Xayriddin Sultonov

Xayriddin Sultonov
Xayriddin Sultonov
2-Oʻzbekiston Respublikasi Prezidentining ijodiy ishlar boʻyicha davlat maslahatchisi
Mansab davri 2002-yil 4-noyabr
Prezident	Islom Karimov Shavkat Mirziyoyev
Oʻtmishdoshi	Asqar Meliboyev
Shaxsiy maʼlumotlari
Tavalludi	1956-yil 18-yanvar (1956-01-18) Toshkent
Mukofotlari

Sultonov Xayriddin Madriddinovich (15-yanvar 1956-yil, Toshkent viloyati Qibray tumani Tuzel qishlogʻi) – yozuvchi, publitsist, davlat va jamoat arbobi. O‘zbekiston Respublikasi xalq yozuvchisi.

Hayoti

1963-1973-yillarda Parkentdagi oʻrta maktabda oʻqidi. Toshkent universitetining jurnalistika fakultetini tugatgan (1978). „Guliston“ (1974—80) va „Yoshlik“ (1982—85) jurnalilarida adabiy xodim, boʻlim mudiri, Gʻafur Gʻulom nomidagi Adabiyot va sanʼat nashriyotida muharrir (1980—82), bosh muharrir (1985-93). 1993-yildan Oʻzbekiston Respublikasi Prezidenti devonida masʼul xodim, 2001-yildan Prezidentning Davlat maslahatchisi.

Ijodi

X.Sultonov – nasrda yozuvchi Asqad Muxtor asos solgan ijodiy martabning vakili. Talabalik yillaridayoq badiiy ijod bilan jiddiy shugʻullangan. X.Sultonovning, „Chol“ nomli dastlabkí hikoyasi XX asrning yetmishinchi yillarida „Toshkent oqshomi“ gazetasida bosilgan. Yosh yozuvchi „Guliston“ jurnalida ishlab yurganida bevosita Asqad Muxtordan badiiy ijod sirlarini oʻrgandi. Adibning, „Quyosh barchaga barobar“ (1980), „Bir oqshom ertagi“ (1983), ,"Onamning yurti" (1987), „Umr esa oʻtmoqda“ (1988), ,"Boburning tushlarí" (1992). „Yoʻqchilik va toʻqchilik“ (1995), „,Boburiynoma“ singarí hikoya, qissa va romanlari mavjud. Xayriddin Sultonov ,,Saodat sohili", „,Yozning yolgʻiz yodgori“, ",Koʻngil ozodadur, „Ajoyib kunlarning birida singari qissalari bilan adabiyot rivojiga hissa qoʻshgan.

X.Sultonov ssenariychi sifatida ,Changak“, "Moziydan bir sahifa kabi telefilmlar hamda ,Tushlarimda koʻrib yigʻlayman, „Yolgʻiz yodgor“ singari badiiy filmlar ham yaratgan. X.Sultonov dunyo adabiyotining eng sara asarlarini oʻzbekchaga tarjima qilgan. Uning Y. Nagibin, V. Shukshin singari rus yozuvchilari ijodidan qilgan tarjimalari mavjud.

Mukofotlari

• „Shuhrat“ medali (1996)
• „Mehnat shuhrati“ ordeni (2003)
• „Oʻzbekiston Respublikasida xizmat koʻrsatgan jurnalist“ faxriy unvoni (2006-yil)
• „Fidokorona xizmatlari uchun“ ordeni (2016-yil)
• „O‘zbekiston Respublikasi xalq yozuvchisi“ faxriy unvoni (2026-yil)