Xuroskoʻl

Xurosko‘l — Qashqadaryo viloyati, Shahrisabz tumanidagi joy. Toponimning qadimiy shakli xaros ~ xurus bo‘lib, Hindistonda xurus usuli yordamida suv chuqur joydan balandroq joyga chiqarilgan.

«Boburnoma»da xurus orqali suv chiqarish quyidagicha tasvirlangan: «Ikki uzun ipni chohning qaddicha halqa qilib turlar, ikki orasiga yig‘ochlar bog‘lab, ko‘zalarni yig‘ochlarga berkilib turlar. Bu ko‘zalarni berkitgan ipni choh ustidagi charxga solib turlar, bu charxning tiyrining yana bir boshida yana bir charx qilib turlar, bu charxning qoshida yana bir charx qilib turlar kim, o‘qi tik turub tur, o‘y bu charxni evurgach, parralari ikkinchi charxning parralariga kirib, ul ko‘zalik charx evrulur, suv to‘kulur yerdan ovqo‘yub turlar, novdin har qayon suv el tarlar».