Xalqaro yoshlar huquqlari

Xalqaro Yoshlar Huquqlari (XYH), (xitoycha: 国际青年权利会, koreyscha: 국제청소년권리협회) 2009-yilda yoshlar huquqlarini rivojlantirish uchun tashkil etilgan notijorat, nodavlat, siyosiy faoliyatdan tashqari xalqaro tashkilotdir. Uning shiori: „A united force of the youth, by the youth, for the youth and beyond.“^[1] Hozirgi kunga kelib, XYH Xitoyda faoliyat yurituvchi kam sonli yoshlar huquqlari tashkilotlaridan biridir.

Tarixi

XYH 2009-yil dekabr oyida Suzhou Singapore xalqro maktabi talabasi Seung Vu Son tomonidan tashkil etilgan. Birinchi inauguratsion konferensiya 2010-yil iyun oyida Soochov universitetida (Xitoy) boʻlib oʻtgan.

2010-yilda tashkilotga xalqaro aʼzolar UNICEFning Voices of Youth (Wayback Machine saytida 2011-07-28 sanasida arxivlangan) blogi orqali qoʻshilgan. Tashkilot har yili turli mavzular asosida faoliyat olib boradi. Yillik mavzular orasida uy va maktablarda jismoniy jazo, Umumjahon boshlangʻich taʼlim va bolalarning sogʻligʻi kabi masalalar boʻlgan.

Tashkilotning hozirda 21 ta mamlakatda aʼzolari mavjud: Misr, Nigeriya, Kamerun, Uganda, Ruanda, Gambiya, Keniya, Madagaskar, Janubiy Afrika, Gana, AQSh, Meksika, Xitoy, Yaponiya, Vyetnam, Hindiston, Pokiston, Yaman, Belgiya, Germaniya va Albaniya. XYH Bolalar huquqlari xalqaro tarmogʻi (Child Rights International Network) aʼzosi hisoblanadi.

Faoliyati

Xalqaro yoshlar huquqlari tashkilotining asosiy maqsadlari:

Butun dunyo boʻylab yoshlar tashkilotlarini birlashtirish
Yoshlarning ovozini jahon miqyosida eshittirish
Jahon rahbarlarining qarorlariga taʼsir oʻtkazish
Yoshlar va bolalarga global eʼtiborni qaratish
Yoshlarni bugun va ertaga qaror qabul qiluvchilar sifatida qoʻllab-quvvatlash

2011-yilda XYH Xalqaro yoshlar hisobotini tuzib, Birlashgan Millatlar Tashkiloti Bolalar Fondi (UNICEF) va „Bolalarga nisbatan jismoniy jazoni tugatish global tashabbusi“ga taqdim etgan. 2011-yil 27-mayda tashkilot Xitoy va Mongoliya xalqaro maktablari assotsiatsiyasi tomonidan Xizmat mukofoti bilan taqdirlangan.

Xitoyda XYH tugʻma yurak nuqsoni boʻlgan bolalarning jarrohlik xarajatlarini qoplash dasturini amalga oshiradi.

Manbalar

↑ „International Youth Rights“ (en). international-youth-rights.html. Qaraldi: 2019-yil 15-iyul.^{[sayt ishlamaydi]}

[1] „International Youth Rights“ (en). international-youth-rights.html. Qaraldi: 2019-yil 15-iyul.^{[sayt ishlamaydi]}

[1]