Xolmuhamedov Mutal

Hayoti va ijodi

XOLMUHAMEDOV Mutal – 1928-yil Toshkent shahrida tugʻilgan. ToshDU (hozirgi OʻzMU) sharq fakulteti tarix boʻlimining 1951-yil bitiruvchisi. Sharqshunos-tarixchi-eronshunos, falsafa fanlari nomzodi, professor (1991). 1951—1954-yillar SSSR FA Falsafa institutida aspirant. Soʻng OʻzFA qoshidagi falsafa kafedrasida katta oʻqituvchi; 1956-yildan Oʻz MK Partiya tarixi institutida, 1960-yildan esa OʻzFA Falsafa va huquq institutida katta ilmiy xodim; 1961—1963-yillar Oʻz KP MK Agitatsiya va propaganda boʻlimida lektor, 1964—1966-yillar lektorlar guruhining rahbari, ayni paytda Oʻz FA Falsafa kafedrasida dotsent (oʻrindosh); 1966—1967-yillar SSSR Ministrlar Soveti qoshidagi diniy ishlar kengashining boʻlim boshligʻi, 1967—1987-yillar KPSS MK Propaganda boʻlimida lektor. 1987—1989-yillar Oʻz KP MK sekretari. 1989—1991-yillarda Oʻzbekiston partiya tarixi institutining direktori; Toshkent Oliy partiya maktabida hamda Siyosatshunoslik va bosh-qaruv institutida professor. 1991-yildan Rossiya Federatsiyasining Milliy ishlar va mintaqaviy siyosat vazirligida bosh mutaxassis. Ilmiy yoʻnalishi – Oʻzbekiston tarixi, siyosiy jarayonlar. 20 dan ortiq ilmiy va ommabop ishlar muallifi.

Asosiy ilmiy ishlari

1. Xotiralar toʻplami. – Toshkent, 1960. 2. Ocherki istorii Kompartii Turkestana. – Tashkent, 1960. – Kollektiv. 3. Pobeda Oktyabrskoy revolyutsii v Turkestane. – Tashkent, 1960. -Kollektiv. 4. Inqilobga qadar Turkistonda markscha-lenincha gʻoyalarning tarqalishi. – Toshkent, 1962. –mualliflar jamoasi. 5. Istoriya kommunisticheskix organizatsiy Sredney Azii. – Tashkent, 1967. – Kollektiv. 6. Drujba narodov SSSR – moguchiy uskoritel obщestvennogo progressa. – M., 1972. – Kollektiv.