2025/26-yilgi UEFA Chempionlar ligasi pley-off bosqichi 2026-yil 17-fevralda qoʻshimcha pley-off o‘yinlari bilan boshlanadi va 2026-yil 30-may kuni Vengriya poytaxti BudapeshtdagiPuskás Aréna stadionida bo‘lib o‘tadigan final uchrashuvi bilan yakunlanadi va shu bosqichda 2025/26-yilgi UEFA Chempionlar ligasi chempioni aniqlanadi[1]. Unda jami 24 ta jamoa ishtirok etadi: ulardan 16 tasi qoʻshimcha pley-off bosqichidan, 8 ta jamoa esa to‘g‘ridan-to‘g‘ri 1/8 final bosqichidan oʻz ishtirokini boshlaydi[2].
O‘yinlar vaqti CET/CEST bo‘yicha ko‘rsatiladi[a]; agar mahalliy vaqt farq qilsa, u qavs ichida beriladi.
Saralangan jamoalar
Pley-off bosqichida liga bosqichidan saralangan eng yaxshi 24 ta jamoa ishtirok etadi. Ulardan eng yuqori o‘rinni egallagan 8 ta jamoa to‘g‘ridan-to‘g‘ri 1/8 final bosqichiga yo‘llanma olgan, 9–24-o‘rinlarni egallagan jamoalar esa qoʻshimcha pley-off bosqichida qatnashadi.
Nimchorak finaldan qoʻshiluvchi jamoalar (saralangan)
Barcha juftliklar pley-offning finaldan tashqari har bir bosqichida ikkitadan (bittasini o‘z maydonida) oʻyin o‘tkazadi. Ikki o‘yin natijasiga ko‘ra umumiy hisobda ko‘proq gol urgan jamoa keyingi bosqichga yo‘l oladi. Agar ikki uchrashuv yakunida umumiy hisob teng bo‘lsa, 30 daqiqalik qo‘shimchataymlar boshlanadi (mehmonda urilgan gollar qoidasi qo‘llanilmaydi). Agar qo‘shimcha taymlardan so‘ng ham hisob tengligicha qolsa, g‘olib penaltilar seriyasi orqali aniqlanadi. Final uchrashuvi esa bitta o‘yindan iborat bo‘ladi. Agar asosiy vaqt yakunida hisob teng bo‘lsa, qo‘shimcha taymlar o‘ynaladi, zarurat tug‘ilganda esa g‘olib penaltilar seriyasi orqali aniqlanadi[2].
Qurʼa jarayoni
Pley-off bosqichida bir xil milliy assotsiatsiyaga mansub jamoalar istalgan bosqichda o‘zaro to‘qnash kelishi mumkin. Shuningdek, jamoalar liga bosqichida toʻqnashgan raqiblari bilan ushbu bosqichida yana bahs olib borishi ehtimoli mavjud.
Har bir bosqich uchun qur’a tashlash mexanizmi quyidagicha amalga oshiriladi:
Qoʻshimcha pley-off bosqichi qur’asi vaqtida liga bosqichini 9–16-o‘rinlarda yakunlagan sakkizta jamoa saralangan (seeded), 17–24-o‘rinlarni egallagan sakkizta jamoa esa saralanmagan (unseeded) hisoblanadi. Qur’a tashlash oldindan belgilangan turnir to‘riga muvofiq to‘rtta bo‘limga ajratiladi va har bir bo‘limda saralangan jamoa o‘zining ikki mumkin bo‘lgan saralanmagan raqibidan biri bilan juftlashtiriladi. Saralangan jamoalar ikkinchi uchrashuvni o‘z maydonida o‘tkazadi.
Liga bosqichini 1–8-o‘rinlarda yakunlagan sakkizta jamoa saralangan (seeded), qoʻshimcha pley-off bosqichi g‘oliblari bo‘lgan sakkizta jamoa esa saralanmagan (unseeded) hisoblanadi. Qur’a oldindan belgilangan turnir to‘ri asosida to‘rtta bo‘limga ajratiladi, har bir bo‘limda saralangan jamoa o‘zining ikki ehtimoliy saralanmagan raqibidan biri bilan juftlashtiriladi. Saralangan jamoalar ikkinchi o‘yinni o‘z maydonida o‘tkazadi.
Chorak final va yarim final juftliklari hamda o‘yinlarning ketma-ketligi oldindan belgilangan turnir to‘riga asoslanadi. Har bir bosqichda yuqori saralangan (seeded) jamoa, agar keyingi bosqichga chiqa olsa, ikkinchi uchrashuvni o‘z maydonida o‘tkazadi. Agar saralangan jamoa mag‘lub bo‘lsa, uni mag‘lub qilgan jamoa uning saralangan o‘rnini egallaydi. 1-yarimfinal g‘olibi esa finalda rasmiy tarzda “uy” jamoasi sifatida belgilanadi (biroq final neytral maydonda o‘tkaziladi).
