Kontent qismiga oʻtish

Xoʻjanazar Nortojiyev

ZiyoSfera, erkin ensiklopediya
Xoʻjanazar Nortojiyev

Nortojiyev 2025-yilgi IBA jahon chempionatidagi gʻalabasidan soʻng
Shaxsiy maʼlumotlari
Jinsi Erkak
Tavallud paytidagi ismi Nortojiyev Xoʻjanazar Sherali oʻgʻli
Fuqaroligi Oʻzbekiston bayrogʻi Oʻzbekiston
Tavallud sanasi 2004-yil 12-oktyabr (2004-10-12) (21 yosh)
Termiz tumani, Surxondaryo viloyati, Oʻzbekiston
Faoliyat yillari 2021—hozirga qadar
Boʻyi 1,69 m
Sport
Mamlakat Oʻzbekiston bayrogʻi Oʻzbekiston
Qaysi sport Boks
Sport mukofotlari
Jahon chempionati
Bronza Dubay 2025 57 kg
Yoshlar oʻrtasidagi jahon chempionati
Bronza La-Nusiya 2022 54 kg
Yoshlar oʻrtasidagi Osiyo chempionati
Oltin Amman 2022 51 kg
U22 yoshlar oʻrtasidagi Osiyo chempionati
Bronza Astana 2024 54 kg

Xoʻjanazar Sherali oʻgʻli Nortojiyev (2004-yil 12-oktyabrda tugʻilgan, Termiz tumani, Surxondaryo viloyati, Oʻzbekiston) — oʻzbekistonlik havaskor bokschi. U 54 va 57 kilogrammgacha boʻlgan vazn toifalarida musobaqalarda ishtirok etadi. Oʻzbekiston terma jamoasi aʼzosi, 2025-yilgi kattalar oʻrtasidagi IBA jahon chempionati bronza medali sohibi, 2022-yilgi yoshlar oʻrtasidagi Osiyo chempioni va yoshlar oʻrtasidagi jahon chempionati bronza medali sovrindori[1] [2] . Shuningdek, 2024-yilgi U22 Osiyo chempionatida bronza medalini qoʻlga kiritgan hamda 2024 va 2025-yillarda „Strandja“ xalqaro turnirida gʻolib boʻlgan.[3]

Tarjimayi holi

Xoʻjanazar Nortojiyev 2004-yil 12-oktyabrda Surxondaryo viloyatining Termiz tumanida tugʻilgan. Boks bilan Jaloliddin Xayitqulov qoʻl ostida shugʻullana boshlagan. Nortojiyev 2022-yilgi yoshlar oʻrtasidagi Osiyo chempionatida 51 kilogrammgacha boʻlgan vazn toifasida qatnashgan.[4] Shu yil Ispaniyaning La-Nusiya shahrida oʻtkazilgan yoshlar jahon chempionatida 54 kilogrammgacha boʻlgan vazn toifasida ishtirok etgan.[5] Keyinchalik kattalar oʻrtasidagi musobaqalarda 57 kilogrammgacha boʻlgan vazn toifasida ringga chiqqan.[6]

Havaskorlik faoliyati

2021-yil

Nortojiyevning xalqaro musobaqalardagi dastlabki qayd etilgan janglaridan biri 2021-yil iyul oyida Qoʻstanay, Qozogʻistonda oʻtkazilgan Aytanov xotirasiga bagʻishlangan XXI xalqaro yoshlar turnirida boʻlib oʻtgan. U 54 kilogrammgacha boʻlgan vazn toifasida qozogʻistonlik Nursulton Oltinbekka qarshi ringga chiqqan va hakamlarning yakdil qarori bilan magʻlub boʻlgan.[7][8]

2021-yil dekabr oyida Toshkentdagi „Universal“ sport majmuasida oʻtkazilgan kattalar oʻrtasidagi Oʻzbekiston chempionatining 51 kilogrammgacha boʻlgan vazn toifasida ishtirok etgan. Nortojiyev dastlab Bobur Toʻxtayevni, chorak finalda Foziljon Abdumurodovni va yarim finalda Muhammadqodir Mamirjonovni magʻlub etib, finalga chiqqan.[8]

