Ziyosfera:Dolzarb maqolalar/09.2026

02.09.2026

Oʻzbekiston mustaqilligi kuni (inglizcha: Independence Day Uzbekistan) — Oʻzbekistonda har yili 1-sentyabrda nishonlanadigan rasmiy davlat bayrami. Mustaqillik kuni munosabati bilan Toshkent shahrida mushakbozlik, konsertlar, turli musobaqalar, harbiy paradlar va gulchambar qo‘yish marosimlari o‘tkaziladi. 1991-yil Sovet davlat to‘ntarishiga urinish Sovet Ittifoqi poytaxti Moskvada sodir bo‘lgach, Sovet respublikalarining ko‘pchiligi mustaqilligini e’lon qila boshladi. O‘zbekiston SSR Prezidenti Islom Karimov 1991-yil 31-avgustda O‘zbekistonning Sovet Ittifoqidan mustaqilligini e’lon qildi. Shu kuni O‘zbekiston SSR Oliy Soveti O‘zbekiston Respublikasining davlat mustaqilligi to‘g‘risidagi bayonotni va O‘zbekiston Respublikasining davlat mustaqilligi to‘g‘risidagi qonunni qabul qildi. Qonunlar Islom Karimov tomonidan imzolangach, O‘zbekiston SSR O‘zbekiston Respublikasi deb qayta nomlandi. Ertasi kuni, 1-sentyabr, hukumat tomonidan davlat bayrami va dam olish kuni deb e’lon qilindi. 2026-yil O‘zbekistonda davlat mustaqilligining 35 yilligi nishonlanadi.

14.09.2026

Islom Abdugʻaniyevich Karimov (1938-yil 30-yanvar, Samarqand shahrida — 2016-yil 2-sentyabr Toshkent shahri) — davlat va siyosat arbobi, Oʻzbekiston Respublikasining birinchi prezidenti. Oʻzbekiston Qahramoni (1994). Oʻzbekiston Qurolli Kuchlari Oliy Bosh Qoʻmondoni va 2007-yilgi prezidentlik saylovlari gʻolibi, 2015-yilgi prezidentlik saylovlari gʻolibi. Oʻzbekiston mustaqilligi eʼlon qilingunga qadar OʻzSSR kommunistik partiyasi birinchi kotibi. 1991-yildan umrining oxiriga qadar Oʻzbekiston Prezidenti. Islom Karimov boshchiligida Oʻzbekiston oʻzining Konstitutsiyasiga ega boʻldi, BMTda tan olindi va MDH davlatlari bilan teng huquqli aloqalarni olib borgan.