Xolmuhammad Neʼmatov
| Xolmuhammad Neʼmatov | |
|---|---|
| Холмуҳаммад Неъматов | |
 | |
| Tavalludi |
Neʼmatov Xolmuhammad Maʼmurjon oʻgʻli 1995-yil 26-sentyabr |
| Fuqaroligi | Oʻzbekiston |
| Taʼlimi | Perfect University (dasturiy injiniring, sirtqi) |
| Kasbi | Menejer, tadbirkor |
| Faoliyat yillari | 2011 – h.v. |
| Unvoni | Nashriyotlar va moliyaviy masalalar boʻyicha menejer |
| Maqomi | Nashriyotlar va moliyaviy masalalar boʻyicha menejer |
| muddat | 2026 – h.v. |
Neʼmatov Xolmuhammad Maʼmurjon oʻgʻli (kirillcha: Неъматов Холмуҳаммад Маъмуржон ўғли; 1995-yil 26-sentyabr, Uzun tumani, Surxondaryo viloyati) — oʻzbekistonlik yoshlar faoli, tadbirkor va menejer. 2026-yildan Respublika Yosh ijodkorlar kengashining «Yoshlar uchun ming kitob» loyihasida nashriyotlar va moliyaviy masalalar boʻyicha menejer.
Hayoti
Xolmuhammad Neʼmatov 1995-yil 26-sentyabrda Surxondaryo viloyatining Uzun tumanida tugʻilgan. 2023-yildan Perfect University oliy taʼlim muassasasida dasturiy injiniring yoʻnalishi boʻyicha sirtqi shaklda tahsil olmoqda. Rus tilini biladi.
Faoliyati
Yoshlar tashkilotlarida
Mehnat faoliyatini 2011-yilda «Kamolot» yoshlar ijtimoiy harakatining Uzun tuman Kengashida boshlagan va 2017-yilgacha Kengash aʼzosi hamda Sardorlar kengashi raisi boʻlgan. 2017-yilda «Kamolot» negizida Oʻzbekiston yoshlar ittifoqi tashkil etilgach, 2018-yilgacha Ittifoqning Uzun tuman Kengashi aʼzosi va Sardorlar maktabi rahbari sifatida faoliyat yuritgan.
2018-yilda Oʻzbekiston yoshlar tadbirkorligini qoʻllab-quvvatlash markazining Uzun tumanidagi koordinatori boʻlib ishlagan. 2018–2020-yillarda «Yoshlar — kelajagimiz» jamgʻarmasi Uzun tumani filialida bosh mutaxassis va biznes-trener lavozimida faoliyat koʻrsatgan.
Tadbirkorlik
2018–2021-yillarda yakka tartibdagi tadbirkor sifatida faoliyat yuritgan. 2022–2024-yillarda «Xuvaydo-Chimyoniy» korxonasida ish yurituvchi boʻlib ishlagan.
«Yoshlar uchun ming kitob» loyihasi
«Yoshlar uchun ming kitob» — jahonda mashhur ming kitobni oʻzbek tiliga tarjima qilib, yoshlarga yetkazishga qaratilgan loyiha boʻlib, Oʻzbekiston Prezidentining 2023-yil 28-noyabrdagi PQ–380-son qarori asosida Yoshlar ishlari agentligi tomonidan tashkil etilgan.[1][2]
Neʼmatov 2025–2026-yillarda Respublika Yosh ijodkorlar kengashining ushbu loyihasida HR-menejer boʻlib ishlagan. 2026-yildan loyihaning nashriyotlar va moliyaviy masalalar boʻyicha menejeri.
Manbalar
- ↑ „«Yoshlar uchun ming kitob» loyihasi“ (uz). Yoshlar ishlari agentligi. Qaraldi: 2026-yil 10-sentyabr.
- ↑ „Davlat oliy taʼlim muassasalari uchun moʻljallangan kitoblar ularning byudjetdan tashqari mablagʻlar hisobidan nashr etiladi“ (uz). Taʼlim xabarlari. Qaraldi: 2026-yil 10-sentyabr.