Kontent qismiga oʻtish

Manuel Pellegrini

ZiyoSfera, erkin ensiklopediya
Manuel Pellegrini
Pellegrini 2022-yil Real Betis murabbiyligida
Shaxsiy maʼlumot
Toʻliq ismi Manuel Luis Pellegrini Ripamonti[1]
Tavallud sanasi 1953-yil 16-sentyabr (1953-09-16) (73 yosh)
Tavallud joyi Santiago, Chile
Boʻyi 1.84 m[2]
Ampluasi Markaziy himoyachi
Klub maʼlumoti
Joriy klub
 Real Betis (head coach)
Yoshligida aʼzo boʻlgan klublar
Audax Italiano
Universidad de Chile
Professional faoliyati*
Yillar Jamoa Isht. (Gol.)
1979–1986 Universidad de Chile[3] 315 (7)
Total 315 (7)
Milliy terma jamoa
1986 Chili[3] 1 (0)
Boshqargan klublari
1988–1989 Universidad de Chile
1990–1991 Palestino
1992–1993 OʻHiggins
1994–1996 Universidad Católica
1998 Palestino
1999–2000 LDU Quito
2001–2002 San Lorenzo
2002–2003 River Plate
2004–2009 Villarreal
2009–2010 Real Madrid
2010–2013 Málaga
2013–2016 Manchester City
2016–2018 Hebei China Fortune
2018–2019 West Ham United
2020– Real Betis
*Professional klublardagi gollari (ichki chempionat)

Manuel Luis Pellegrini Ripamonti (ispancha: Manuel Luis Pellegrini Ripamonti; 1953-yil 16-sentyabrda tugʻilgan) – chililik professional futbol murabbiyi va sobiq futbolchi. Futbolchilik faoliyati davomida markaziy himoyachi pozitsiyasida oʻynagan. 2020-yildan buyon „Real Betis“ jamoasining bosh murabbiyi lavozimida faoliyat yuritmoqda. U murabbiy sifatida Ispaniya, Angliya, Argentina, Chili, Xitoy va Ekvador futbol klublarini boshqargan. Pellegrini toʻrtta mamlakatning milliy chempionatlarida gʻoliblikni qoʻlga kiritgan.

Pellegrini 2004-yilda Ispaniyaning „Villarreal“ jamoasiga bosh murabbiy etib tayinlanish uchun Yevropaga yoʻl oldi. Uning rahbarligida „Vilyarreal“ 2004-05-yillarda La Ligada uchinchi oʻrinni, 2005-06-yillarda Chempionlar Ligasi yarim finaligacha yetib borish natijasini qayd etgan. 2007-08-yilgi mavsumda esa La Ligada ikkinchi oʻrinni egallab, anʼanaviy ikki yetakchi jamoa hukmronligini yorib oʻtishga muvaffaq boʻlgan. 2008-yilga kelib, u Ispaniya chempionatidagi gʻalabalar foizi boʻyicha Vanderlei Luxemburgodan keyingi oʻrinda turgan Janubiy Amerikalik murabbiy edi[4].

Pellegrinining „Villarreal“ klubidagi izchil yutuqlari „Real Madrid“ jamoasi rahbarlarining eʼtiborini tortgan va u 2009-yilda ushbu jamoaga bosh murabbiy etib tayinlangan. Pellegrini Madridda bir mavsum davomida faoliyat olib borgan va La Ligadagi mavsumida 96 ochko toʻpladi, bu 2011-12-yilgi mavsumda José Mourinho tomonidan yangilanguncha klub rekordi boʻlib turgan. Mavsum yakunida chempionlikni „Barcelona“ga uch ochko farq bilan boy bergan. U bir mavsumdan soʻng lavozimidan chetlashtirilgan va keyinchalik „Real“da qoʻllanilgan Galácticos siyosatidan afsus chekkan, chunki bu siyosat unga muvozanatli jamoa shakllantirishga imkon bermagan.

