Xatuna Kalmaxelidze
| Xatuna Kalmaxelidze ხათუნა კალმახელიძე | |
|---|---|
 Kalmaxelidze (chap tarafda) AQShning Gruziyadagi elchisi Jon R. Bass bilan uchrashmoqda. | |
|
Mansab davri 2009-yil 21-dekabr – 2012-yil 19-sentyabr | |
| Prezident | Mixail Saakashvili |
| Oʻtmishdoshi | Dimitri Shashkin[1] |
| Vorisi | Giorgi Tughushi |
| Shaxsiy maʼlumotlari | |
| Tavalludi |
1979-yil 11-fevral Tbilisi, Gruziya SSR, Sovet Ittifoqi |
Xatuna Kalmaxelidze (gruzincha: ხათუნა კალმახელიძე; 1979-yil 11-fevralda tugʻilgan) – gruziyalik siyosatchi. 2009-yil dekabr oyidan 2012-yil sentyabr oyiga qadar Gruziya Adliya tizimi va mahbuslar ishi vaziri lavozimida faoliyat yuritgan[2].
Yoshlik yillari
Xatuna Kalmaxelidze 1979-yil 11-fevral kuni Gruziyaning Tbilisi shahrida dunyoga kelgan. Dastlab Hunter kollejida siyosiy fanlar boʻyicha bakalavr darajasini olgan. Keyinchalik 2005-yildan 2007-yilga qadar AQShdagi George Washington universitetining Elliott xalqaro aloqalar maktabida tahsil olgan hamda Xalqaro munosabatlar va xalqaro xavfsizlik boʻyicha magistr darajasini egallagan. AQShda boʻlgan davrida Kalmaxelidze Gruziyaning Birlashgan Millatlar Tashkilotidagi vakolatxonasida ham faoliyat yuritgan. Shuningdek, 2006-yilda Saylov tizimlari xalqaro jamgʻarmasining (IFES) Siyosiy moliyalashtirish tadqiqot boʻlimida xizmat qilgan[3].
Siyosiy faoliyati
Gruziyaga qaytgach, Kalmaxelidze Gruziya Tashqi ishlar vazirligida Siyosiy masalalar boʻyicha direktor oʻrinbosari etib tayinlangan. 2009-yil 21-dekabrda esa Gruziya Jazoni ijro etish va huquqiy yordam vaziri etib lavozimini egallagan[4][5]. Vazirlik lavozimini egallaganidan soʻng Kalmaxelidze mamlakatdagi jazoni ijro etish tizimida bir qator islohotlarni amalga oshirgan va davlat qamoqxonalarining 80 foizini Yevropa standartlariga mos holga keltirgan[6].
2012-yil 18-sentyabr kuni Tbilisidagi qamoqxonada mahbuslarga nisbatan shafqatsiz muomala, ularni doʻpposlash va jinsiy zoʻravonlik sahnalari aks etgan videotasvirlar internet tarmoqlarida tarqalgan. Bu holat Gruziya jamoatchiligi orasida katta gʻazab va norozilikka sabab boʻlgan. Shundan soʻng, Xatuna Kalmaxelidze ushbu vaziyat uchun javobgarlikni oʻz zimmasiga olgan va isteʼfoga chiqqan[7].
Xatuna Kalmaxelidze ingliz, nemis, fransuz va rus tillarini biladi[8][9].
Manbalar
- ↑ „Ministry of Education and Science. Dimitri Shashkin“. 2011-yil 24-iyulda asl nusxadan arxivlangan. Qaraldi: 2011-yil 11-aprel.
- ↑ „Government of Georgia“. 2011-yil 17-iyulda asl nusxadan arxivlangan. Qaraldi: 2011-yil 29-mart.
- ↑ „Ministry of Corrections and Legal Assistance of Georgia“. Qaraldi: 2011-yil 29-mart.[sayt ishlamaydi]
- ↑ „Ministry of Corrections and Legal Assistance of Georgia“. Qaraldi: 2011-yil 29-mart.[sayt ishlamaydi]
- ↑ „Geo Database“. Qaraldi: 2011-yil 29-mart.[sayt ishlamaydi]
- ↑ „Хатуна Калмахелидзе: "Через два-три года в пенитенциарной системе бытовые проблемы будут полностью устранены"“. Medianews (2010-yil 10-dekabr). 2012-yil 12-martda asl nusxadan arxivlangan. Qaraldi: 2011-yil 29-mart.
- ↑ Prison System Minister Resigns.
- ↑ „Ministry of Corrections and Legal Assistance of Georgia“. Qaraldi: 2011-yil 29-mart.[sayt ishlamaydi]
- ↑ „Government of Georgia. Khatuna Kalmakhelidze“. 2011-yil 28-sentyabrda asl nusxadan arxivlangan. Qaraldi: 2011-yil 29-mart.