Finalda Mironshoh Ibragimov bilan uchrashishi belgilangan Nortojiyev musobaqani kumush medal bilan yakunlagan.[9][8]

2022-yil

2022-yil mart oyida Nortojiyev Amman, Iordaniyada oʻtkazilgan yoshlar oʻrtasidagi Osiyo chempionatining 51 kilogrammgacha boʻlgan vazn toifasida Oʻzbekiston terma jamoasi safida qatnashgan.[10]

U turnirning dastlabki bosqichida tojikistonlik Aslamjon Qurbonovni hakamlarning yakdil qarori bilan magʻlub etgan. Yarim finalda Hindiston vakili Ramanni 5:0 hisobida yengib, final yoʻllanmasini qoʻlga kiritgan.[11][12]

Finalda qozogʻistonlik Almat Abdualini magʻlub etgan Nortojiyev yoshlar oʻrtasida Osiyo chempioniga aylangan.[13][14]

2022-yil noyabr oyida Ispaniyaning La-Nusiya shahrida oʻtkazilgan yoshlar oʻrtasidagi jahon chempionatida 54 kilogrammgacha boʻlgan vazn toifasida qatnashgan.[15]

Nortojiyev italiyalik Stefano Gulyelminoni birinchi raundda jangni toʻxtatish yoʻli bilan magʻlub etgan. Keyingi bosqichlarda armanistonlik Gor Azizyan va Janubiy Koreya vakili Hong Jin Seong ustidan gʻalaba qozongan.[16]

Chorak finalda irlandiyalik Sheyn Rayyanni magʻlub etib, jahon chempionati medalini kafolatlagan.[17][18]

Yarim finalda Hindiston vakili Ashishga ochkolar hisobida imkoniyatni boy berib, yoshlar oʻrtasidagi jahon chempionatining bronza medalini qoʻlga kiritgan.[19][20][21][22]

2023-yil

2023-yilda Nortojiyev kattalar oʻrtasidagi xalqaro musobaqalarda qatnasha boshlagan. Fevral oyida Vengriyaning Debretsen shahrida oʻtkazilgan 67-Bocskai István memorial turnirining 54 kilogrammgacha boʻlgan vazn toifasida ishtirok etgan. Uning Ruanda vakili Emmanuel Shemezaga qarshi oʻtkazilishi belgilangan jangi raqib foydasiga jangsiz gʻalaba bilan yakunlangan.[23]

Mart oyida Bishkek, Qirgʻizistonda oʻtkazilgan Duisenkul Shopokov xotirasiga bagʻishlangan xalqaro turnirda ringga chiqqan. Nortojiyev dastlab qirgʻizistonlik Omurzoq Zamirbekovni hakamlarning yakdil qarori bilan magʻlub etgan. Keyingi bosqichlarda Elxan Moldogaziyev ustidan 5:0, Arnur Asqanbayev ustidan esa hakamlarning koʻpchilik qarori bilan gʻalaba qozongan.[24][8]

Turnirdagi navbatdagi jangida qirgʻizistonlik Sanzhay Seydekmatovga hakamlarning yakdil qarori bilan imkoniyatni boy bergan.[8]

May oyida Polshaning Pułtusk shahrida oʻtkazilgan Feliks Stamm memorial xalqaro turnirining 54 kilogrammgacha boʻlgan vazn toifasida qatnashgan. U ukrainalik Yelmir Nabiyevga hakamlarning yakdil qarori bilan magʻlub boʻlgan.[25][26]

Sentyabr oyida Rossiyaning Kaspiysk shahrida oʻtkazilgan Magomed-Salam Umahanov xotirasiga bagʻishlangan xalqaro turnirda ishtirok etgan. Dastlab qirgʻizistonlik Damir Abdikadirni hakamlarning alohida qarori bilan, keyingi bosqichda rossiyalik Aleksey Derbenevni yakdil qaror bilan magʻlub etgan. Navbatdagi jangida rossiyalik Elbrus Soltuxanovga hakamlarning koʻpchilik qarori bilan imkoniyatni boy bergan.[8]

2023-yil noyabr oyida Toshkentda oʻtkazilgan kattalar oʻrtasidagi Oʻzbekiston chempionatida qatnashgan. Sindor Rizakulov ustidan gʻalaba qozonganidan soʻng Shahzod Muzaffarovga hakamlarning alohida qarori bilan magʻlub boʻlib, musobaqani bronza medal bilan yakunlagan.[8]

