Winnie Harlow
| Winnie Harlow | |
|---|---|
 Harlow 2018-yilgi Cannes kinofestivalida | |
| Tavalludi |
Chantelle Whitney Brown-Young 1994-yil 27-iyul |
| Kasbi |
|
| Faoliyat yillari | 2014–hozirgacha |
| Modellik | |
| Boʻyi | 5 ft 9 in (1.75 m) |
| Soch rangi | qora |
| Agentlik |
|
Chantelle Whitney Brown-Young[2] (1994-yil 27-iyulda tugʻilgan), Winnie Harlow nomi bilan tanilgan, kanadalik model, vitiligo deb nomlanuvchi teri kasalligi haqida ommaviy nutq soʻzlaydi. 2014-yilda „Americaʼs Next Top Model“ shousining 21-mavsumi ishtirokchisi sifatida mashhurlikka erishgan. 2018-yilda vitiligo kasalligiga chalingan birinchi model sifatida Victoriaʼs Secret Fashion Show podiumida chiqish qilgan[3]. Shuningdek, Beyoncé tomonidan suratga olingan „Lemonade“ (2016) vizual albomida ham ishtirok etgan. 2018-yilda BBCning eng mashhur 100 ayollari safida tilga olingan. Keyinchalik Amazon Prime Videoning „Making the Cut“ shousi ikkinchi mavsumida hakam sifatida qatnashgan[4].
Yoshlik yillari
Winnie Harlow 1994-yil 27-iyulda Toronto shahrida tugʻilgan. Tavallud paytidagi ismi Chantelle Brown-Young. Onasining ismi Lisa Brown, otasining ismi esa Windsor Young[5]. Harlowning yamaykalik ajdodlari[5], shuningdek, ikki opa-singlisi ham bor[6]. Toʻrt yoshida unga terining ayrim qismlarida pigment yoʻqolishi bilan tavsiflanadigan surunkali kasallik vitiligo tashxisi qoʻyilgan. Bolalik chogʻida Harlow qora va oq tanli oʻquvchilar tomonidan masxara va haqoratlarga uchrab, „sigir“, „zebra“ kabi soʻzlar bilan kamsitilgan[5]. Ushbu ogʻir ruhiy bosim sababli u bir necha marta maktabini oʻzgartirishga majbur boʻlgan va oxir-oqibat maktabni tashlab ketgan. Shundan soʻng u oʻz joniga qasd qilish haqida ham oʻylab koʻrgan[5][6].
Karyerasi
Harlow Instagram tarmogʻida „Americaʼs Next Top Model“ dasturi boshlovchisi Tyra Banks tomonidan model sifatida kashf etilgan va 2014-yilda loyihaning 21-mavsumida 14 nafar finalchidan biriga aylangan. Harlow ushbu shouda ishtirok etgan yagona kanadalik model boʻlgan[7]. U finalning ikkinchi haftasidayoq loyihadan chiqib ketgan[8], biroq „comeback series“ (qaytish) deb nomlangan alohida tanlovda ishtirok etgan. Unda Harlow shoudan chiqarilgan boshqa ishtirokchilar bilan birgalikda suratga tushgan va qayta tanlovga kirish imkoniyatini qoʻlga kiritishga harakat qilgan. Ushbu seriya yakunida u eng yuqori oʻrtacha jamoatchilik ovozini toʻplagani maʼlum boʻlgan va loyiha sahnasiga qaytgan[9]. Biroq Harlow umumiy hisobda 9-oʻrinni egallagan[9].
Manbalar
- ↑ „Winnie Harlow“. Models.com. 2017-yil 4-sentyabrda asl nusxadan arxivlangan. Qaraldi: 2019-yil 28-may.
- ↑ „From 'cow' to cover girl, model Winnie Harlow is changing beauty“ (en). CNN (2016-yil 6-yanvar). 2019-yil 20-sentyabrda asl nusxadan arxivlangan. Qaraldi: 2019-yil 26-sentyabr.
- ↑ America. „Model with vitiligo breaks barriers in Victoria's Secret Fashion Show“ (en). Good Morning America. 2023-yil 12-martda asl nusxadan arxivlangan. Qaraldi: 2023-yil 12-mart.
- ↑ „'Making the Cut' Taps Jeremy Scott and Winnie Harlow as Judges for Season 2“. TheWrap (2021-yil 2-mart). 2023-yil 12-martda asl nusxadan arxivlangan. Qaraldi: 2023-yil 11-mart.
- ↑ 5,0 5,1 5,2 5,3 Rodney. „From Suicide Thoughts to America's Next Top Model Finalist“. jamaica-gleaner.com. Gleaner Company (2014-yil 25-fevral). 2015-yil 22-martda asl nusxadan arxivlangan. Qaraldi: 2015-yil 4-aprel.
- ↑ 6,0 6,1 Barlow. „Chantelle Winnie: 'I'm proud of my skin'“. The Guardian (2015-yil 15-fevral). 2015-yil 15-avgustda asl nusxadan arxivlangan. Qaraldi: 2015-yil 11-avgust.
- ↑ Fleming. „Model with rare skin disease changing the face of fashion“. NYPost.com (2014-yil 9-sentyabr). 2015-yil 2-aprelda asl nusxadan arxivlangan. Qaraldi: 2015-yil 4-aprel.
- ↑ Kwiatkowski. „'America's Next Top Model' cuts Chantelle Brown-Young from the competition“. RealityTVWorld.com (2014-yil 9-sentyabr). 2015-yil 16-iyulda asl nusxadan arxivlangan. Qaraldi: 2015-yil 23-iyun.
- ↑ 9,0 9,1 Kwiatkowski. „'America's Next Top Model' eliminates Mirjana Puhar, welcomes back Chantelle Brown-Young“. RealityTVWorld.com (2014-yil 29-oktyabr). 2015-yil 23-iyunda asl nusxadan arxivlangan. Qaraldi: 2015-yil 23-iyun.