Yuliya Chicherina
| Yuliya Dmitrievna Chicherina | |
|---|---|
 | |
| Tavalludi |
7-avgust 1978-yil (44 yosh) |
| Fuqaroligi | Rossiya |
| Kasbi | qoʻshiqchi gitarachi kompazitor aktrisa |
Yuliya Dmitrievna Chicherina (7-avgust 1978-yil Sverdlovskda tugʻilgan) — rus rok qoʻshiqchisi, musiqachi, aktrisa, muallif va qoʻshiqlar ijrochisi. Rossiya Federatsiyasida xizmat koʻrsatgan artist (2022).
Biografiyasi
Yuliya Chicherina 7-avgust 1978-yil Sverdlovskda tugʻilgan.
Bolaligida u rasm chizishni va qoʻshiq aytishni yaxshi koʻrardi, turli maktab guruhlarida gitara va baraban chalar edi. 2002-yilda u Yekaterinburg madaniyat va san'at maktabining estrada vokal boʻlimini tamomlagan[1][2].
2000-yil 25-iyulda Agata Kristi guruhi rahbari Vadim Samoylov[3] tomonidan ishlangan "Sni" nomli birinchi albomi chiqdi va Yuliya Chicherinaga Butunrossiya shuhratini keltirdi. “Tu-lu-la”, “Jara” va “Uxodya-uxodi” kompozitsiyalari boʻyicha oʻsha paytdagi mashhur klipmeyker va izlanuvchan kinorejissyor Timur Bekmambetov bilan birgalikda videokliplar suratga oldi. Albom nashr etilgandan soʻng, Yuliya Chicherina Timur Bekmambetovning "Gladiatrix" tarixiy jangovar filmida rol oʻynadi. Bu film uchun 2000-yil 20—21 sentyabrda guruh "Doroga" qoʻshigʻini yozdi[4]. Ushbu kompozitsiyani yozish uchun Konstantin Krimets[5] boshchiligidagi katta orkestr taklif qilingan. Ushbu kompozitsiyadan saundtrek sifatida foydalanish kerak edi. Biroq, bir qator sabablarga koʻra, qoʻshiq almashtirildi. Qoʻshiq 2001-yil 15-mayda 11 ta remiks va musiqiy video[6] bilan birga singl sifatida chiqarilgan.
2010-yilda "Tu-lu-la" qoʻshigʻi Julio Medemning "Komnata v Rime" filmi saundtrekida namoyish etildi. Bu vaqtga kelib, guruh tarkibi yangilandi, jamoa bir nechta singllarni chiqardi. "Nashego radio" "Sol" loyihasida ishtirok etrib Alla Pugachevaga hurmat bajo keltirdi va "Nad Uralom" qoʻshigʻi uchun videoklipni taqdim etdi. Ushbu trek "Semantik gallyutsinatsiyalar" guruhi bilan hamkorlikda Chicherina 2010-yil 9-martda Shadrinsk shahriga gastrol safari chogʻida sodir boʻlgan avtohalokat asosida yozilgan. Oʻsha yilning oxirida Chicherina "Bi-2" guruhi bilan birgalikda sahnada chiqish qildi va Rossiya Ichki ishlar vazirligining simfonik orkestri bilan ushbu guruhning bir nechta konsertlarida qatnashdi.
2011-yilning kuzida boʻlib oʻtgan Tibetga sayohati asosida qoʻshiqchi va uning guruhi "Skazka o stranstvii i poiske schastya" kontseptual video-musiqiy asarini yaratdi[7].
Diskografiyasi
Studiya albomi
- 2000-yil "Sni"[8]
- 2001-yil "Techeniye"[9]
- 2004-yil "Off/On"
- 2006-yil "Muzikalniy film"
- 2007-yil "Chelovek-ptitsa"
- 2015-yil "Skazka o stranstvii I poiske schastya"
- 2017-yil "#Voynaimir"[10]
- 2020-yil "Pesni voyennix let"
Filmografiyasi
Kino rollari
- 2001-yil — Gladiatrix — Deirdre, gladiator quli
- 2002-yil — Muzlik davri — Anyuta, qoʻshiqchi
- 2004-yil — Soʻzlar va musiqa — Vika, qoʻshiqchi
Unvonlari
- 2000-yil " Oltin Gramafon " mukofoti laureati — "Jara" qoʻshigʻi uchun
- 2002-yil "Bi-2" guruhi bilan duetda "Oltin Gramafon" mukofoti laureati — "Moy rok-n-roll" qoʻshigʻi uchun
- 2003-yil "Eng yaxshi qoʻshiq" nominatsiyasida "Bi-2" guruhi bilan duetda Muz-TV mukofoti laureati — "Moy rok-n-roll" qoʻshigʻi uchun
Manbalar
- ↑ Биография Юлии Чичериной. «Вокруг ТВ» // vokrug.tv
- ↑ Юля Чичерина закончила училище и стала певицей
- ↑ Кхжн ╚Оеоях╩ Б Пняяхх
- ↑ „«ЧИЧЕРИНА»: С ГАСТРОЛЕЙ НА СЪЕМКИ“. www.intermedia.ru (2000-yil 15-sentyabr).
- ↑ Дед Звукарь. „ЧИЧЕРИНА - Симфоническая "Дорога" Юли-гладиатрицы - Звуки.Ру“ (en). Zvuki.ru (2000-yil 2-noyabr).
- ↑ „11 РЕМИКСОВ ГРУППЫ «ЧИЧЕРИНА»“. www.intermedia.ru (2001-yil 13-aprel).
- ↑ Заядлая путешественница Юлия Чичерина. // km.ru (21 ноября 2013 года)
- ↑ Рецензия в журнале «FUZZ» № 9, 2000 год
- ↑ Рецензия в журнале «FUZZ» № 11, 2001 год
- ↑ „ЧИЧЕРИНА - "#Войнаимир" | Рецензии | Наш НеФормат“. www.nneformat.ru. Qaraldi: 2020-yil 27-noyabr.
Adabiyotlar
- Алексеев А. С. Кто есть кто в российской рок-музыке. — М. : АСТ : Астрель : Харвест, 2009. — С. 536—538. — ISBN 978-5-17-048654-0 (АСТ). — ISBN 978-5-271-24160-4 (Астрель). — ISBN 978-985-16-7343-4 (Харвест).