Xonobod sihatgohi
Xonobod sihatgohi (MCHJ) — O'zbekiston Respublikasi Prezidenti Sh. M. Mirziyoyevning 2017-yilning 2-3 iyun kunlari Andijon viloyatiga tashrifi chogʻidagi topshirigʻiga asosan, Vazirlar Mahkamasining 28.07.2017 yildagi „2017-2019 yillarda Andijon viloyatining Xonobod shahrini kompleks rivojlantirish“ toʻgʻrisidagi № 557-sonli farmoishiga asosan UzAutoMotors aksiyadorlik jamiyati tomonidan qurilib, 2018-yil 11-iyun kuni foydalanishga topshirilgan.
Loyiha budjeti
Xonobod sihatgohi 174 nafarga mo‘ljallangan, yillik sig‘im 6480 kishi. Loyihaning umumiy qiymati 70 mlrd. soʻm. Loyihaning maqsadi aholiga tibbiy xizmat koʻrsatish, sogʻlomlashtirish hamda tibbiy va ekoturizmni rivojlantirishga moʻljallangan.
Joylashuvi
Xonobod sihatgohi dengiz sathidan 850 m.balandlikda joylashgan boʻlib, yuqori nafas yoʻllari, asab tizimi hamda harakat tayanch organlari tizimi kasalliklarini sogʻlomlashtirishga moʻljallangan.
Hududi
Xonobod sihatgohining hududi 10.5 gektarni egallaydi. Barcha sihatgoh korpuslari park zonasida joylashgan, koʻm-koʻk daraxtlar va gullarga burkangan. Sihatgoh hududi koʻkalamzor ekinlar qayragʻochlar, teraklar, emanlar, yongʻoq daraxtlari, oq akatsiyalar, klyonlar, kashtanlar, archalar, chinorlar, archa butalari, bujun va boshqa daraxtlardan iborat. Davolash binolarida 4 xil turdagi xonalar mavjud, shulardan standart, yarim lyuks hamda, 6 ta appartimentda barcha sharoitlar yaratilgan. Park zonasida turar joy korpuslari, yopiq basseyn, anjuman zali, sport maydonlari va avtoturargoh mavjud[1].
Davolash va xizmatlar
Sihatgoh asosan nafas yoʻllari, asab tizimi, mushak-skelet, oshqozon-ichak kasalliklari bilan kasallangan beʼmorlarga xizmat koʻrsatadi. Davolash usullariga termal suyuqliklar (18–44 °C), mineral vannalar, elektroforez, parafin terapiyasi, mexanik va gidromassaj, akupunktur kiradi, undan tashqari stomatologiya, goʻzallik xizmati, tuz xonasi, fitoterapiya va laboratoriya tekshiruvlari xizmatlari mavjud[2].
Xalqaro eʼtibor
2022-yilgi Toshkent sogʻliqni saqlash konferensiyasida „Xonabod sihatgohida dam olish va davolanish“ mavzusida xalqaro taqdimot boʻlib oʻtgan[3].
Manbalar
- ↑ https://leto.uz/hotels/uzbekistan/sanatoriums/hanobod_sihatgohi/?srsltid=AfmBOoq2tUOiwxjw5BX5k7oNyq2v3qLjgDbUzjYRYFILfBWxkoBplwRc&utm_source=chatgpt.com
- ↑ https://leto.uz/hotels/uzbekistan/sanatoriums/hanobod_sihatgohi/?srsltid=AfmBOoq2tUOiwxjw5BX5k7oNyq2v3qLjgDbUzjYRYFILfBWxkoBplwRc&utm_source=chatgpt.com
- ↑ https://www.gima.de/media/1/1/5948/tihe_psr_2022_eng.pdf?utm_source=chatgpt.com