2024-yil

2024-yil fevral oyida Nortojiyev Bolgariyaning Sofiya shahrida oʻtkazilgan 75-„Strandja“ xalqaro turnirining 54 kilogrammgacha boʻlgan vazn toifasida qatnashgan. Dastlabki bosqichda kosovolik Bashkim Bayokuni hakamlarning yakdil qarori bilan magʻlub etgan. Chorak finalda Hindiston vakili Lalit ustidan 5:0 hisobida gʻalaba qozongan.[27]

Yarim finalda Hasanboy Doʻstmatovga qarshi oʻtkazilishi kerak boʻlgan jangda raqibi ringga chiqmagani sababli Nortojiyev finalga yoʻl olgan. Finalda Bolgariya vakili Yasen Radevni hakamlarning alohida qarori bilan magʻlub etib, „Strandja“ xalqaro turniri gʻolibiga aylangan.[28][29]

2024-yil mart oyida Ozarbayjonning Boku shahrida oʻtkazilgan „Great Silk Way“ xalqaro turnirida ishtirok etgan. Nortojiyev dastlab Ozarbayjon vakili Amin Mammadzodani, keyingi bosqichda eronlik Mostafa Rigini hakamlarning yakdil qarori bilan magʻlub etgan.[8]

Finalda qozogʻistonlik Timur Kabdeshov ustidan hakamlar jangni uchinchi raundda toʻxtatishi natijasida gʻalaba qozonib, turnirning oltin medaliga sazovor boʻlgan.[8][30]

May oyida Astana, Qozogʻistonda oʻtkazilgan 22 yoshgacha boʻlgan bokschilar oʻrtasidagi Osiyo chempionatining 54 kilogrammgacha boʻlgan vazn toifasida qatnashgan. Chorak finalda Qirgʻiziston vakili Elistan Alimjanovni hakamlarning yakdil qarori bilan magʻlub etgan.[31][8]

Yarim finalda qozogʻistonlik Nursulton Oltinbekka hakamlarning alohida qarori bilan imkoniyatni boy berib, U22 Osiyo chempionatining bronza medalini qoʻlga kiritgan.[32][8]

2024-yil yakunida Nortojiyev kattalar oʻrtasidagi Oʻzbekiston chempionatida ham gʻolib boʻlgan2025-yil yanvar oyida Toshkentda oʻtkazilgan kattalar oʻrtasidagi Oʻzbekiston chempionatida Nortojiyev 57 kilogrammgacha boʻlgan vazn toifasida oltin medalni qoʻlga kiritgan.[33]

2025-yil

2025-yil yanvar oyida Toshkentda oʻtkazilgan kattalar oʻrtasidagi Oʻzbekiston chempionatida Nortojiyev 57 kilogrammgacha boʻlgan vazn toifasida qatnashgan. U Javohir Omonov, Muhammadnuriddin Kimsanboyev, Nodirbek Allaberganov va Mirazizbek Mirzaxalilov ustidan gʻalaba qozonib, mamlakat chempioniga aylangan.[34][8]

Fevral—mart oylarida Bolgariyaning Sofiya shahrida oʻtkazilgan 76-„Strandja“ xalqaro turnirining 57 kilogrammgacha boʻlgan vazn toifasida qatnashgan. Nortojiyev dastlab Bolgariya vakili Dimo Toniyevni hakamlarning yakdil qarori bilan magʻlub etgan. Yarim finalda qozogʻistonlik Orazbek Asilqulov ustidan hakamlarning koʻpchilik qarori bilan gʻalaba qozongan.

