Yevgeni Rındin
Yevgeni Yuryeviç Rındin (ruscha: Евгений Юрьевич Рындин; 1972-yil 10-mart — 1995-yil 30-mart) — Birinchi Checheniston urushida ishtirok etgan va vafotidan keyin Rossiya Federatsiyasi Qahramoni unvoniga loyiq koʻrilgan harbiy xizmatchi.[1]
Hayoti
Yevgeni Rındin 1972-yil 10-martda Mingechaur shahrida tugʻilgan.[2] 1982-yilgacha Saxalin viloyatining Xolmsk shahridagi 6-sonli oʻrta maktabda oʻqigan. 1983-yildan 1989-yilgacha Tula viloyatining Uzlovaya shahridagi 1-sonli oʻrta maktabda oʻqib, uni tamomlagan.[3]
1989-yilda S. M. Kirov nomidagi Orjonikidze oliy harbiy qoʻmondonlik bilim yurtiga oʻqishga kirib, 1994-yilda uni imtiyozli diplom bilan bitirgan.
Leytenant Rındin oʻzining zobitlik xizmatini Rossiya Ichki ishlar vazirligining Ichki qoʻshinlari Shimoliy Kavkaz okrugining 100-operativ tayyorgarlik diviziyasining 46-operativ tayyorgarlik polkida vzvod komandiri sifatida boshlagan.[4] Shimoliy Kavkazga boʻlgan ikkita xizmat safarida ishtirok etgan.[5]
Yevgeni Rındin bir necha bor favqulodda zonalarda xizmat oʻtagan. Qisqa vaqt ichida hamkasblari orasida oʻzini ishonchli shaxs sifatida koʻrsatib, qoʻl ostidagilarning yuksak hurmatini qozongan.
1995-yil 30-martda leytenant Rındin Achxoy-Martan yaqinidagi post boshligʻi vazifasida xizmat qilayotgan edi. Tungi vaqtda kuzatuvchilar zobitga post yaqinida joylashgan sut fermasi hududida bir guruh nomaʼlum shaxslarning harakati haqida maʼlumot berishdi. Zabit kichik serjant Aleksandr Krivokon bilan birga sut firmasiga qarab yoʻl oldi. Razvedkachilar fermani diqqat bilan koʻzdan kechirgach, biroz nariga — oʻrmon tomon borishga qaror qilishdi va u yerda jangarilar tomonidan aniqlandilar.[6] Qisqa, ammo shiddatli jang boshlandi. Dastlab pulemyotlardan, soʻngra granatomyotlardan foydalanildi. Aniq oʻq otishlar bilan razvedkachilar oldinga intilayotgan "ruhlar"ning yoʻlini toʻsdilar. Rındin serjantga orqaga chekinishni buyurdi, oʻzi esa pozitsiyasini oʻzgartirib, hujum qilayotganlarning oʻqini oʻziga qaratdi. Ogʻir yarador boʻlgan Aleksandr Krivokon tong saharda zastava yaqinida oʻz askarlari tomonidan olib chiqildi.
Oyoqlari va koʻkrak qafasidan yaralangan leytenant Yevgeni Rındin oʻq-dorilari tugaguncha jang qilishni davom ettirdi va keyinchalik jangarilar tomonidan asir olindi. Unga qiynoqlar solishdi, yuzi va qoʻllarini kuydirishdi. Kuydirilgan jasad oʻrmonda tashlab ketilgan edi. Bu oʻn bir nafar kishining oʻlimi uchun zobitdan olgan oʻchlari edi.
Yevgeni Rındin Uzlovayadagi yangi qabristonda dafn etilgan.
Mukofotlari
Xizmat vazifasini bajarish chogʻida koʻrsatgan jasorati va qahramonligi uchun Rossiya Federatsiyasi Prezidentining 1995-yil 25-avgustdagi 877-sonli Farmoni bilan leytenant Yevgeni Yuryeviç Rındin vafotidan keyin Rossiya Federatsiyasi Qahramoni unvoniga loyiq koʻrilgan.[7]
Manbalar
- ↑ „Рындин Евгений Юрьевич“ (ru). Qaraldi: 13-avgust 2026-yil.
- ↑ „30 марта 1995 года в Чеченской Республике в результате боевого столкновения погиб лейтенант Евгений Рындин.“ (ru) (2025-yil 30-mart). Qaraldi: 13-avgust 2026-yil.
- ↑ „Герой России Евгений Юрьевич Рындин“ (ru). Qaraldi: 13-avgust 2026-yil.
- ↑ „Военнослужащие войск ОГПУ, НКВД, МГБ, МВД, навечно зачисленные в списки войсковых частей 1929—2007 г.“. Qaraldi: 7-sentyabr 2015-yil.
- ↑ „Рындин Евгений Юрьевич - Герой Российской Федерации - Биография“ (ru) (2019-yil 13-sentyabr). Qaraldi: 13-avgust 2026-yil.
- ↑ „Памяти павших в Чечне“ (ru). Qaraldi: 13-avgust 2026-yil.
- ↑ „Рындин Евгений Юрьевич“ (ru). warheroes.ru. Qaraldi: 13-avgust 2026-yil.
Havolalar
- Yevgeni Rındin — Tula RSVA