Kontent qismiga oʻtish

2025-yilgi UEFA Konferensiyalar ligasi finali

ZiyoSfera, erkin ensiklopediya
2025 UEFA Konferensiyalar ligasi
Turnir 2024–25-yilgi UEFA Konferensiyalar ligasi
Real Betis Chelsea
Ispaniya Angliya
1 4
Sana 2025-yil 28-may (2025-05-28)
Oʻyin oʻtkazilgan joy Wrocław Stadium, Wrocław
Uchrashuvning eng
yaxshi o'yinchisi		 Cole Palmer (Chelsea)[1]
Hakam Irfan Peljto (Bosniya va Gersegovina)[2]
Tomoshabinlar soni 39,754[3]
Ob-havo qisman bulutli
15 °C (59 °F)
84% namlik[4]
← 2024
2026 →

2025-yilgi UEFA Konferensiyalar ligasi finali – 2024–2025-yilgi UEFA Konferensiyalar ligasining final uchrashuvi boʻlib, bu UEFA tomonidan tashkil etilgan Yevropaning klublar miqyosidagi uchinchi darajali futbol turnirining toʻrtinchi mavsumi, hamda turnir nomi UEFA Yevropa Konferensiyalar ligasidan UEFA Konferensiyalar ligasiga oʻzgartirilganidan keyingi ilk mavsum edi. Uchrashuv 2025-yil 28-may kuni Polshaning Wrocław shahridagi „Wrocław Stadium“ arenasida Ispaniyaning „Real Betis“ va Angliyaning „Chelsea“ klublari oʻrtasida boʻlib oʻtdi[5].

„Chelsea“ uchrashuvda 4–1 hisobida gʻalaba qozonib, oʻzining ilk UEFA Konferensiyalar ligasi chempionligini qoʻlga kiritdi hamda barcha toʻrtta yirik Yevropa sovrinini va amaldagi uchta Yevropa musobaqasini yutgan ilk klubga aylandi[6]. Shuningdek, ular 2001-yilda „Bavariya“ning UEFA Chempionlar ligasi finalida „Valencia“ ustidan gʻalabasidan buyon UEFA finallarida ispan klubini magʻlub etgan birinchi ispan boʻlmagan jamoaga aylandilar[7].

„Chelsea“ oʻzining milliy chempionatdagi oʻrni orqali allaqachon 2025–26-yilgi UEFA Chempionlar ligasiga yoʻllanmani qoʻlga kiritganligi sababli, UEFA Konferensiyalar ligasi gʻolibiga ajratilgan 2025–26-yilgi UEFA Yevropa ligasidagi oʻrin boʻsh qoldi.

Uchrashuvdagi uch gollik farq UEFA Konferensiyalar ligasi finali tarixidagi eng yirik hisobli gʻalaba boʻldi. Bungacha boʻlib oʻtgan dastlabki uchta finalda gʻolib jamoalar atigi bitta gol farqi bilan gʻalaba qozongan edi. Shuningdek, ushbu oʻyin UEFA Konferensiyalar ligasi finali tarixidagi eng koʻp gol kiritilgan final sifatida ham qayd etildi[8].

Tarixiy fon

„Real Betis“ oʻz tarixida ilk bor Yevropa miqyosidagi turnirlar finaliga chiqdi.

„Chelsea“ uchun esa bu oʻn uchinchi Yevropa finali va UEFA Konferensiyalar ligasi finalidagi esa ilk ishtiroki edi. Klub 1999-yilgacha mavjud boʻlgan uchta yirik Yevropa musobaqasining har birida ikki martadan gʻolib boʻlgan: UEFA Chempionlar ligasida (2012, 2021), Kubok egalari kubogida (1971, 1998) va UEFA Yevropa ligasida (2013, 2019). Bundan tashqari, ular UEFA Superkubogini ham ikki bor qoʻlga kiritgan (1998, 2021). Shuningdek, klub toʻrtta UEFA finallarida magʻlub boʻlgan: 2008-yilgi UEFA Chempionlar ligasi finalida va 2012, 2013 hamda 2019-yillardagi UEFA Superkubogi finalida. Ushbu finalda gʻalaba qozonganidan soʻng, Chelsea barcha toʻrt yirik Yevropa sovrinini qoʻlga kiritgan ilk klubga aylandi.

