Xotinrabot

Xotinrabot — kushonlar davriga oid shahar xarobasi (mil. I—IV asrlar — mil. XI—XII asrlar). Surxondaryo viloyati Termiz tumani hududida joylashgan. 16 xonadan iborat hunarmand kulol uyi (21x18 m) va ustaxonasi xarobalari qazib ochilgan. Zal yaxshi bezatilgan. Ohaktoshli ustun asoslari, sopol idishlar, haykalchalar va sopol pishiriladigan xumdonlar topilgan. Markaziy tepaning shim. qismida mil. XI—XII asrlarda hayot qisman tiklangan. Markaziy tepadan 200 m sharqda mil. XVI—XVII asrlarga oid savdo toqi qoldiqlari ochilgan. Toqning tarhi asosida 8 qirrali zal va uning atrofida 8 xoʻjalik xonalari boʻlib, zal tuzilishiga koʻra gumbaz bilan yopilgan.