Xalqaro Birlashgan Pyatidesyatnik Cherkovlari

Xalqaro Birlashgan Pyatidesyatnik Cherkovlari - AQSHda 1945-yilda yuzaga kelgan. Aqida sifatida Iso Masih nomi bilan cho‘qintirishni olg‘a surishadi. Muqaddas uchlik troisa haqidagi ta’limotni rad etadilar. Ushbu tashkilot voyaga yetganlarni suvga botirish orqali cho‘qintirish bilan bir paytda oyoqlarni yuvish, ya’ni o‘zaro muhabbatni ifodalash uchun har bir jamoa a’zosining bir birlarining oyoqlarini yuvishi amaliyotiga rioya qiladi. Tashkilot markazi AQSHning Missuri shtatidagi Xezlvid shahrida joylashgan. Cherkov o‘z radiosiga, “Pentecosfal Herald” nomli jurnaligi ega. Hozirda ushbu cherkov 46 mamlakatda missionerlik faoliyatini olib bormoqda.Pyatidesyatniklikda To‘liq injil xristianlaridan tashqari ta’limotining mazmuniga ko’ra bir-biri bilan bog‘liq bo‘lgan va umuman farq qiladigan boshqa ko‘plab oqimlar ham mavjud.O’zbekiston hududida mazkur yo‘nalishga taalluqli birinchi tashkilot 1985-yilda Toshkent shahrida tashkil etilgan. Bugungi kunda respublikamiz bo‘yicha To‘liq injilchi xristianlarning 21 ta diniy tashkiloti mavjud. Ko‘pgina ogohlantirish va ma’muriy choralarga qaramay ular yurtimizda o‘zlarining missionerlik faoliyatlarini olib borishga intilishmoqda. Jumladan, yakshanba kunlari o‘zbek tilida ma’ruzalar, qo‘shimcha Bibliya o‘qish darslari tashkil qilish yo‘lidagi harakatlar, «Hosil yig‘ish kuni» deb ataladigan va har bir a’zo cherkovga yangi odam olib kelishini rag‘batlantirishga qaratilgan amaliyotning mavjudligi ham shunday xulosa chiqarish imkonini beradi.

Adabiyotlar

• Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480-bet. ISBN 978-9943-5105-3-1.