Bu ikki jamoa shu paytgacha toʻrt marta toʻqnash kelgan: ikki marta 1997–1998-yilgi UEFA Kubok egalari kubogi chorak finalida va ikki marta 2005–06-yilgi UEFA Chempionlar ligasi guruh bosqichida. „Chelsea“ oʻsha uchrashuvlarning uchtasida gʻalaba qozongan: Sevilyadagi oʻyinda 2:1, Londondagi oʻyinda esa 3:1 hisobida yutib, umumiy 5:2 hisobida final sari yoʻl olgan va oxir-oqibat Kubok egalari kubogini qoʻlga kiritgan; 2005–06-yilgi mavsumdagi oʻz maydonida kechgan uchrashuvida esa 4:0 hisobida gʻalaba qozongan. Biroq, „Real Betis“ ularning soʻnggi uchrashuvida, Sevilyadagi oʻyinda 1:0 hisobida gʻalaba qozongan. Oʻsha bosqichda „Chelsea“ magʻlubiyatga qaramay guruhda ikkinchi oʻrinni egallab, 1/8 finalga chiqdi, „Real Betis“ esa uchinchi oʻrinda qolib, UEFA Yevropa ligasiga yoʻl oldi – bu turnirni oxir-oqibat ularning shahardoshlari „Sevilla“ klubi qoʻlga kiritdi.

Avvalgi finallar

Jamoa Avvalgi finallarda ishtiroki
Ispaniya Real Betis Ishtirok etmagan
Angliya Chelsea Ishtirok etmagan

Mezbon

Wrocław Stadium (Wrocławda joylashgan), homiylik sabablari tufayli Tarczynski Arena nomi bilan ham tanilgan boʻlib „Śląsk Wrocław“ klubi oʻyinlariga mezbonlik qiladi. Stadion 2011-yil sentabr oyida ochilgan boʻlib, 42 771 tomoshabinga moʻljallangan[9][10]. Ushbu arena avvalroq UEFA Yevro 2012 musobaqasi oʻyinlariga mezbonlik qilgan. Uchrashuv Polshada oʻtkazilayotgan UEFA klublarining uchinchi finali boʻldi. Ilgari bu mamlakatda 2015 va 2021-yillarda UEFA Yevropa Ligasi finallari boʻlib oʻtgan.

Mezbonni tanlash jarayoni

2022-yil 21-iyunda UEFA final uchun tanlov jarayonini eʼlon qildi. Bu jarayon 2024-yilgi final bilan parallel ravishda olib borildi. Nomzod shaharlar bitta yoki ikkala final uchun ham ariza topshirishlari mumkin edi. Taklif etilgan stadionlar tabiiy gazonga ega boʻlishi, UEFAning toʻrtinchi toifa stadionlari sifatida tasniflanishi va imkon qadar 30 000–50 000 oʻrinli boʻlishi talab etiladi. Tanlov jarayoni quyidagicha belgilandi[5]:

  • 21-iyun 2022-yil: Arizalarni rasmiy qabul qilish boshlandi
  • 31-avgust 2022-yil: Nomzodlik uchun roʻyxatdan oʻtish yakuni
  • 7-sentabr 2022-yil: Talablar nomzodlarga taqdim etildi
  • 3-noyabr 2022-yil: Dastlabki hujjatlarni topshirish muddati
  • 23-fevral 2023-yil: Yakuniy hujjatlarni topshirish muddati
  • 28-iyun 2023-yil: Mezbon shahar eʼlon qilindi

UEFA Ijroiya qoʻmitasi 2023-yil 28-iyunda Shveytsariyaning Nyon shahrida boʻlib oʻtgan yigʻilishda Wrocław Stadiumni final mezboni etib tasdiqladi[11].

Finalgacha yoʻl

Eslatma: Quyidagi barcha natijalarda finalchi jamoa hisobi birinchi koʻrsatilgan (H: uyidagi oʻyin; A: safardagi oʻyin).