Pellegrini 2010-yil noyabrida „Malaga“ jamoasining bosh murabbiyi etib tayinlangan. U oʻzining birinchi toʻliq mavsumida jamoani toʻrtinchi oʻringa olib chiqqan va UEFA Chempionlar Ligasiga yoʻllanma olishga erishgan. 2012-13-yilgi Chempionlar Ligasida chorak finalga chiqib, musobaqadagi debyut mavsumida ikki jamoani chorak finalga olib chiqqan yagona murabbiy boʻldi. 2013-yil 22-mayda Pellegrini 2012-13-yilgi La Liga mavsumi yakunida „Malaga“ni tark etishini maʼlum qilgan. 2013-yil 14-iyunda u „Manchester City“ jamoasining bosh murabbiyi etib tayinlangan[5] va birinchi mavsumidayoq Angliya Liga kubogi hamda Premyer-liga gʻolibligini qoʻlga kiritgan. Shu tariqa, u Yevropa tashqarisidan kelib Angliya Premyer-ligasida chempionlikka erishgan birinchi murabbiy boʻlgan.

Pellegrini, shuningdek, 2015-16-yilgi mavsumda „Manchester City“ jamoasini Chempionlar ligasida birinchi marta yarim finalga olib chiqishga erishgan[6]. Bu uning soʻnggi mavsumi boʻlib, uning jamoasi 66 ochko bilan toʻrtinchi oʻrinni egallagan edi[7]. U 2016-yildan 2018-yilgacha Xitoyning „Hebei China Fortune“ klubini boshqardi va may oyida bu lavozimni tark etgan. 2018-yilning may oyida „West Ham United“ bosh murabbiyi etib tayinlangan Pellegrini, 18 oy davomida jamoani boshqargan, ammo 2019-yil dekabr oyida natijalar yomonlashgani sababli ishdan boʻshatilgan[8]. 2020-yilning 9-iyulida Ispaniyaning „Real Betis“ klubi uni 2020-21-yilgi mavsumda jamoani boshqarishi haqida eʼlon qilgan[9].

Boshqaruv uslubi

Pellegrini butun faoliyati davomida oʻzining hujumkor boshqaruv uslubi, vazmin feʼl-atvori va insonlarni boshqarishdagi mahorati uchun keng miqyosda maqtovga sazovor boʻlgan. „Manchester City“ning darvoza oldidagi shafqatsizligi – murakkab pas uzatishlar va standart holatlardan foydalanish kabi turli usullarda namoyon boʻlganidan, „The Daily Telegraph“ gazetasi „City“ning oʻyin uslubini „goʻzal geometriya orqali oʻlimga mahkum etish“ga qiyoslagan[10].

Shaxsiy hayoti

Uning oʻgʻli Manuel Pellegrini Pucci travmatolog boʻlib, 2022-yildan beri Audax Italiano jamoasining tibbiyot xodimi sifatida faoliyat yuritmoqda[11]. 2022-yil 26-sentyabr holatiga koʻra, u soliqdan qochganligi uchun HMRC tomonidan tergov ostiga olingan. HMRC tomonidan talab qilinayotgan summa £816 579,80 funt sterlingni tashkil etadi[12].