Pley-off bosqichida logistika va xavfsizlik masalalari sababli, bir shahar yoki yaqin shaharlardan boʻlgan jamoalar bir kunda yoki ketma-ket kunlarda uy uchrashuvini o‘tkazmaydi. Bunday muammolarning oldini olish maqsadida quyidagi o‘zgartirishlar qo‘llanadi: qoʻshimcha pley-off va 1/8 final bosqichida, agar ikkala jamoa ham bir xil uchrashuvni uyda o‘tkazishi kerak bo‘lsa, liga bosqichidagi pastroq o‘rinli jamoaning uy o‘yini odatiy vaqtdan oldinroq, boshqa kunga yoki alternativ maydonda o‘tkaziladi, shunda boshqa musobaqalar bilan muammolar yuz bermaydi. Chorak final va yarimfinal bosqichlarida, agar juftlikda ustuvorlik darajasi past bo‘lgan jamoa bor bo‘lsa, juftlikdagi o‘yinlar ketma-ketligi asl qur’a natijasiga qarshi tarzda o‘zgartiriladi[3].
Oldindan belgilangan juftliklar
Pley-off bosqichi toʻrining tuzilishi qisman oldindan belgilangan bo‘lib, bunda “seeding” (saralash) usuli qo‘llanilgan va toʻr ikki tomonlama simmetrik tartibda tashkil etilgan[2]. Jamoalarning toʻrdagi o‘rinlari liga bosqichidagi yakuniy natijalarga qarab aniqlanadi, shunda yuqori reytingga ega jamoalar erta bosqichlarda pastroq reytingdagi jamoalarga qarshi o‘ynaydi. Shu sababli, masalan, liga bosqichidagi yuqori ikki jamoa faqat final bosqichida uchrashishi mumkin.
Toʻrning har bir tomoni quyidagicha tuzilgan bo‘lib, qoʻshimcha pley-off va 1/8 final juftliklari qur’a orqali aniqlanadi[b]:
Qoʻshimcha pley-off bosqichi
Juftlik I: 9/10 vs 23/24
Juftlik II: 11/12 vs 21/22
Juftlik III: 13/14 vs 19/20
Juftlik IV: 15/16 vs 17/18
Nimchorak final
Juftlik A: 1/2 vs IV gʻolibi
Juftlik B: 3/4 vs III gʻolibi
Juftlik C: 5/6 vs II gʻolibi
Juftlik D: 7/8 vs I gʻolibi
Chorak final
Juftlik 1: A gʻolibi vs D gʻolibi
Juftlik 2: B gʻolibi vs C gʻolibi
Yarimfinal: 1 gʻolibi vs 2 gʻolibi
Taqvim
Taqvim quyidagicha belgilangan (barcha qur’alar Shveysariyaning Nyon shahridagi UEFA bosh qarorgohida o‘tkaziladi)[1].
Qoʻshimcha pley-off bosqichi uchun qur’a 2026-yil 30-yanvarda, soat (CET boʻyicha) 12:00 da o‘tkazildi[4]
.
Saralash
Qoʻshimcha pley-off bosqichi qur’asi oldindan belgilangan juftliklarga asoslanib, to‘rtta saralangan va to‘rtta saralanmagan savatlar bilan o‘tkazildi. Jamoalarning savatlardagi o‘rinlari liga bosqichi yakuniy natijalariga qarab aniqlanadi: 9‑dan 16‑gacha bo‘lgan o‘rinlarni egallagan jamoalar saralangan hisoblanib, ikkinchi o‘yinni uyida o‘ynash huquqiga ega bo‘ladi, 17‑dan 24‑gacha bo‘lgan jamoalar esa saralanmagan bo‘lib, qur’a orqali juftliklarga taqsimlanadi. Qur’a jarayoni avval saralanmagan jamoalardan boshlanadi va ularni barcha juftliklarga joylashtirish bilan amalga oshiriladi; jarayon tugagach, saralangan jamoalar ularning raqiblari sifatida tortiladi. Shu tartib yuqori reytingdagi jamoalarni erta bosqichda bir-biriga duch kelishidan himoya qilish va ikkinchi o‘yinni uyida o‘ynash imkoniyatini ta’minlashga xizmat qiladi[5].
↑2026-yil 28-martgacha bo‘lgan sanalar (qoʻshimcha pley-off va 1/8 final bosqichlari) uchun vaqt CET (UTC+1) bo‘yicha ko‘rsatiladi, undan keyingi sanalar (chorak final, yarim final va final) esa CEST (UTC+2) asosida belgilanadi.
↑Qur’alar orqali toʻrning har bir tomoni uchun qoʻshimcha pley-off va 1/8 final juftliklari aniq belgilanadi va toʻrning chap va o‘ng tomonlariga joylashtiriladi. Masalan, agar 9-o‘rindagi jamoa pley-offda 23-o‘rindagi jamoaga qarshi tushsa, 10-o‘rindagi jamoa braketning boshqa tomonida 24-o‘rindagi jamoaga qarshi o‘ynaydi.
↑Borussia Dortmund va Atalanta oʻrtasidagi bahs 21:00 da boshlanishi rejalashtirilgan edi, yoʻldagi tirbandliklar sabab jamoalar kechikib yetib kelishi ortidan 21:15 gacha kechiktirildi.[19]
1991/92-yilgi mavsumda musobaqa hali Yevropa Kubogi nomi bilan o‘tkazilgan, lekin u guruh bosqichi tizimi birinchi marta qo‘llangani uchun roʻyxatda mavjud. Shu mavsum hamda 1992/93-yilgi mavsumda guruh bosqichi va final o‘rtasida to‘g‘ridan-to‘g‘ri pley-off bosqichi bo‘lmagan.
Arsenal
Bayern Munich
Barcelona
Sporting CP
Inter Milan
Paris Saint-Germain
Olympiacos
Club Brugge
Galatasaray
Qarabağ
Bodø/Glimt
QF1 gʻolibi