Yuriy Ruf
| Yuriy Ruf | |
|---|---|
| Asl ismi | Юрій Романович Дадак |
| Tavalludi |
26-sentyabr 1980-yil |
| Vafoti |
1-aprel 2022-yil (41 yoshda) Lugansk viloyati, Ukraina |
| Fuqaroligi |
 Ukraina |
| Taʼlimi | Ukraina milliy o‘rmon xo‘jaligi universiteti |
| Yoʻnalish | sheʼriyat, nasr |
| Faoliyat yillari | 2011–2022 |
| Tanlangan asarlari |
Bagryana lіrika (2012) Chas revolyutsії (2014) Na zlamі epox (2015) |
| Bolalari | 2 |
Yuriy Ruf (ukraincha: Юрій Руф), haqiqiy ismi Yuriy Romanovich Dadak (ukraincha: Юрій Романович Дадак; 1980-yil 26-sentyabr – 2022-yil 1-aprel) – ukrainalik shoir, yozuvchi, olim, jamoat arbobi, „Dux Natsiyi“ („Millat ruhi“) adabiy loyihasining asoschisi.
Hayoti
Yuriy Ruf 1980-yil 26-sentybrda Ukrainaning Ternopil viloyatida tugʻilgan. Rufning „Bagryana lirika“ (2012), „Chas Revolyutsii“ (2014) va „Na zlami epox“ (2015) kabi asarlari bor[1]. Uning sheʼrlari, shuningdek, „Golos krovi“ (2013) va „Vidlunnya svintsevix gromovits“ (2015) sheʼrlari ukrain zamonaviy millatchilik sheʼriyati toʻplamlariga kiritilgan. Yuriy Ruf 14 yoshida sheʼr yozishni boshlagan[2]. Ruf anʼanaviy ukrain sheʼriyatiga tanqidiy munosabati bilan tanilgan boʻlib, uning fikricha, bu sheʼriyatda ukrainaliklarning aksariyati kambagʻal va baxtsiz qiyofada tasvirlanadi[3]. Ruf bunday sheʼriyat oʻzini qadrlash va milliy gʻurur tuygʻusini pasaytirishiga ishongan. Shu sababli, oʻz sheʼriyatini vatanparvarlikni targʻib qiluvchi sheʼriy vosita deb hisoblagan. Muxlislar uning sheʼriyatini „front chizigʻi lirikasi“ deb taʼriflashadi, yaʼni jangovar ruhni koʻtarish, ruhlantirishga undash va milliy gʻurur tuygʻusini uygʻotishga qaratilgan urush va vatanparvarlik sheʼriyati sifatida baholashadi[4].
Rufning soʻnggi asari „Na zlamı epox“ (2015) hozirgi Rossiya-Ukraina urushidagi ukrainalik qahramonlarga bagʻishlangan boʻlib, unda maʼlum shaxslar, harbiy boʻlinmalar, ukrainalik askarlar, janglar va urush davridagi boshqa voqealarni sharaflovchi sheʼrlar mavjud.
Ruf Lvovda yashagan va ikki farzandning otasi boʻlgan. Ruf 24-mexanizatsiyalashgan brigadaning zaxirasi tarkibida boʻlgan va 2022-yilda Lugansk viloyatida Rossiyaning Ukrainaga bostirib kirishi paytida jangda halok boʻlgan[5].
Manbalar
- ↑ „ДАДАК Юрій Романович“ (uk). Тернопільщина. Qaraldi: 2022-yil 13-aprel.
- ↑ Novak. „"Якщо ми не українізуємо фронт, повзуча русифікація візьме своє" — Юрій Руф у Вінниці | Novini Vіnnitsі | Novosti Vinnitsi | VLASNO.info“. vlasno.info. Qaraldi: 2016-yil 29-may.
- ↑ „Поет Юрій Руф: образ мертвого козака та заплаканої дівчини українцям нав'язують грантодавці - 20 хвилин“. vn.20minut.ua. Qaraldi: 2016-yil 29-may.
- ↑ „У бою за Україну загинув доцент університету Юрій ДАДАК (український поет Юрій Руф)“ (uk-ua). nltu.edu.ua. 2022-yil 3-aprelda asl nusxadan arxivlangan. Qaraldi: 2022-yil 13-aprel.
- ↑ „У бою з окупантами загинув український поет Юрій Руф“ (uk). Dilo (2022-yil 2-aprel). 2022-yil 3-aprelda asl nusxadan arxivlangan. Qaraldi: 2022-yil 3-aprel.