Xoʻja Alambardor maqbarasi

Xoʻja Alambardor maqbarasi
Joylashuv	Kamolon qabristoni, Shayxontohur tumani, Toshkent
Turi	Maqbara
Material	gʻisht
Balandligi	10,3
Eni	8,87
Qurilish tamomlangan	XIX asr
Xarita

Chillaxona fonusi

Xoʻja Alambardor maqbarasi — Toshkentdagi meʼmoriy yodgorlik (XIX asr); Kamolon qabristoni hududida joylashgan. Xoʻja Abdul Aziz Alambardor (alambardor — bayroqdor) nomi bilan maʼlum boʻlgan shaxsga atab qurilgan. Maqbara gʻishtdan bezaksiz qurilgan. Peshtoq gumbazli, toʻrtburchak tarhli (8,87x8,0 m), gumbaz balandligi 10,3 m. Peshtoq orqali murabba tarhli (6,08x6,08 m) xonaga kiriladi. Xonaning gumbaz osti bagʻallaridagi gʻishtlar mavj usulida terilgan. Maqbara sharqidan 9 m naridagi chillaxona yer ostida joylashgan boʻlib, chortoq tarhli fonusi yer yuziga turtib chiqqan, ichki devorlari chuqur ravoqli. Unga zinapoya orqali tushiladi.