Yelena Podgurskaya

Yelena Genrixovna Podgurskaya (1896, Moskva — 1968.30.9, Toshkent) — koʻgʻirchoq teatri rassomi, Oʻzbekistonda xizmat koʻrsatgan sanʼat arbobi (1956). Moskvadagi Stroganov badiiy bilim yurtining haykaltaroshlik boʻlimini tugatgan (1918). 1929-yildan Toshkentda. Dastlab Yosh tomoshabinlar teatrida, 1929-yildan Respublika pio-nerlar saroyi qoshidagi Davlat qoʻgʻir-choq teatrida, 1939-yildan Respublika qoʻgʻirchoq teatrida rassom. P. teatrda sahnalashtirilgan spektakllarni badiiy bezab, spektakllar ruhiga moyil qoʻgʻirchoqlar yaratishga, milliy kolo-ritni aniq berishga intildi. Uzbek („Ur, toʻqmoq“, „Sehrli chanoq“, „Ziyod botir“ va boshqalar), rus („Oʻlik malika va yetti bahodir haqida ertak“, „Alyonushka opa va Ivanushka uka“, „Qor mali-kasi“ va boshqalar), arab („Alibobo va qirq qaroqchi“), chex („Irjik bahodir“) va boshqa xalqlar ertaklari asosida va boshqa mavzularda yaratilgan spektakllarga rassomchilik qilgan.