Ispaniya Real Betis Bosqich Angliya Chelsea
Raqib Umumiy 1-oʻyin 2-oʻyin Saralash bosqichi Raqib Umumiy 1-oʻyin 2-oʻyin
Ukraina Kryvbas Kryvyi Rih 5–0 2–0 (A) 3–0 (H) Play-off Shveysariya Servette 3–2 2–0 (H) 1–2 (A)
Opponent Natija Liga bosqichi Raqib Natija
Polsha Legia Warsaw 0–1 (A) 1-tur Belgiya Gent 4–2 (H)
Daniya Copenhagen 1–1 (H) 2-tur Gretsiya Panathinaikos 4–1 (A)
Sloveniya Celje 2–1 (H) 3-tur Armaniston Noah 8–0 (H)
Chexiya Mladá Boleslav 1–2 (A) 4-tur Germaniya 1. FC Heidenheim 2–0 (A)
Moldova Petrocub Hîncești 1–0 (A) 5-tur Qozogʻiston Astana 3–1 (A)
Finlandiya HJK 1–0 (H) 6-tur Irlandiya Shamrock Rovers 5–1 (H)
15-oʻrin
Birdan chorak nimchorak finalga yoʻllanma oldi 		Yakuniy oʻrni 1-oʻrin
1/16 finalga yoʻllanma oldi
Raqib Umumiy 1-oʻyin 2-oʻyin Pley-off bosqichi Raqib Umumiy 1-oʻyin 2-oʻyin
Belgiya Gent 3–1 3–0 (A) 0–1 (H) Play-offs —
Portugaliya Vitória de Guimarães 6–2 2–2 (H) 4–0 (A) 1/16 bosqich Daniya Copenhagen 3–1 2–1 (A) 1–0 (H)
Polsha Jagiellonia Białystok 3–1 2–0 (H) 1–1 (A) Chorak final Polsha Legia Warsaw 4–2 3–0 (A) 1–2 (H)
Italiya Fiorentina 4–3 2–1 (H) 2–2 (q.v) (A) Yarim final Shvetsiya Djurgårdens IF 5–1 4–1 (A) 1–0 (H)

Oʻyin

Qisqacha sharh

„Real Betis“ toʻqqizinchi daqiqada hisobni ochdi – Isco toʻpni jarima maydoniga uzatdi va uni Abde Ezzalzouli darvozaning oʻng pastki burchagiga aniq tarzda yoʻlladi. Shundan keyin ham „Betis“da ikkinchi golni urish uchun bir necha qulay vaziyatlar boʻldi, xususan Marc Bartraning jarima maydonidan tashqaridan yoʻllagan zarbasini „Chelsea“ darvozaboni Filip Jörgensen qaytarib yubordi. 20-daqiqada esa Ezzalzouli yana hujumga oʻtib, ikki „Chelsea“ futbolchisini ortda qoldirdi va toʻpni Johnny Cardosoga oshirdi, biroq uning zarbasi Benoît Badiashile tomonidan toʻsib qolindi.

65-daqiqada „Chelsea“ hisobni tenglashtirdi – Cole Palmer jarima maydoniga toʻp uzatdi va Enzo Fernández boshi bilan toʻpni „Betis“ darvozaboni Adrián ustidan oshirib, hisobni 1:1 holatiga keltirdi. Besh daqiqa oʻtib, Palmer yana jarima maydoniga uzatmani amalga oshirdi, bu safar Nicolas Jacksonning yoʻllagan zarbasi darvoza toʻridan joy oldi va „Chelsea“ hisobda oldinga chiqib oldi. 78-daqiqada tezkor qarshi hujumda Jackson va Jadon Sancho ikki kishi boʻlib Betis darvozaboniga qarshisi chiqishdi. Ammo Jacksonning toʻpni qabul qilishdagi xatosi tufayli imkoniyat boy berildi. Shunga qaramay, Sancho ham 83-daqiqada oʻz hisobiga gol yozdirib qoʻydi. Oʻyin yakuniga yaqin esa Moisés Caicedo hisobni yanada yiriklashtirib qoʻydi.

