Yuliya Parshuta

Yuliya Parshuta
Tavalludi	Yuliya Vasilyevna Parshuta
Janrlar	pop, rok, soul
Kasbi	qoʻshiqchi, aktrisa
Faoliyat yillari	2004-yildan hozirgacha
Guruhlari	"Yin-Yang"(2007-2001)
Fuqaroligi	Rossiya
Veb-sayt	http://parshoota.com

Yuliya Vasilyevna Parshuta (1988-yil 23-aprel, Sochi, Krasnodar oʻlkasi) — rossiyalik kino va televideniye aktrisasi, qoʻshiqchi, qoʻshiq muallifi, bastakor.

Biografiyasi

Bolaligi va yoshlik yillari

U 1988-yil 23-aprelda Sochi shahrida tug‘ilgan. 2010-yilda RUDN universitetining Sochi filiali filologiya fakultetini tamomlagan.

2006-yilda “Moskvaning kristalli toj” tanlovida bosh sovrinni qo‘lga kiritgan. O‘qish bilan bir qatorda RUDN ayollar jamoasi “Krome shutok” tarkibida KVN musobaqalarida qatnashgan hamda Sochi televideniyesida “Pogoda + Telekonkurs” va “Ob-havo prognozi” ruknlarini olib borgan.

Teleproyektdagi ishtiroki

2007-yilda Sochida “MTV VJ bo‘l” loyihasining saralash bosqichida g‘olib bo‘lgan. Shu yilning yozida “Birnchi kanal”dagi “Yulduzlar fabrikasi-7” loyihasi uchun Moskvaga kastingga yo‘l olgan. U MTV loyihasida ishtirokni davom ettirish yoki “Yulduzlar fabrikasi-7”ning ishtirokchisiga aylanish o‘rtasida tanlov qilishi kerak bo‘lgan. U “Yulduzlar fabrikasi-7”ni tanlab, “In-Yan” guruhida loyihaning uchinchi o‘rnini egallagan.

2010–2013-yillarda STS telekanalidagi yoshlar sketç-shousi “Dayo‘sh molodyoj!”da qatnashgan. 2011-yilda “Yulduzlar fabrikasi. Qaytish” loyihasida ishtirok etgan.

2013-yilda “Rossiya-1” telekanali efirga uzatgan “Odin v odin!” shousining ikkinchi mavsumida qatnashgan. Uch yil o‘tib, 2016-yilda shu loyihaning 4-mavsumi — “Mavsumlar jangi”da ishtirok etib, Eminem, Mari Fredriksson (Roxette), Byanka, Valeriya va Valeriy Meladze obrazlarini ijro etgan.

2018-yil bahorida TNT Music telekanalidagi “Ruscha chart” dasturining boshlovchisiga aylangan.

2021-yilda NTV telekanalining “Maska” shousida ishtirok etib, ikkinchi mavsum finalchisiga aylandi. U ilon kostyumida chiqish qilib, uchinchi o‘rinni egalladi. Keyinchalik “Shoumaskgoon” loyihasida ham qatnashdi.

2023-yil kuzida Pavel Volya va Lyaysan Utyasheva tomonidan yaratilgan “Samarkandda omon qol” realiti-shousida ishtirok etgan; loyiha 2024-yil yanvar oyida TNT kanalida namoyish etildi.

Musiqiy faoliyati

2011–2012-yillarda u Nyu-Yorkda o‘qigan va ishlagan, aynan shu yerda uning ilk yakkaxon albomi yozib olingan. Shu davrda ilk mualliflik qo‘shig‘i “Zdravstvuy”, so‘ngra “Ty moy parol” va “Na oblakax” kompozitsiyalari taqdim etilgan.

2012-yilda Rossiyada uning ingliz tilida ijro etilgan ilk singli — “This Is My Song” namoyish etilgan. Xuddi shu nomdagi klipning premyerasi Vevo onlayn-platformasida o‘tgan; shu tariqa u ingliz tilida kuylovchi birinchi rusiyzabon ijrochi sifatida ushbu platforma bilan hamkorlik boshlagan.[1] Klip rejissyorlari o‘zi va latviyalik Miks Ozolinsh bo‘lgan. 2012-yilda “Kamen s dushi” trekini ham chiqargan.