Finalda Ozarbayjon vakili Zalim Sulaymonovni hakamlarning alohida qarori bilan magʻlub etib, „Strandja“ turnirida ketma-ket ikkinchi marta oltin medalni qoʻlga kiritgan.[35][8]

2025-yil dekabr oyida Dubay, Birlashgan Arab Amirliklarida oʻtkazilgan kattalar oʻrtasidagi IBA jahon chempionatining 57 kilogrammgacha boʻlgan vazn toifasida Oʻzbekiston sharafini himoya qilgan. Dastlabki jangida Shri-Lanka vakili Prasanna Podi Arachchigeni hakamlarning yakdil qarori bilan magʻlub etgan.[8]

Keyingi bosqichda Hindiston vakili Sachin Sivach ustidan yakdil qaror bilan gʻalaba qozongan.[36]

Chorak finalda Armaniston vakili Jirayr Sargsyanni hakamlarning alohida qarori bilan magʻlub etib, jahon chempionati medalini kafolatlagan.[37]

Yarim finalda Tojikiston vakili Xusravxon Rahimovga hakamlarning yakdil qarori bilan imkoniyatni boy bergan. Shu tariqa Nortojiyev kattalar oʻrtasidagi jahon chempionatining bronza medalini qoʻlga kiritgan.[38]