Ushbu gʻalaba bilan „Chelsea“ UEFAning barcha beshta klublar miqyosidagi turnirlari: UEFA Chempionlar ligasi, UEFA Yevropa ligasi, UEFA Konferensiyalar ligasi, UEFA Superkubogi va UEFA kubok egalari kubogida zafar quchgan ilk jamoaga aylandi[12].

Tafsilotlar

Real Betis Ispaniya1–4Angliya Chelsea
 Hisobot
Muxlislar soni: 39,754[3]
forma
Real Betis[4]
forma
Chelsea[4]
GK 13 Ispaniya Adrián
RB 23 Senegal Youssouf Sabaly
CB 5 Ispaniya Marc Bartra
CB 6 Braziliya Natan
LB 12 Shveysariya Ricardo Rodriguez Maydondan chiqarilgan 46'
CM 18 Ispaniya Pablo Fornals Maydondan chiqarilgan 85'
CM 22 Ispaniya Isco (c)
CM 4 Amerika Qoʻshma Shtatlari Johnny Cardoso Maydondan chiqarilgan 85'
RF 7 Braziliya Antony Ogohlantirilgan 88'
CF 11 Kongo Demokratik Respublikasi Cédric Bakambu Maydondan chiqarilgan 72'
LF 10 Marokash Abde Ezzalzouli Maydondan chiqarilgan 53'
Zaxira:
GK 25 Ispaniya Fran Vieites
GK 41 Ispaniya Manu González
DF 15 Fransiya Romain Perraud Ogohlantirilgan 90+5' Maydonga tushirilgan 46'
DF 24 Ispaniya Aitor Ruibal Maydonga tushirilgan 72'
DF 32 Senegal Nobel Mendy
DF 40 Ispaniya Ángel Ortiz
MF 16 Ispaniya Sergi Altimira Maydonga tushirilgan 85'
MF 20 Argentina Giovani Lo Celso Maydonga tushirilgan 85'
MF 46 Ispaniya Mateo Flores
FW 36 Ispaniya Jesús Rodríguez Maydonga tushirilgan 53'
FW 52 Ispaniya Pablo García
Murabbiy:
Chili Manuel Pellegrini
GK 12 Daniya Filip Jörgensen
RB 27 Fransiya Malo Gusto Maydondan chiqarilgan 46'
CB 23 Angliya Trevoh Chalobah
CB 5 Fransiya Benoît Badiashile Ogohlantirilgan 55' Maydondan chiqarilgan 61'
LB 3 Ispaniya Marc Cucurella
CM 8 Argentina Enzo Fernández (c)
CM 25 Ekvador Moisés Caicedo
RW 11 Angliya Noni Madueke
AM 20 Angliya Cole Palmer Ogohlantirilgan 79' Maydondan chiqarilgan 87'
LW 7 Portugaliya Pedro Neto Maydondan chiqarilgan 61'
CF 15 Senegal Nicolas Jackson Maydondan chiqarilgan 80'
Zaxira:
GK 1 Ispaniya Robert Sánchez
GK 47 Finlandiya Lucas Bergström
DF 4 Angliya Tosin Adarabioyo
DF 6 Angliya Levi Colwill Maydonga tushirilgan 61'
DF 24 Angliya Reece James Maydonga tushirilgan 46'
DF 34 Angliya Josh Acheampong
MF 22 Angliya Kiernan Dewsbury-Hall Maydonga tushirilgan 80'
MF 39 Fransiya Mathis Amougou
FW 18 Fransiya Christopher Nkunku
FW 19 Angliya Jadon Sancho Ogohlantirilgan 85' Maydonga tushirilgan 61'
FW 32 Angliya Tyrique George
FW 38 Ispaniya Marc Guiu Maydonga tushirilgan 87'
Murabbiy:
Italiya Enzo Maresca

Oʻyinning eng yaxshi futbolchisi:
Cole Palmer (Chelsea)[1]

