Zamindoʻzi
Zamindoʻzi – zardoʻzlikdagi tikish usuli. Bezatiladigan buyum yuzasiga (guli va zamini) kashta bilan sidirgʻa qoplab tikiladi. Bunda kashta toʻgʻridan-toʻgʻri matoga yoki mato ustidagi toʻshama (siddiy) ustidan zar, kumush yoki ipak iplar bilan tikiladi. Zamindoʻzida mayda handasiy shakllar („chashmi bulbul“, „chordarchor“, „shashxol“, „sambusa“ va b.), diagonal va zigzag yoʻllar („mavji yakroʻya“, „mavji duroʻya“, „mavji chashmi bulbul“ va b.) hosil qiladigan bezak choklardan foydalaniladi. Zamindoʻzida badiiy anʼanalar, zardoʻz ustaning mahorati namoyon boʻladi. Zamindoʻzi XIX - asrda saroy amaldorlarining kiyimlarini tayyorlashda keng qoʻllangan. Hozir Zamindoʻzi asosan, guldoʻzi usulida bezatiladigan buyumlarning ayrim boʻlaklarini tikishda ishlatilib kelinmoqda.[1]
Yana qarang
Manbalar
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |