Xayriddin Saloh

Xayriddin Saloh (Salohiddinov Xayriddin) (1934.15.1 – Toshkent – 1969-yil, 6-may) – oʻzbek shoiri. Maktabda oʻqib yurgan paytlardanoq sheʼriyatga qiziqib, Gʻayratiy rahbarlik qiladigan adabiy toʻgarakka qatnashadi. Nizomiy nomidagi Toshkent pedagogika intitutining tarix-filologiya fakultetini tugatgan (1957).

Ijodi

"Oʻzbekiston madaniyati" (1963—66) gazetasida, „Gʻuncha“ va „Gulxan“ jurnallarida (1968—69) adabiy xodim sifatida faoliyat yuritgan. „Chashma“ (1959), „Ikkinchi imtihon“ (1961), „Ishqim va rashkim“ (1965), „Tugʻyon“, „Naʼmatak“ (1969), „Izlar va hislar“ (1974), „Shuʼlalar qoʻshigʻi“ (1975), „Lirika“ (1985) sheʼriy kitoblari va „Laylo“, shoir Sultan Joʻra haqidagi „Yangroq hayot“ (1969), Toshkent zilzilasiga bagʻishlangan „Toshkent bilan suhbat“ (1966) kabi dostonlar muallifi. U. G. Geyne, Bayron, M. Lermontov, T. Shevchenko, R. Hamzatov va boshqalarning ayrim asarlarini oʻzbek tiliga tarjima qilgan.