Murabbiylik statistikasi

2025-yil 28-may oid statistika
Jamoalar va boshqaruv muddati boʻyicha murabbiyli natijalari
Jamoa Dan Gacha Natijalar Man.
Oʻ Gʻ D M Gʻal%
Universidad de Chile 1988-yil 1-yanvar 1989-yil 31-yanvar 38 11 13 14 028,95
Palestino 1990-yil 1-yanvar 1991-yil 31-dekabr 90 31 31 28 034,44
OʻHiggins 1992-yil 1-yanvar 1993-yil 31-dekabr 76 30 22 24 039,47
Universidad Católica 1994-yil 1-yanvar 1996-yil 30-iyun 124 72 29 23 058,06
Palestino 1998-yil 1-yanvar 1998-yil 31-dekabr 21 4 7 10 019,05
L.D.U. Quito 1999-yil 1-yanvar 2000-yil 30-iyun 76 35 16 25 046,05
San Lorenzo 2001-yil 15-fevral 2002-yil 30-iyun 78 38 20 20 048,72
River Plate 2002-yil 1-iyul 2003-yil 31-dekabr 77 42 14 21 054,55
Villarreal 2004-yil 1-iyul 2009-yil 1-iyun 259 123 72 64 047,49 [13][14][15]
Real Madrid 2009-yil 1-iyun 2010-yil 26-may 48 36 5 7 075,00 [13][16][17]
Málaga 2010-yil 5-noyabr 2013-yil 14-iyun 129 53 30 46 041,09 [14][18]
Manchester City 2013-yil 14-iyun 2016-yil 30-iyun 167 100 28 39 059,88 [14]
Hebei China Fortune 2016-yil 27-avgust 2018-yil 19-may 52 21 12 19 040,38 [19][20][21]
West Ham United 2018-yil 22-may 2019-yil 28-dekabr 64 24 11 29 037,50 [14]
Real Betis 2020-yil 9-iyul Hozirgacha 256 120 68 68 046,88
Jami 1 555 741 378 436 047,65

Yutuqlari

Futbolchi sifatida

Universidad de Chile

  • Chili kubogi: 1979-yil

Murabbiy sifatida

Pellegrini 2014-yil may oyida „Manchester City“ jamoasining chempionlik paradida Premyer-liga kubogi bilan
Universidad Católica
  • Chili kubogi: 1995-yil[22]
  • Interamerika kubogi: 1993-yil[23]
LDU Kito
  • A Seriyasi: 1999-yil
San-Lorenso
  • Birinchi divizion: 2000-01-yillar
  • Merkosur kubogi: 2001-yil
River Pleyt
  • Birinchi divizion: 2002-03-yillar
Vilyarreal
  • UEFA Intertoto kubogi: 2004-yil[24]
Manchester Siti
  • Premyer-liga: 2013-14-yillar[25]
  • Futbol ligasi kubogi: 2013-14, 2015-16-yillar
Real Betis
  • Ispaniya Qirol kubogi: 2021-22-yillar[26]

Shaxsiy yutuqlari

  • Migel Munos sovrini: 2007-08, 2021-22-yillar
  • Premyer-liganing oyning eng yaxshi murabbiyi: 2013-yil dekabr, 2014-yil yanvar, 2014-yil dekabr, 2015-yil avgust
  • La Liganing oyning eng yaxshi murabbiyi: 2025-yil mart[27]
  • Malaga viloyati kengashi: Oltin qalqon mukofoti