2013-yil avgustida qo‘shiq “Yevropa Plyus” radiosi rotatsiyasiga kiritilgan. O‘sha vaqtning o‘zida Parshuta Sony Music Entertainment bilan shartnoma tuzgan hamda Lego kompaniyasining Lego Friends loyihasi uchun “Eng yaqin dugonalar madhiyasi”ni yozgan.

2014-yilda Sochi-2014 Olimpiadasiga bag‘ishlab “Angel, sevshiy mne na plechi” qo‘shig‘ini, shuningdek “Cut Me Open” singlini va uning klipini taqdim etgan. Shu yili “Big Love Show” dasturining boshlovchisi bo‘lgan. “Prowodniki dobra” aksiyasida va “Cheklanmagan imkoniyatlar” festivalida ishtirok etgan.

2015-yilda “It Must Have Been Love” (Roxette) musiqasiga yozilgan “V tishine gromkix slov” kompozitsiyasini “Rozaxutor Rojdestvo” festivalida ijro etgan, qo‘shiq matnini o‘zi yozgan.

2016-yilda u “Nevpopad”, “Labirinty”, “Mesyats may”, “Astalavista” singllarini chiqargan va Sony Music Entertainment Russia bilan hamkorligini yakunlagan.

2017-yil 7-aprelda uning debyut albomi — “Navsegda” va shu nomdagi klip taqdim etilgan. “Mesyats may” treki (muallifi Parshutaning otasi Vasiliy Konstantinovich Parshuta) “Bessmertniy polk” tanlovida g‘olib bo‘lgan. U “Mesyats may” loyihasini yo‘lga qo‘ygan. Mark Tishman bilan “Nevynosimaya” va “Bolno, no krasivo” duet qo‘shiqlarini, Yan Space bilan “Soldaty” singlini, shuningdek “Saundtrek etogo leta”, “Severnoye siyaniye” yakkaxon kompozitsiyalarini va “Pochemu dojd” klipini taqdim etgan. YouTube’da blogini ishga tushirgan.

2018-yil 23-aprelda shaxsiy kiyim-kechak brendi — Parshootastore’ni taqdim etgan. “Vsyo v poryadke” trekiga va “Severnoye siyaniye” remiksiga kliplar taqdim etilgan. Shu yilning noyabr oyida ikkinchi albomi — “Vsyo v poryadke” chiqdi.

2019-yil mart oyida Moskvadagi “16 tonn” klubida ilk yakkaxon konsertini o‘tkazgan. “Ameli” singli va uning remiksi, shuningdek “Ostaneshsya” klipi taqdim etilgan.

2019-yil 21-iyulda R&B va soull yo‘nalishidagi yangi albomi — namoyish etildi. 5-sentyabr kuni “Ameli” klipining premyerasi bo‘ldi; rejissyor — Valentin Grosu.

2020-yil 2-aprelda o‘zi yozgan “Luchshe” qo‘shig‘i, 9-aprelda esa Italiyaning pandemiyagacha bo‘lgan davrida suratga olingan klip taqdim etilgan. 4-iyunda “Slushat’” nomli yangi trek chiqdi.

22-oktabrda “Pogovorit’” singli, 17-noyabrda esa aktyor Artyom Nemov bosh rolni ijro etgan videoklip namoyish etildi.

2023-yil yanvar oyida Darya Charusha bilan birgalikda “Blagovest” singlini yozgan; u “Fandorin. Azazel” seriali uchun saundtrekga aylangan.

Shaxsiy hayoti

2018-yil 7-sentabr kuni u o‘zining yaqin ko‘rgan insoni — Aleksandr ismli tadbirkor bilan unashtirilganini nishonlagan. Biroq 2019-yil oxiriga kelib, juftlik o‘z munosabatlarini yakunlagan.

Havolalar

• Юлии Паршуты