Xonobod
Xonobod — Qashqadaryo viloyati, Gʻuzor tumani ariq. Nomining tarkibi: xon + obod. Xon soʻzli boshqa nomlar: Xontepa, Xonariq (Qarshi, Chiroqchi), Xontaxti (Qamashi), Xontushdi (Gʻuzor), Xonqoʻriq (Shahrixon), Xonchorvoq (Pastdargʻom), Bandixon (Shoʻrchi), Xonimqoʻrgʻon (Yakkabogʻ), Xonjizza (Denov), Xoniyon (Qarshi).
Turkiy tillarda xon — xoqon soʻzining soddalashgan shakli boʻlib, oʻrta asrlarda oliy hokimlik unvoni va xonlik lavozimidagi shaxs ismiga qoʻshib ishlatilgan. Shu maʼnoda Xonobod — xon yoki xon unvonli kishi tomonidan bunyod etilgan ariqdir.
Eroniy tillarda: "Avesto"da xan — chashma; sugʻd tilida xan/xon — ariq; parfiyan tilida xan, xanig — chashma, ariq, hovuz, suv chiqadigan joy; Yagʻnob tilida xan — suv oqar ariq yoki sugʻorish kanali, katta xan — katta ariq, pulchak xan — kichik ariq; tojik tilida xon — kichik hovuz, xani — chashma yoki suv oqib chiqqan joy.