Zigana dovoni
| Zigana dovoni | |
|---|---|
| Zigana Geçidi | |
 Zigana dovoni | |
| Balandligi | 2 032 m (6 667 ft) |
| Kesib oʻtgan: | D.885 / E97 avtomobil yo‘li |
| Tizma: | Pontiya tog‘lari |
| Koordinatalar | 40°38′56.4″N 39°23′34.08″E / 40.649000°N 39.3928000°E |
  | |
Zigana dovoni (turkcha: Zigana Geçidi) — Turkiyaning shimoli-sharqiy, Gümüşhane viloyati, Trabzon viloyati bilan chegaraga yaqin hududda joylashgan Pontiya tog‘laridagi tog‘ dovoni. Dengiz sathidan 2,032 m (6,667 ft) balandlikda joylashgan dovon D.885 / E97 avtomobil yo‘li ustida bo‘lib, Gümüşhane shahridan 60 km, Qora dengiz sohilidagi Trabzondan esa 120 km uzoqlikda joylashgan. Dovon yilda taxminan besh oy davomida qor bilan qoplangan bo‘ladi[1].
Zigana dovoni ostidan o‘tgan Zigana tunneli dengiz sathidan 1,795 m (5,889 ft) balandlikda joylashgan. Tunnelning uzunligi 1,702 m (5,584 ft), eni 11 m (36 ft) bo‘lib, maksimal balandligi 8 m (26 ft) ni tashkil etadi. Mamlakatdagi eng uzun tunnellardan biri hisoblanadi[2].
Tunnelning janubi-g‘arbida 3.5 km (2.2 mi) masofada joylashgan Zigana qishlog‘i mashhur chang‘i kurorti hisoblanadi[1].
Yaqin atrofdagi Limni ko‘liga 3 km (2 mi) lik piyoda yo‘lak orqali yurib borish mumkin. Shuningdek, Kalkanlı qishlog‘i orqali o‘tadigan 19 km (12 mi) lik yo‘l bilan avtomobilda ham borish mumkin, bu yo‘lning bir qismi asfaltlanmagan[3].
2009-yil 25-yanvarda Zigana tog‘ida sodir bo‘lgan qor ko‘chkisi oqibatida 11 nafar sayyoh (piyoda yuruvchilar) halok bo‘lgan[4].
Zigana dovoni — Ksenofont boshchiligidagi “O‘n minglik qo‘shin” Forsdan qaytayotganda o‘tgan dovondir (yunoncha: Ξενοφών – «Κάθοδος τῶν Μυρίων»). Aynan shu yerda ular Qora dengiz bo‘yidagi Trabzon (Τραπεζούντα) sohilini ko‘rib, quvonch bilan: “Thalatta! Thalatta!” — ya’ni “Dengiz! Dengiz!” deb hayqirganlar.
Galereya
Zigana dovonidagi nilufarlar (liliyalar)
Manbalar
- ↑ 1,0 1,1 „En güzel 10 kar manzarası-En iyi 10:1. Zigana Geçidi-Gümüşhane“ (tr) (2006-yil 13-yanvar). Qaraldi: 2009-yil 22-fevral.
- ↑ Özdemir, Ulaş.. „Zigana Tüneli tehlike saçıyor“ (tr). Milliyet (1999-yil 1-aprel). 2011-yil 4-iyunda asl nusxadan arxivlangan. Qaraldi: 2009-yil 25-fevral.
- ↑ „Torul-Zigana“ (tr). Sis Dağı. 2022-yil 11-iyulda asl nusxadan arxivlangan. Qaraldi: 2009-yil 23-fevral.
- ↑ „Avalanche kills 10 at Turkish ski resort“. CNN (2009-yil 25-yanvar). 2009-yil 29-yanvarda asl nusxadan arxivlangan. Qaraldi: 2009-yil 25-yanvar.