Zubayda
Zubayda (762—831) – Horun ar-Rashidning xotini, amakisining qizi, abbosiylar xalifasi Amin (? – 813) ning onasi. U xalqparvar, kambagʻalparvar, xayr-u ehson borasida behad qoʻli ochiq boʻlib, oʻz mablagʻiga koʻplab shahar, qalʼa, rabot, masjid, madrasa, koʻprik, yoʻl, ariq, quduq, hovuz, sardoba, koriz qurdirgan, gʻoziylar uchun qurol-aslaha va otlar xarid qilgan, yer-u mulklar sotib olib, ularni qalʼalarga vaqf etgan. Chunonchi, Z. Kufadan Makka va Madinagacha boʻlgan yoʻllarda quduqlar va Makka axlini oqar suv bilan taʼminlash uchun uzunligi 16 km keladigan bir ariq qazdirgan. Makkaliklar hanuzgacha mazkur ariqni „Aynu Zubayda“ („Zubayda chashmasi“) deb ataydi. Shosh kanalini (Toshkentdagi Boʻzsuv) tiklashga 2 mln. dirham ajratgan. Nizomulmumsning „Siyosatnoma“ asarida aytilishicha, Erondagi Koshon va Tabriz, Qashqar va Balur chegarasidagi Badaxshon, Isfijobdagi Husan sh.larini hamda Erondagi Jilon, Xorazmdagi Afrofa va b. koʻpgina qalʼalarni Z. qurdirgan[1].
Manbalar
Adabiyotlar
Nizomulmulk, Siyosatnoma, T., 1997.
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |