2026-yilgi FIFA jahon chempionati ochilish marosimlari
| Sana | 11-iyun, 2026-yil va 12-iyun, 2026-yil |
|---|---|
| Vaqt | 12:30 PM (UTC–6) (Meksika; 11-iyun) 1:30 PM (UTC–4) (Kanada; 12-iyun) 4:30 PM (UTC–7) (Qoʻshma Shtatlar; 12-iyun) |
| Joylashuv | Estadio Azteca BMO Field SoFi Stadium |
| FIFA jahon chempionati ochilish marosimlari |
|---|
2026-yilgi FIFA jahon chempionati ochilish marosimlari uch qismda, har bir mezbon mamlakat (Meksika, Kanada va Qoʻshma Shtatlar) uchun alohida ravishda, ularning tegishli ochilish oʻyinlari boʻlib oʻtadigan vaqtda 2026-yil 11–12-iyunda oʻtkazildi.
Meksikadagi ochilish marosimi ilk va asosiy marosim boʻlib, unda bayroqlar paradi hamda rasmiy jahon chempionati qoʻshigʻi Dai Daini Shakira va Burna Boy ijro etdi. U 2026-yil 11-iyun, payshanba kuni musobaqaning ochilish oʻyini oldidan Mexiko shahridagi Estadio Azteca stadionida boʻlib oʻtdi. Kanadadagi va Amerika Qoʻshma Shtatlaridagi ochilish marosimlari esa mos ravishda 12-iyun, juma kuni Torontodagi BMO Field hamda Los-Anjelesdagi SoFi Stadiumda oʻtkazildi.
Marosimlar italiyalik ijodiy direktor Marco Balich tomonidan sahnalashtirilib, har birida mezbon mamlakat tarixiy va madaniy jihatlari aks ettirildi.
Meksikadagi ochilish marosimi
Meksikadagi marosimining rasmiy qismi qariyb oʻn besh daqiqa davom etdi va unda turli kiyimdagi mahalliy meksikalik raqqosalar, shuningdek, shishirilgan Jahon chempionati kubogi atrofiga kumush va oltin rangda kiyingan raqqosalar chiqishi bilan boshlanib, bu paytda birlik va xilma-xillik haqidagi xabarlar eʼlon qilindi. Ochilishdan soʻng Maná sahnada mahalliy raqqosalar oʻrtasida „Oye Mi Amor“ qoʻshigʻini ijro etdi. Shundan keyin Denni Oushan „Partidazo“ qoʻshigʻini china poblana liboslaridagi ayol raqqosalar qurshovida ijro etdi. Bunga javoban Los Ángeles Azules va Belinda „Por Ella“ qoʻshigʻini ijro etib, ularni charro kiyimidagi erkak raqqosalar xotin-qizlar bilan birgalikda xarabening stilizatsiyalashgan koʻrinishini ijro etib oʻrab turdi. Ikki Labubu Jahon chempionati kubogi koʻrinishidagi oʻyinchoqni koʻtarib sahnaga chiqdi, soʻng J Balvin va Ryan Castro „Qué Calor“, „Una a la Vez“ va „I Like It“ kabi qoʻshiqlardan ijro etishdi; ular turnir ranglar sxemasiga mos kostyumdagi raqqosalar bilan oʻralgan edi. Shakira va Burna Boy marosimni turnirning rasmiy qoʻshigʻi „Dai Dai“ ijrosi bilan yakunlab, undan soʻng Meksika bayrogʻi ranglaridagi raketalar va oʻt oʻyinlari namoyishi boʻlib oʻtdi[1][2]. Marosimdan keyin 48 ishtirokchi jamoa bayrogʻi koʻrsatilib, ularning nomlari ingliz va ispan tillarida eʼlon qilingan bayroqlar paradi oʻtkazildi. Shundan soʻng Andrea Bocelli va Ejae turnirning rasmiy madhiyasi „DNA (More Than a Game)“ni ijro etdi.
Kanadadagi ochilish marosimi
Kanadadagi marosimining rasmiy qismi ham qariyb oʻn besh daqiqa davom etdi va William Princening yer tan olinishi haqidagi nutqi hamda Kanada mahalliy xalqlari bilan mamlakat xilma-xilligini bogʻlovchi koʻprikni taʼkidlovchi tabrik murojaati, shuningdek, mahalliy kanadalik raqqosalar chiqishi bilan boshlandi. Keyin Alessia Cara „Wild Things“ va „Here“ qoʻshiqlaridan ijro etar ekan, sahna atrofini zarang yaprogʻi mozaikalari bilan bezatilgan raqqosalar hamda Kanada uchun xos boʻlgan hayvonlar — stilizatsiyalashgan los (bugʻu), oq ayiqlar va kitlar oʻrab turdi. Shundan soʻng Nora Fatehi, Vegedream va Sanjoy „Siir Siir“ni, undan keyin esa Jessie Reyez va Elyanna „Illuminate“ni ijro etdilar; bu paytda shishirilgan kubok koʻtarilib, sahnani qizil va oq libosdagi qoʻshimcha raqqosalar egalladi. Shundan keyin 48 ishtirokchi jamoa bayroqlari namoyish qilinib, ularning nomlari ingliz va fransuz tillarida oʻqib eshittirilgan bayroqlar paradi oʻtkazildi. Soʻng Michael Bublé va The Sole Power Choir „Bring It On Home to Me“ qoʻshigʻining coverini ijro etdilar va davlat madhiyalari yangragach, Kanada Qurolli Kuchlari Snowbirds uchish guruhi tomonidan samolyotlar parvozi namoyish etildi[3][4].