Hakamlar:[2]
Senad Ibrišimbegović (Bosniya va Gersegovina)
Davor Beljo (Bosniya va Gersegovina)
Toʻrtinchi hakam:[2]
Halil Umut Meler (Turkiya)
Zaxira yordamchi hakami:[2]
Kerem Ersoy (Turkiya)
Video assistant referee:[2]
Jérôme Brisard (Fransiya)
Assistant video assistant referee:[2]
Willy Delajod (Fransiya)
Support video assistant referee:[2]
Marco Di Bello (Italiya)

Oʻyin qoidalari

  • 90 daqiqa
  • Agar zarurat tugʻilsa, 30 daqiqalik qoʻshimcha boʻlimlar beriladi.
  • Agar qoʻshimcha boʻlimlar yordam bermasa, penaltilar seriyasi amalga oshiriladi.
  • Koʻpi bilan 12 ta zahira oʻyinchilari boʻladi.
  • Koʻpi bilan 5 marta futbolchi almashtirishga ruxsat beriladi, qoʻshimcha boʻlimlarda esa 6-marta almashtirishga ruxsat beriladi.
  • Koʻpi bilan 3 ta almashtirish imkoniyatlariga ruxsat beriladi, qoʻshimcha boʻlimlarda esa 4-marta imkoniyatdan foydalanishga ruxsat beriladi.

Statistika

Manbalar

  1. ↑ 1,0 1,1 „Cole Palmer named official 2025 UEFA Conference League final Player of the Match“. UEFA.com. Union of European Football Associations (2025-yil 28-may). Qaraldi: 2025-yil 28-may.
  2. ↑ 2,0 2,1 2,2 2,3 2,4 2,5 2,6 „Referee teams for 2025 UEFA club competition finals announced“. UEFA.com. Union of European Football Associations (2025-yil 12-may). Qaraldi: 2025-yil 12-may.
  3. ↑ 3,0 3,1 „Full Time Report Final – Real Betis v Chelsea“. UEFA.com. Union of European Football Associations (2025-yil 28-may). Qaraldi: 2025-yil 28-may.
  4. ↑ 4,0 4,1 4,2 „Tactical Lineups – Final – Wednesday 28 May 2025“. UEFA.com. Union of European Football Associations (2025-yil 28-may). Qaraldi: 2025-yil 28-may.
  5. ↑ 5,0 5,1 „Invitation to bid for the 2023/24 and 2025/25 UEFA Europa Conference League finals and the 2025/25 UEFA Women's Champions League final“. UEFA Circular Letter. № 40/2022. Union of European Football Associations. 21 June 2022. Qaraldi: 28 June 2022.
  6. ↑ „Real Betis 1–4 Chelsea: The Blues complete the set with Conference League success“. UEFA.com. Union of European Football Associations (2025-yil 28-may). Qaraldi: 2025-yil 28-may.
  7. ↑ „IFFHS continental stats – UEFA Conference League final“. IFFHS (2025-yil 29-may). 2025-yil 6-iyulda asl nusxadan arxivlangan. Qaraldi: 2025-yil 31-may.
  8. ↑ „Finals | History | UEFA Conference League“. UEFA.com. Union of European Football Associations. Qaraldi: 2025-yil 6-iyun.
  9. ↑ „Stadion Miejski we Wrocławiu“ (pl). stadiony.net. Qaraldi: 2025-yil 7-may.
  10. ↑ „Fakty i liczby“ (pl). Tarczyński Arena Wrocław. Qaraldi: 2025-yil 7-may.
  11. ↑ „Lisbon to host UEFA Women's Champions League final in 2025“. UEFA.com. Union of European Football Associations (2023-yil 28-iyun). Qaraldi: 2023-yil 28-iyun.
  12. ↑ Begley, Emlyn „Chelsea 4–1 Real Betis: Chelsea come from behind to thrash Betis & win Conference League“. BBC Sport (2025-yil 28-may). Qaraldi: 2025-yil 28-may.
  13. ↑ 13,0 13,1 13,2 „Team statistics“. UEFA.com. Union of European Football Associations (2025-yil 28-may). Qaraldi: 2025-yil 28-may. 
"https://ziyosfera.uz/index.php?title=2025-yilgi_UEFA_Konferensiyalar_ligasi_finali&oldid=247055" dan olindi