Xarita-diagramma

Xarita-diagramma (xarita va diagramma) — biror hodisaning jamlangan mutlaq raqamli qiymatini xaritada koʻrsatilgan maʼmuriy-hududiy birlik boʻyicha taqsimlanishini diagrammalar yordamida tasvirlash usuli. Xarita-diagrammadan koʻrgazmali taqqoslash uchun foydalaniladi (masalan, viloyat yoki tumanlar boʻyicha qishloq xoʻjaligi ekinlari maydoni, yalpi hosili va boshqalar). Ularni alohida tasvirlash usuli sifatida, ayniqsa, ijtimoiy-iqtisodiy mavzuli xaritalarni (masalan, aholi va mehnat resurslari, sanoat, qishloq xoʻjaligi va oʻrmon xoʻjaligi, ijtimoiy infrastruktura va hokazo) yaratishda keng qoʻllanadi. Diagrammalar uzunligi, maydoni va hajmi tasvirlanayotgan miqdorlarga proporsional boʻladi.