Zahro Shujoiy
 Shujoiy 2021-yilda | |
| Ayollar ishtiroki masalalari markazi rahbari | |
|---|---|
|
Mansab davri 1997-yil 18-oktyabr – 2005-yil 25-sentyabr | |
| Prezident | Muhammad Xotamiy |
| Oʻtmishdoshi | Shahlo Habibiy |
| Vorisi | Nasrin Soltanxoh |
| Shaxsiy maʼlumotlari | |
| Tavalludi |
24-iyun 1956-yil Tehron, Eron |
| Vafoti |
2024-yil 26-mart Tehron, Eron |
| Bolalari | 2 qiz |
| Alma mater |
|
Zahro Shujoiy (forscha: زهرا شجاعی; 1956-yil 24-iyunda tugʻilgan — 2024-yil 26-martda vafot etgan) — eronlik siyosatchi. Eron ayollar huquqlari himoyachisi sifatida tanilgan boʻlib, prezident Muhammad Xotamiy davrida ayollar masalalari boʻyicha maslahatchi boʻlib xizmat qilgan va shu tariqa 1997—2005-yillarda uning hukumat kabineti aʼzosi hisoblangan.
Ayollar ishtiroki markazi
1997-yilda Xotamiy Ayollar ishtiroki markazini tashkil etdi. Keyinchalik ushbu tashkilot prezidentlikka boʻysunuvchi, mamlakatdagi ayollar masalalari bilan shugʻullanuvchi asosiy muassasaga aylandi. 2005-yilda Ahmadinajod prezident boʻlgach, markaz nomini Ayollar va oila masalalari markazi (Markaz-e Omor-e Zanan va Khanevadeh Riasat-e Jomhuri) deb oʻzgartirdi.
Eron hukumati kabinetiga tayinlanishi
Prezident Xotamiy Zahro Shujoiyni ayollar masalalari boʻyicha maslahatchisi (bu lavozimni avval Shahlo Habibiy egallagan) hamda Ayollar ishtiroki markazi rahbari etib tayinladi. Bu tayinlovdan soʻng u Eron prezidentining kabineti aʼzosiga aylandi. Zahro Shujoiy Masuma Ebtekor bilan birga Islom inqilobidan keyin tarkibida ayollar ham boʻlgan ilk hukumat kabinetida ishtirok etdi.
Oʻtish davri
2005-yilda Mahmud Ahmadinajod prezident etib saylanganidan soʻng Shujoiy egallagan lavozimga Nasrin Soltanxoh tayinlandi. Markaz Xotamiy davridagi Ayollar ishtiroki markazi nomi oʻrniga Ayollar va oila masalalari markazi deb qayta nomlandi. „Ishtirok“ endilikda siyosatdagi ustuvor yoʻnalish boʻlmay qoldi.
Vafoti
Shujoiy 2024-yil 26-mart kuni 67 yoshida vafot etgan[1].
Manbalar
- ↑ „زهرا شجاعی درگذشت“. YJC (2024-yil 26-mart). Qaraldi: 2024-yil 26-mart.
Havolalar
- Eronda ayollarning oʻrni: oʻtmish yutuqlari va kelajak istiqbollari[sayt ishlamaydi]