Yomgʻirlar
| „Yomgʻirlar“ | |
|---|---|
| Tohir Sodiqov va Renat Sobirov singli | |
| Chiqarilgan sanasi | 2018 |
| Janr | pop-rok |
| Davomiyligi | 3:54 |
| Qoʻshiq muallif(lar)i | Shohruz (Abadiya) va Azamat Otajonov |
| Bastakor(lar) | Shohruz (Abadiya) |
| Klipi | |
| „Yomgʻirlar“ YouTubeda | |
„Yomgʻirlar“ — Renat Sobirov va Tohir Sodiqov ijro etgan qoʻshiq. 2018-yil eʼlon qilingan. Qoʻshiq soʻzini Shohruz (Abadiya) va Azamat Otajonov, musiqasini esa Shohruz yozgan[1]. Sobirov taronani aranjirovka qilishda qatnashgan. „Yomgʻirlar“ qoʻshigʻi 2019-yil Sobirovning ayni nomli ilk studiyaviy albomiga kiritilgan. 2019-yil „Bolalar“ guruhining 30-yillik konsertida Sobirov Sodiqov bilan „Yomgʻirlar“ qoʻshigʻini yakuniy „Xayolim senda“ qoʻshigʻidan oldin ijro etgan.
Tarona sol minor tonalligida boʻlib, unda boshdan-oyoq i — v — VII — VI akkord ketma-ketligi qoʻllangan[2]. Xususan, ashulada Gm — Dm7 — F — E♭ akkordlari chalingan.
2018-yilning noyabr oyida „Yomgʻirlar“ qoʻshigʻi uchun rejissyor Rustam Meliyev klip suratga olgan. Klip 2019-yil eʼlon qilingan boʻlib, unda avtohalokatga uchragan yigit qismati tasvirlangan. Klipdan Sodiqov bilan Sobirov qoʻshiqni qora fonda ijro etayotgani aks etgan kadrlar ham oʻrin olgan.
Yana qarang
Manbalar
- ↑ „Renat Sobirov & Tohir Sodiqov - Yomg'irlar (Official Music Video)“. YouTube (7-sentyabr 2021-yil). Qaraldi: 5-noyabr 2022-yil.
- ↑ Atayev, Nodir „Akkord zinalari“. Gitara chalishni oʻrganamiz. 2022-yil 31-avgustda asl nusxadan arxivlangan. Qaraldi: 5-noyabr 2022-yil.