Zamira Amirova
Zamira Shamiliyevna Amirova (1979-yil 11-iyunda tugʻilgan) - nafaqadagi oʻzbekistonlik oʻrta masofaga yuguruvchi sportchi. Toshkentda tugʻilgan, 800 metrga yugurish ixtisosligi boʻyicha tayyorlangan. U oʻz shaxsiy eng yaxshi rekordi - 2:02.30 daqiqa, 2002-yil iyun oyida Toshkentda erishgan.
Faoliyati
1999-yildan boshlab u xalqaro musobaqalarda qatnasha boshladi. Olmaotada (Qozogʻiston) Gusman Kosanov xotirasiga bagʻishlangan xalqaro turnirda 800 metrga 2:05,35 natija bilan birinchi oʻrinni egallaydi.
2000-yilda Sidneyda (Avstraliya) boʻlib oʻtgan yozgi Olimpiya oʻyinlarida u 4 × 400 metrga estafetada qatnashdi, ammo saralashdan oʻta olmaydi[1]. Oʻsha yili Olmaotada 800 metrga yugurishda u yana birinchi oʻrinni egalladi. 2001-yilda Bishkek, Olma-Ota va Bangkok shaharlarida oʻtkazilgan xalqaro musobaqalarda gʻolib chiqdi[2].
2002-yilda Kolomboda (Shri-Lanka) yengil atletika boʻyicha oʻtkazilgan Osiyo chempionatida 400 metrga yugurishda kumush, 800 metrga yugurishda esa bronza medalini qoʻlga kiritdi[3]. Pusan shahrida (Janubiy Koreya) boʻlib oʻtgan yozgi Osiyo oʻyinlarida 800 metr masofaga 2:05.05 natija bilan bronza medalini qoʻlga kiritdi.
2003-yilda Manilada (Filippin) boʻlib oʻtgan yengil atletika boʻyicha Osiyo chempionatida u 800 metrga yugurishda bronza medalini qoʻlga kiritdi, ammo 400 metrga yugurish saralashiga erisha olmadi. Dushanbe (Tojikiston) shahrida boʻlib oʻtgan Markaziy Osiyo oʻyinlarida 800 metr masofaga yugurishda kumush medalni qoʻlga kiritdi. 2004-yili Oʻzbekiston kubogida 400 metr masofaga 52,23 ball bilan birinchi oʻrinni egalladi. Afinada (Gretsiya) boʻlib oʻtgan Yozgi Olimpiya oʻyinlarida 400 metr masofada u 54,43 natija koʻrsatdi, ammo bu turnirning final qismiga borish uchun yetarli emas edi.
2005-yilda Incheonda (Koreya Respublikasi) yengil atletika boʻyicha oʻtkazilgan Osiyo chempionatida 800 metr masofaga yugurishda bronza medalini qoʻlga kiritdi. Oʻsha yili Toshkentda oʻtkazilgan Oʻzbekiston kubogida birinchi oʻrinni egalladi. 2006-yilda Dohada (Qatar) boʻlib oʻtgan yozgi Osiyo oʻyinlarida 800 metr masofaga yugurishda bronza medalini qoʻlga kiritdi[4]. Pattaya (Tailand) shahrida oʻtkazilgan yopiq inshootlardagi Osiyo chempionatida 800 metr masofaga 2:07,01 natija qayd etib, chempionatning oltin medalini qoʻlga kiritdi.
2012-yilda 400 metr masofaga oʻtkazilgan Oʻzbekiston chempionatida uchinchi oʻrinni egalladi va shundan soʻng sportdagi faoliyatini yakunladi.
2021-yildan Toshkent shahridagi oʻsmirlar sport maktabida murabbiy boʻlib ishlaydi.
Yutuqlari
| Year | Competition | Venue | Position | Event | Notes |
|---|---|---|---|---|---|
Representing  Oʻzbekiston
| |||||
| 2000 | Olimpiya oʻyinlari | Sidney, Avstraliya | 21-oʻrin (h) | 4 × 400 m estafeta | 3:43.96 |
| 2002 | Osiyo Chempionati | Kolombo, Shri-Lanka | 2-oʻrin | 400 m | 53.87 |
| 3-oʻrin | 800 m | 2:04.48 | |||
| Osiyo oʻyinlari | Pusan, Janubiy Koreya | 3-oʻrin | 800 m | 2:05.05 | |
| 2003 | Osiyo Chempionati | Manila, Filippin | 12-oʻrin (h) | 400 m | 55.65 |
| 3-oʻrin | 800 m | 2:02.84 | |||
| Afro-Osiyo oʻyinlari | Haydarobad, Hindiston | 7-oʻrin | 800 m | 2:09.00 | |
| 2004 | Yopiq inshootlardagi Osiyo chempionati | Tehron, Eron | 7-oʻrin (h) | 400 m | 58.16 |
| Olimpiya oʻyinlari | Afina, Gretsiya | 37-oʻrin (h) | 400 m | 54.43 | |
| 2005 | Osiyo chempionati | Incheon, Janubiy Koreya | 3-oʻrin | 800 m | 2:04.22 |
| 2006 | Yopiq inshootlardagi yengil atletika boʻyicha Osiyo chempionati | Pattaya, Tayland | 1-oʻrin | 800 m | 2:07.01 |
| Asian Games | Doha, Qatar | 3-oʻrin | 800 m | 2:03.59 | |
Manbalar
- Zamira Amirova at World Athletics
- ↑ Sydney2000 Results. web.archive.org (11 сентября 2005). Дата обращения: 23 августа 2021.
- ↑ Zamira AMIROVA | Profile | World Athletics. www.worldathletics.org. Дата обращения: 23 августа 2021. Архивировано 23 августа 2021 года.
- ↑ Wayback Machine. web.archive.org (1 ноября 2013). Дата обращения: 23 августа 2021..
- ↑ 15th Asian Games Doha 2006. web.archive.org (10 декабря 2006). Дата обращения: 23 августа 2021.