Zsuzsanna Kossuth

Zsuzsanna Kossuth
Tavalludi	1817 Vengriya
Vafoti	1854 Nyu-York, AQSh
Kasbi	Vengriya erkinlik uchun kurashchisi

Zsuzsanna Kossuth (1817-yil 19-fevralda tugʻilgan – 1854-yil 29-iyunda vafot etgan) – vengriyalik hamshira, 1848-yilgi Vengriya inqilobida Vengriya erkinlik uchun kurashchisi boʻlgan.

Biografiyasi

Zsuzsanna Kossuth 1817-yil 19-fevraldada Vengriyaning Sátoraljaújhely shahrida dunyoga kelgan. U vengriyalik advokat, jurnalist va siyosatchi Lajos Kossuthning singlisi edi. 1841-yilda Kossuth Rudolf Meszlényi bilan oila qurgan. U va turmush oʻrtogʻi Milliy himoya assotsiatsiyasi aʼzolari boʻlishgan. 1849-yil aprel oyida akasi uni Vengriyadagi barcha harbiy gospitallar bosh hamshirasi lavozimiga tayinlagan. Kossuth Vengriyada butun harbiy tibbiy tizimni tashkil qilish mas’uliyatini oʻz zimmasiga olgan va jami 72 ta harbiy shifoxona tashkil etgan. Shuningdek, u ayollarni koʻngilli hamshira sifatida xizmat qilishga chaqiruvchi murojaat bilan chiqqan va ularga bu ishda yordam bergan. Shu tariqa, Kossuth zamonaviy hamshiralik faoliyatining asoschisiga aylangan. Odatda, zamonaviy hamshiralik kasbining asoschisi sifatida Florence Nightingale tan olinadi, chunki u Qrim urushi (1853–1856) davrida ushbu sohani rivojlantirgan edi. Biroq Kossuth bu ishni undan 5–6 yil avval amalga oshirgan. Vengriya mustaqillik inqilobining magʻlubiyatidan soʻng Kossuth Avstriya hukumatining buyrugʻi bilan hibsga olingan. Keyinchalik ozod etilgan boʻlsa-da, hokimiyat tomonidan doimiy taʼqibga uchrab kelgan. 1851-yilda ikkinchi bor hibsga olinganida bu ishga amerikaliklar aralashib, uni Vengriyaga qaytmaslik sharti bilan ozod etishga muvaffaq boʻlishgan. Shundan soʻng Kossuth AQShga yoʻl olgan.

Zsuzsanna Kossuth 1854-yil 29-iyun kuni Nyu-Yorkda oʻpka kasalligidan vafot etgan.

Adabiyotlar

• Kertész Erzsébet: Kossuth Zsuzsanna, Kossuth Könyvkiadó, 1983, ISBN 9630921030