Zamindori

Zamindori - 18-asr oxiri 19-asrlarda ingliz mustamlakachilari tomonidan Shimoli - Sharqiy va Markaziy Hindistonda joriy etilgan yer soliq tizimi. Yer egalarining yuqori tabaqasi, zamindorlarning merosxoʻrlik huquqlarini mustahkamlagan. Mustamlaka hokimiyati yerning oliy egasi hisoblangan. Doimiy zamondori (mustamlaka hokimiyati foydasiga undiriladigan yer soligʻi abadiy qilib belgilangan) va muvaqqat zamindori (yer soligʻi har 20—40 yilda qayta ko‘rib chiqilgan) farqlangan. Hindiston va Sharqiy Pokiston (1971 yildan mustaqil Bangladesh respublikasi)da 20-asr 50-yillarda oʻtkazilgan islohotlar natijasida yer rentasi berish huquqi davlat ixtiyoriga oʻtdi, bu bilan yirik yer egalarining ijtimoiy-iqtisodiy mavqei pasaygan.