Qoʻshma Shtatlardagi ochilish marosimi
Qoʻshma Shtatlardagi ochilish marosimining rasmiy qismi ham qariyb oʻn besh daqiqa davom etdi va unda George Washingtonning kostyumdagi obrazi hamda qizil va koʻk, oltin yulduzli formadagi baraban jamoasi chiqishi bilan birga, AQShning xilma-xilligi, hududi kattaligi va tamoyillarini taʼkidlovchi, shuningdek, Qoʻshma Shtatlarning yarim milleniyalik yubileyini esga oluvchi nutq bilan boshlandi. Shundan soʻng Future va Tyla „Game Time“ qoʻshigʻini qizil, oq, koʻk hamda oltin rangdagi libosdagi raqqosalar qurshovida ijro etdilar[5]. Keyinroq Lisa, Anitta va Rema Los-Anjeles va boshqa Amerika shaharlarining diqqatga sazovor joylari hamda raqqosalar fonida „Goals“ qoʻshigʻini ijro etdilar[6]. Shundan soʻng barcha 48 ishtirokchi jamoa bayroqlari namoyish qilinib, ularning nomlari ingliz tilida oʻqib eshittirilgan bayroqlar paradi boʻlib oʻtdi va bu marosimdan keyin Katy Perry va Tius Luka „Wonder“ qoʻshigʻini ijro etdilar. Yakunda davlat madhiyalari ijro etilib, harbiy uchish guruhi tomonidan samolyotlar parvozi namoyish qilindi[7].
Qoʻshiqlar
Ijro etilgan qoʻshiqlar roʻyxati:
Meksika
- „Oye Mi Amor“ — Maná
- „Partidazo“ — Denni Oushan
- „Por Ella“ — Los Ángeles Azules va Belinda
- „Qué Calor“ / „Una a la Vez“ / „I Like It“ — J Balvin va Ryan Castro
- „Dai Dai“ — Shakira va Burna Boy
- „DNA (More Than a Game)“ — Andrea Bocelli va Ejae
Kanada
- „Wild Things“ / „Fire“ — Alessia Kara
- „Siir Siir“ — Nora Fatehi, Vegedream va Sanjoy
- „Illuminate“ — Jessie Reyez va Elyanna
- „Bring It On Home to Me“ — Michael Buble va The Sole Power Choir
Qoʻshma Shtatlar
- „Game Time“ — Future va Tyla
- „Goals“ — Lisa, Anitta va Rema
- „Wonder“ — Katy Perry va Tius Luka
Marosimda qatnashgan nufuzli shaxslar
Oldingi jahon chempionatlaridan farqli oʻlaroq, turli sabablarga koʻra mezbon mamlakatlarning yetakchilari oʻz ochilish marosimlarida qatnashmadi. Meksika prezidenti Claudia Shienbaum chiptalarning yuqori narxlari bilan bogʻliq bahslar va uning bir qator siyosatlariga qarshi noroziliklar fonida oʻz chiptasini muxlisga berdi, Kanada bosh vaziri Mark carney esa Fransiyada boʻlib oʻtadigan 52-G7 sammitiga joʻnash rejasi tufayli qatnashmadi, AQSh prezidenti Donald Trump esa UFC Freedom 250 bilan bogʻliq reja va tayyorgarliklar tufayli ishtirok etmadi.
FIFA prezidenti — Gianni Infantino va FIFA Kengashi aʼzolarining barchasi
Paragvay prezidenti — Santiago Peña [8][9].
AQSh davlat kotibi — Marco Rubio [10].
Manbalar
- ↑ „Opening Ceremony | Mexico City“. FIFA. Qaraldi: 2026-yil 13-iyun.
- ↑ „World Cup kicks off in Mexico with Shakira, dancing, and protests“ (en-GB). BBC News (2026-yil 11-iyun). Qaraldi: 2026-yil 13-iyun.
- ↑ Bloor, Steven „World Cup 2026: Canada’s opening ceremony and first ever point – in pictures“ (2026-yil 12-iyun).
- ↑ „Canada's World Cup 'coming out party' gets patriotic opening ceremony | Toronto Sun“.
- ↑ Legaspi, Jon Blistein,Althea „Future and Tyla Declare 'Game Time' at Stunning World Cup Opening Ceremony in Los Angeles“ (en-US). Rolling Stone (2026-yil 13-iyun). Qaraldi: 2026-yil 13-iyun.
- ↑ Atkinson, Katie „Katy Perry, LISA, Anitta & More at 2026 World Cup USA Opening Ceremony: Best Moments From Inside L.A. Stadium“ (en-US). Billboard (2026-yil 13-iyun). Qaraldi: 2026-yil 13-iyun.
- ↑ „World Cup kicks off in the US with performances from Katy Perry, Future and Tyla“ (en-GB). BBC News (2026-yil 12-iyun). Qaraldi: 2026-yil 13-iyun.
- ↑ „Paraguay's president will be at USA's FIFA World Cup 2026 opener, but is Donald Trump attending?“. The Times of India. Qaraldi: 2026-yil 13-iyun.
- ↑ Pathak, Manasi „USA face tricky Paraguay in opening match of World Cup 2026“ (en). Al Jazeera. Qaraldi: 2026-yil 13-iyun.
- ↑ Melimopoulos, Elizabeth „World Cup Day 1: The games, predictions, stories shaping the tournament“ (en). Al Jazeera. Qaraldi: 2026-yil 13-iyun.