Xitoykenti

Xitoykenti — Qashqadaryo viloyati, Qarshi tumanidagi mahalla. Nomining tarkibi: Xitoy + kent + i. Xitoy qismi turkiy va mo‘g‘ul xalqlarga xos qabilani bildiradi. Turkiy tillardagi qadimiy shakllari kidar, kidan, kidon bo‘lgan. Mo‘g‘ul tilida xitan shakli mavjud bo‘lib, unga qadimgi mo‘g‘ul qabilasi deb izoh berilgan. Ushbu mo‘g‘ulcha xitan shakli Xitoy so‘ziga tovush jihatdan yaqin. Kidar/kidan/kidor yoki xiotanlar Movaraunnahrga milodning 5-asrida kelib, o‘zbeklar tarkibiga singishib, yaxlitligini yo‘qotgan, ammo joy nomi sifatida saqlanib qolgan. Kent so‘zi sug‘dcha bo‘lib, ma’nosi qishloq. Shu bilan, Xitoykenti qadimgi xitoy qabilasiga mansub xalq qishlog‘i, yoki xitoy qabilasi tomonidan bunyod etilgan qo‘rg‘on atrofidagi qishloqni bildiradi.