қилиш мақсадга мувофиқ». Ўзбек таржимонлари соҳадаги жараёнлар ҳақида“. 2023-yil 7-mayda asl nusxadan arxivlangan. Qaraldi: 2023-yil 7-may.
  2. ↑ „Alisher Navoiy. Hayrat ul-abror. Abduhamid Pardayev she’riy tabdili & Dilnavoz Yusupova. “Hayratu-l-abror” dostonining g‘oyaviy-badiiy xususiyatlari“. 2022-yil 8-dekabrda asl nusxadan arxivlangan. Qaraldi: 2023-yil 7-may.
  3. ↑ „ЗАРДУШТ НИДОСИ“. 2023-yil 7-mayda asl nusxadan arxivlangan. Qaraldi: 2023-yil 7-may.
  4. ↑ „Абдуҳамид Парда“. 2023-yil 7-mayda asl nusxadan arxivlangan. Qaraldi: 2023-yil 7-may.
  5. ↑ „Abduhamid Pardayev. Kun satrlari“. 2023-yil 7-mayda asl nusxadan arxivlangan. Qaraldi: 2023-yil 7-may.
  6. ↑ „Musofirlik iztiroblari. Iosif Brodskiy bilan suhbat“. 2023-yil 7-mayda asl nusxadan arxivlangan. Qaraldi: 2023-yil 7-may.
  7. ↑ YouTube logotipi Шоир Абдуҳамид Пардаев YouTubeda // Ozodlik Radiosi. 2021-yil
  8. ↑ „Шароф Рашидов: Ҳаёт ва мамот“. 2023-yil 7-mayda asl nusxadan arxivlangan. Qaraldi: 2023-yil 7-may.
  9. ↑ „Дунёни гўзаллик қутқаради“. 2023-yil 7-mayda asl nusxadan arxivlangan. Qaraldi: 2023-yil 7-may.
Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin. 
"https://ziyosfera.uz/index.php?title=Abduhamid_Pardayev&oldid=254997" dan olindi