Manbalar

  1. ↑ „Ispaniyadagi JCH qahramonlari pul mukofoti bilan taqdirlanishdi“ (2022-yil 9-dekabr). Qaraldi: 2026-yil 8-iyun.
  2. ↑ „Yosh bokschilarimizni kutib ol, Ispaniya!“ (2022-yil 11-noyabr). Qaraldi: 2026-yil 8-iyun.
  3. ↑ „From Flyweights to Super-Heavies, Dubai Semifinals Deliver a Night of Dominance and Drama“ (en). International Boxing Association (2025-yil 12-dekabr). Qaraldi: 2026-yil 8-iyun.
  4. ↑ „Oʻzbek boksining yosh yulduzlarini kutib ol, Iordaniya!“ (2022-yil 25-fevral). Qaraldi: 2026-yil 8-iyun.
  5. ↑ „Yosh bokschilarimizni kutib ol, Ispaniya!“ (2022-yil 11-noyabr). Qaraldi: 2026-yil 8-iyun.
  6. ↑ „Stranja-2025: Bugun final janglari oʻtkaziladi“ (2025). Qaraldi: 2026-yil 8-iyun.
  7. ↑ „XXI Aitenovs' Youth International Tournament 2021“ (en) (PDF) (2021-yil 26-iyul). Qaraldi: 2026-yil 8-iyun.
  8. ↑ 8,00 8,01 8,02 8,03 8,04 8,05 8,06 8,07 8,08 8,09 8,10 8,11 8,12 8,13 „Khujanazar Nortojiev“ (en). Qaraldi: 2026-yil 8-iyun.
  9. ↑ „Oʻzbekiston chempionati yangi yulduzlarni kashf etib berdi“ (2021-yil 14-dekabr). Qaraldi: 2026-yil 8-iyun.
  10. ↑ „Oʻzbek boksining yosh yulduzlarini kutib ol, Iordaniya!“ (2022-yil 25-fevral). Qaraldi: 2026-yil 8-iyun.
  11. ↑ „ASBC Asian Youth Boxing Championships — Amman 2022: Session Results“ (en) (PDF) (2022-yil 11-mart). Qaraldi: 2026-yil 8-iyun.
  12. ↑ „Vishwanath, Anand reach finals of Asian Youth and Junior Boxing Championships“ (en) (2022-yil 11-mart). Qaraldi: 2026-yil 8-iyun.
  13. ↑ „ASBC Asian Youth Boxing Championships — Amman 2022: Top List“ (en) (PDF) (2022-yil 1-mart). Qaraldi: 2026-yil 8-iyun.
  14. ↑ „Osiyo chempionati yakunlandi. Yoshlarimiz ham umumjamoa hisobida tengsiz!“ (2022-yil 14-mart). Qaraldi: 2026-yil 8-iyun.
  15. ↑ „Yosh bokschilarimizni kutib ol, Ispaniya!“ (2022-yil 11-noyabr). Qaraldi: 2026-yil 8-iyun.
  16. ↑ „IBA Youth Men’s and Women’s World Boxing Championships 2022“ (en) (PDF) (2022-yil 1-noyabr). Qaraldi: 2026-yil 8-iyun.
  17. ↑ „Dastlabki yarim finalchilar aniqlandi“ (2022-yil 22-noyabr). Qaraldi: 2026-yil 8-iyun.
  18. ↑ „Bugun 10 nafar yosh bokschimiz jahon chempionati yarim finalida jang qiladi“ (2022-yil 23-noyabr). Qaraldi: 2026-yil 8-iyun.
  19. ↑ „Jahon chempionati hal qiluvchi pallaga kirmoqda“ (2022-yil 23-noyabr). Qaraldi: 2026-yil 8-iyun.
  20. ↑ „Sakkiz nafar bokschimiz jahon chempionligi uchun jang qiladi“ (2022-yil 24-noyabr). Qaraldi: 2026-yil 8-iyun.
  21. ↑ „Yosh bokschilarimiz jahonda tengsiz!“ (2022-yil 27-noyabr). Qaraldi: 2026-yil 8-iyun.
  22. ↑ „Ispaniyadagi JCH qahramonlari pul mukofoti bilan taqdirlanishdi“ (2022-yil 9-dekabr). Qaraldi: 2026-yil 8-iyun.
  23. ↑ „67th Bocskai István Memorial International Boxing Tournament“ (en) (PDF) (2023-yil 1-fevral). Qaraldi: 2026-yil 8-iyun.
  24. ↑ „Duisenkul Shopokov Memorial Tournament 2023“ (en) (PDF) (2023-yil 24-mart). Qaraldi: 2026-yil 8-iyun.
  25. ↑ „38th Feliks Stamm Memorial — Pułtusk 2023“ (en) (PDF) (2023-yil 24-may). Qaraldi: 2026-yil 8-iyun.
  26. ↑ „XXXVIII Feliks Stamm International Boxing Tournament — Men's Draw Sheets“ (en) (PDF) (2023-yil 1-may). Qaraldi: 2026-yil 8-iyun.
  27. ↑ „75th International Boxing Tournament “Strandja” 2024 — Bantamweight (M54 kg) Draw Sheet“ (en) (PDF) (2024-yil 11-fevral). Qaraldi: 2026-yil 8-iyun.
  28. ↑ „75th International Boxing Tournament “Strandja” 2024 — Bantamweight (M54 kg) Draw Sheet“ (en) (PDF) (2024-yil 11-fevral). Qaraldi: 2026-yil 8-iyun.
  29. ↑ „“Strandja”: Xoʻjanazar Nortojiyev chempion!“ (2024-yil 11-fevral). Qaraldi: 2026-yil 8-iyun.
  30. ↑ „Bokschilarimiz “Great Silk Way” turnirini umumjamoa hisobida birinchi oʻrinda yakunlashdi“ (2024-yil 1-mart). Qaraldi: 2026-yil 8-iyun.
  31. ↑ „ASBC Asian U22 Boxing Championships in Astana, Kazakhstan — Results 2024“ (en) (2024). Qaraldi: 2026-yil 8-iyun.
  32. ↑ „ASBC Asian U22 Boxing Championships in Astana, Kazakhstan — Results 2024“ (en) (2024). Qaraldi: 2026-yil 8-iyun.
  33. ↑ „Boks boʻyicha Oʻzbekiston chempionati yakunlandi“ (2025-yil 29-yanvar). Qaraldi: 2026-yil 8-iyun.
  34. ↑ „Boks boʻyicha Oʻzbekiston chempionati yakunlandi“ (2025-yil 29-yanvar). Qaraldi: 2026-yil 8-iyun.
  35. ↑ „76th International Boxing Tournament “Strandja” 2025“ (en) (PDF) (2025-yil 2-mart). Qaraldi: 2026-yil 8-iyun.
  36. ↑ „High-Octane Action in Dubai: Jalilov, Zeinulinov and Dusmatov Headline a Day of Masterclass Boxing“ (en) (2025-yil 10-dekabr). Qaraldi: 2026-yil 8-iyun.
  37. ↑ „Dominant Performances, Dramatic Finishes and Rising Stars Shine at the IBA 2025 World Boxing Championships in Dubai“ (en) (2025-yil 11-dekabr). Qaraldi: 2026-yil 8-iyun.
  38. ↑ „From Flyweights to Super-Heavies, Dubai Semifinals Deliver a Night of Dominance and Drama“ (en) (2025-yil 12-dekabr). Qaraldi: 2026-yil 8-iyun.

Havolalar

"https://ziyosfera.uz/index.php?title=Xoʻjanazar_Nortojiyev&oldid=869856" dan olindi