Xoʻja Hasan Andoqiy masjidi

Qiziltepa tumani Xoʻja Hasan QFY hududidagi Saroy qishlogʻida Xoja Hasan Andoqiy ziyoratgohlari joylashgan. 1910 yilda jome masjid qurilgan. Ayni kunlarda ushbu ziyoratgohda yangi maqbara qurilgan. Xoja Hasan Andoqiy Yusuf Hamadoniyning ikkinchi xalifalari hisoblanadi.

Abu Muhammad Hasan ibn Husayn al Andoqiy 1069 yilda xozirgi Qiziltepa tumani Xoʻja Hasan QFY hududidagi Saroy qishlogʻida tavallud topganlar. Bu zoti sharif haqlarida Sam’oniyning „Al-Ansob“ kitobida maʼlumot bor.

„Al-Ansob“da yozilishicha, Abu Muhammad Hasan ibn Husayn al Andoqiy-imom, fozil, zohid, taqvodor, kamtarin, gʻoyatda goʻzal siyratligi bilan shuhrat qozongan Abul Muzaffar Abulkarim ibn Abu Hanifa al Andoqiy(1010-1089 yillar)ning nevaralari hisoblanadi. Xoja Hasan Andoqiy Yusuf Hamadoniy bilan birga Xorazm, Bogʻdodda boʻlgan. Hazrat Andoqiyning vafotlari 1158 yilda Ramazon oyining Laylatul Qadr kechasida voqyeʼ boʻldi. Andoqiy oʻz zamonasining yetuk allomasi, tariqat olimi, valiyulloh boʻlib, juda koʻp muridlari bor edi. Boshqa manbada, xususan „Tuhfat az zoirin“ kitobida yozilishicha, Xoja Hasan Andoqiyning qabrlari Buxoroda Abu Is’hoq Gulobodiy mazorlari yonidadir.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, ZiyoSferaga yordam berishingiz mumkin.
Bu andozani aniqrogʻiga almashtirish kerak.