Xoʻjalitepa

Xo‘jalitepa — Qashqadaryo viloyati Qarshi tumani Mirmiron qishlog'ida joylashgan madaniy meʼros obyekt.

Tarixi

Mirmiron qishlog'ining janubi sharqiy tarafida joypashgan Xo'jalitepa xarobasida o'tkazilgan qadimshunoslik tekshirishlari natijasida bu joyni II-I asrlarga oid ekanligi aniqlagan. Xo'jalitepadagi qadimiy manzil aylanasi 40-45 metr bo'lgan, uning hozirgi qoldig'i balandligi 8 metr keladi. Xo'jalitepada olib borilgan qazishlar uning quyi qismidan jom idishini, yuqori qismidan naqsh solingan isiriqdonlarni va yupqa ishlangan xumchalarni topish imkonini beradi. Biroq yer osti suvlarining ko'tarilganligi sababli, qazish ishlarini 2 metrdan chuqur o'tkazish iloji bo'lmagan. Xo'jalitepaning yuza qatlamida ochilgan ikkita o'choq yonidan 50 dan ko'proq loydan yumaloq shaklda yasalgan g'ilaklar topilgan. G'ilakchalarning eng kichigi 3 santimetr bo'lib, 50-60 gramm og'irlikda bo'lgan. Eng kattalari esa 13 santimetr hajmda yasalib, og'irligi 1,5 qadoqcha kelgan. Ular orasida chala pishirilgan va umuman, o'tga solinmaganlari ham uchraydi.