Zahkashlar

Zahkashlar (Oniscoidea) — har xil oyoqli qisqichbaqasimonlarni kenja turkumi. Uzunligi 1-50 mm. Hozirgi kunda ularni 1000 ga yaqin turi maʼlum. Koʻpchilik turlari quruqlikda yashashga moslashgan. Nam joylarda hayot kechiradi (nomi shundan olingan). Kechasi faol, kunduzi pana joylarga yashirinib oladi. Choʻlda hayot kechiradigan Hemilepistus cristatus inining chuqurligi 1 m ga yetadi. Ayrim zahkashlar jabra yaproklarini qoplab turadigan yupqa suv qatlamlarida erigan kislorod bilan nafas oladi, boshqalarida atmosfera havosidan nafas oladigan maxsus moslama boʻladi. Eng tuban tuzilgan zahkashning hayoti suv muhiti bilan bogʻliq. Ligia urugʻi turlari dengiz sohilida yashaydi va uzoq muddat davomida suv ostida qolishi mumkin. Ligidium urugʻi vakillari soylarda yashaydi. Koʻpchilik zahkashlar oʻsimlik qoldiqlari bilan oziqlanib, tuproq hosil boʻlishida ishtirok etadi. Ayrim zahkashlar (Hemilepistus zachvatkini) sugʻoriladigan maydonlar va issiq xonalardagi ekinlarga ziyon yetkazadi.