Zinaida Ivanova
| Zinaida Sergeyevna Ivanova | |
|---|---|
 | |
| Tavalludi |
1865 Sichyovskiy Uyezdi, Smolensk gubernatorligi, Rossiya imperiyasi |
| Vafoti |
24-avgust 1913 (48–49 yoshda) Vladikino (Moskva yaqinida), Rossiya imperiyasi |
| Taxallusi | 'N. Mirovich', 'Zinaida Mirovich' |
| Kasbi | yozuvchi va tarjimon |
| Fuqaroligi | Rus |
Zinaida Sergeyevna Ivanova, (1865 — 24-avgust 1913) rus feminist yozuvchisi va tarjimoni boʻlib, N. Mirovich va Zinaida Mirovich taxalluslari ostida ijod qilgan.
Hayoti
Zinaida Ivanova 1865-yilda Rossiya imperiyasi tarkibidagi Smolensk guberniyasining Sichyovsk uyezdida tugʻilgan. U Moskvada ulgʻaygan, 1897-yilda ayollar uchun moʻljallangan Gerye kurslarini tamomlagan. Koʻp oʻtmay u turmushga chiqqan va uy sharoitida oʻqish ishlarini tashkil etish boʻyicha Moskva komissiyasida (Moskovskaia Kommissiia po Organizatsii Domashnego Chteniia) koʻngilli sifatida ishlay boshlagan. ingliz, fransuz, nemis, norveg, fin va rus tillarini mukammal bilgan holda u mustaqil yozish va tarjima qilish bilan shugʻullangan. 20-asrning birinchi oʻn yilligining dastlabki yillarida bu ishlar kamayib ketgach, daromadini toʻldirish uchun maʼruza safarlariga oʻtgan. Ivanova 1913-yil 24-avgustda Moskvaning chekkasidagi shaharcha Vladikinoda vafot etgan[1].
Faoliyati
U ayollar masalalari haqida, xususan Fransuz inqilobi bilan bogʻliq holda yozishni turmushga chiqqanidan koʻp oʻtmay boshlagan, baʼzan 'N. Mirovich' va 'Zinaida Mirovich' taxalluslaridan foydalangan, va norveg dramaturgi Henrik Ibsenning bir necha mashhur pyesalarini rus tiliga tarjima qilgan. Ivanova 1899-yilda Londonda boʻlib oʻtgan Xalqaro ayollar kengashi qurultoyida ishtirok etgan va ikki marta Xalqaro ayol suffrajistlar ittifoqi (1904 va 1906) qurultoylarida Rossiya ayollar harakati ahvoli haqida maʼruza qilgan. Uning ingliz tilini yaxshi bilishi va anglofilligi unga Britaniyada koʻp vaqt oʻtkazish, Londondagi Hayd-parkda ayollar saylov huquqi mitinglarida nutq soʻzlash va ingliz faylasufi John Stuart Millning Ayollarning bo‘ysundirilishi nomli inshosini rus tiliga tarjima qilish imkonini bergan. Ivanova 1905-yilgi Rossiya inqilobi chogʻida Umumrossiya Ayollar teng huquqliligi ittifoqining (ruscha: Всероссийский союз равноправия женщин) asoschilaridan biri boʻlgan va 1908-yilda Ittifoq tarqatib yuborilgach, Umumrossiya Ayollar teng huquqliligi ligasiga (ruscha: Всероссийская лига равноправия женщин) qoʻshilgan[1].
Manbalar
Adabiyotlar
- Ruthchild, Rochelle Goldberg „Mirovich, pseudonym for Zinaida Sergeevna Ivanova“, . Biographical Dictionary of Women's Movements and Feminisms in Central, Eastern, and South Eastern Europe: 19th and 20th Centuries. New York: Central European University Press, 2005. ISBN 978-963-7326-39-4.