Manbalar

  1. ↑ „Pellegrini: Manuel Luis Pellegrini Ripamonti: Manager“. BDFutbol. Qaraldi: 2018-yil 22-may.
  2. ↑ „Manuel Pellegrini“. Goal.com. 2015-yil 23-iyunda asl nusxadan arxivlangan. Qaraldi: 2014-yil 30-dekabr.
  3. ↑ 3,0 3,1 „Pellegrini, Manuel“. National Football Teams. Benjamin Strack-Zimmermann. Qaraldi: 2019-yil 23-sentyabr.
  4. ↑ „Успешные южноамериканские тренеры“ (deadlink). 2012-yil 7-martda asl nusxadan arxivlangan. Qaraldi: 2009-yil 2-iyun.
  5. ↑ Hunter, Andy. „Manuel Pellegrini confirmed as Manchester City manager“ (2013-yil 14-iyun).
  6. ↑ „Manchester City need two more goals to erase United's record feat of 143 goals during Busby Babes days“ (2014-yil 17-aprel). 2022-yil 12-yanvarda asl nusxadan arxivlangan. Qaraldi: 2016-yil 3-fevral.
  7. ↑ „Manchester City failed to reach their first Champions League final after an uninspiring semi-final second-leg display at 10-time winners Real Madrid“. BBC Sport (2016-yil 4-may). Qaraldi: 2019-yil 10-aprel.
  8. ↑ „West Ham manager Pellegrini sacked“. BBC Sport.
  9. ↑ „Manuel Pellegrini appointed Real Betis manager“. BBC Sport (2020-yil 9-iyul). Qaraldi: 2020-yil 13-iyul.
  10. ↑ Hayward, Paul. „Jose Mourinhoʻs is right – Manchester City have a duty to win title“ (2014-yil 29-yanvar). 2014-yil 30-yanvarda asl nusxadan arxivlangan. Qaraldi: 2014-yil 30-yanvar.
  11. ↑ García, Javier „Manuel Pellegrini, hijo del "Ingeniero", es la nueva incorporación de Audax Italiano“ (es). www.encancha.cl (2022-yil 8-iyul). Qaraldi: 2022-yil 9-iyul.
  12. ↑ „Current list of deliberate tax defaulters“. GOV.UK.
  13. ↑ 13,0 13,1 „Real appoint Pellegrini as coach“. BBC Sport (2009-yil 1-iyun). Qaraldi: 2018-yil 22-may.
  14. ↑ 14,0 14,1 14,2 14,3 „Managers: Manuel Pellegrini“. Soccerbase. Centurycomm. Qaraldi: 2019-yil 17-avgust.
  15. ↑ „Managers list of Villarreal: All“. BDFutbol. Qaraldi: 2018-yil 22-may.
  16. ↑ „Real Madrid clear the way for Jose Mourinho“. BBC Sport (2010-yil 26-may). Qaraldi: 2018-yil 22-may.
  17. ↑ „Managers list of Real Madrid: All“. BDFutbol. Qaraldi: 2018-yil 22-may.
  18. ↑ „Managers list of Málaga: All“. BDFutbol. Qaraldi: 2018-yil 22-may.
  19. ↑ „Manuel Pellegrini: Ex-Manchester City manager joins Hebei China Fortune“. BBC Sport (2016-yil 27-avgust). Qaraldi: 2018-yil 22-may.
  20. ↑ „West Ham favourite Manuel Pellegrini leaves Hebei China Fortune paving way for London Stadium move“ (2018-yil 19-may). Qaraldi: 2018-yil 22-may.
  21. ↑ „Hebei China Fortune FC: Matches“. Soccerway. Perform Group. Qaraldi: 2018-yil 22-may.
  22. ↑ „Manuel Pellegrini, the humble engineer behind Spain's combative challengers“. fifa.com. FIFA (2023-yil 13-iyul). Qaraldi: 2023-yil 14-dekabr.
  23. ↑ „Manuel Pellegrini, the humble engineer behind Spain's combative challengers“. fifa.com. FIFA (2023-yil 13-iyul). Qaraldi: 2023-yil 14-dekabr.
  24. ↑ „uefa.com - UEFA Intertoto Cup - Fixtures & Results - Match Specific“ (2004-yil 29-avgust). 2004-yil 29-avgustda asl nusxadan arxivlangan.
  25. ↑ „Manager profile: Manuel Pellegrini“. Premier League. Qaraldi: 2018-yil 19-sentyabr.
  26. ↑ „Real Betis 1–1 Valencia (5–4 on pens): Real Betis win Copa del Rey final on penalties“. BBC Sport (2022-yil 23-aprel). Qaraldi: 2022-yil 23-aprel.
  27. ↑ „Manuel Pellegrini, Best LALIGA EA SPORTS Coach in March“. La Liga (2025-yil 24-mart). Qaraldi: 2025-yil 24-mart.

Havolalar

Vikiomborda „Manuel Pellegrini“ mavzusi boʻyicha mediafayllar bor. 
"https://ziyosfera.uz/index.php?title=Manuel_Pellegrini&oldid=596522" dan olindi