Kontent qismiga oʻtish

Why Me? (qoʻshiq)

ZiyoSfera, erkin ensiklopediya
„Why Me?“
Linda Martin singli
Chiqarilgan sanasi 1992-yil
Leybl Kolumbiya
Qoʻshiq muallif(lar)i Seán Sherrard
Linda Martin singllari xronologiyasi
„Could It Be That I'm in Love“ „Why Me?“ „In Your Eyes“
Official performance video
"Why Me?" YouTubeda

„Why Me?“ — irlandiyalik xonanda Linda Martin ijrosidagi qoʻshiq, u 1992-yilda Seán Sherrard tomonidan yozilgan. Mazkur tarona Malmö, shahrida boʻlib oʻtgan Eurovision qoʻshiq tanlovi 1992da Irlandiya sharafini himoya qildi va musobaqa gʻolibiga aylandi.

Tarixi

Yaratilish tarixi

„Why Me?“ — Jonni Logan nomi bilan tanilgan Seán Sherrard tomonidan Linda Martin uchun yozilgan qoʻshiqdir. U bundan avval ham Irlandiya sharafini himoya qilib, 1980-yilda „What's Another Year“ taronasi bilan, 1987-yilda esa oʻzi yozgan „Hold Me Now“ qoʻshigʻi bilan Eurovision tanlovida gʻolib chiqqan edi.

„Why Me?“ — yakuniga borib tempi va his-tuygʻusi kuchayib boradigan ballada janridagi qoʻshiqdir. Unda xonanda oʻz sevgilisi haqidagi oʻy-xayollarini bayon etib, nega aynan boshqalar emas, balki oʻzi uning muhabbatiga sazovor boʻlgan baxtli inson ekanligini soʻraydi[1].

Eurovision

1992-yil 29-martda Linda Martin ijrosidagi „Why Me?“ taronasi Irlandiyaning RTÉ milliy teleradiokompaniyasi tomonidan tashkil etilgan tanlovda qatnashdi. Bu saralash Irlandiya sharafini himoya qiladigan qoʻshiq va ijrochini aniqlash maqsadida „Raidió Teilifís Éireann“ (RTÉ) telekompaniyasi tomonidan tashkil etilgan edi. Qoʻshiq tanlovda gʻolib chiqib, Irlandiya nomidan Eurovision qoʻshiq tanlovida ishtirok etuvchi qoʻshiq sifatida tanlangan, shuningdek Linda Martin uning ijrochisi boʻlgan[2]. Bu Linda Martin uchun Jonni Logan yozgan qoʻshiq bilan Eurovision sahnasiga chiqish imkoniyati ikkinchi bor taqdim etilishi edi. Bungacha xonanda 1984-yilda Loganning „Terminal 3“ taronasini ijro etib, tanlovda ikkinchi oʻrinni egallagan edi.

1992-yil 9-mayda Eurovision qoʻshiq tanlovi Malmödagi „Malmö Isstadion“ arenasida boʻlib oʻtdi. Shvetsiyaning SVT teleradiokompaniyasi tomonidan tashkil etilgan ushbu musobaqa butun qitʼa boʻylab jonli efirda namoyish etildi. Tanlov kechasida Linda Martin „Why Me?“ taronasini 17-raqam ostida ijro etdi. U britaniyalik Maykl Bollning „One Step Out of Time“ qoʻshigʻidan keyin, daniyalik Kenni Lyubke va Lotte Nilsson dueti kuylagan „Alt det som ingen ser“ kompozitsiyasidan avval sahnaga chiqdi. Irlandiya vakillarining chiqishida jonli orkestrga Noel Kelexan dirijyorlik qildi[3].

Ovoz berish yakunida qoʻshiq 155 ball toʻplab, 23 ta ishtirokchi orasida birinchi oʻrinni egallagan va tanlov gʻolibiga aylangan[4]. Jonni Logan hozirgi kunga qadar Eurovision tarixida uchta maqomni birdek qoʻlga kiritgan yagona ijodkor boʻlib turibdi: u tanlovda oʻzi uchun yozilgan qoʻshiq bilan ham, oʻz muallifligidagi tarona bilan ham gʻolib chiqqan hamda gʻoliblikni qoʻlga kiritgan boshqa bir qoʻshiqqa bastakorlik qilgan. 1993-yilda Irlandiya sharafini himoya qilgan Niamx Kavanagning „In Your Eyes“ taronasi tanlovda gʻolib chiqdi.

Chartlar

Haftalik chartlar

Chartlar (1992) Eng yuqori oʻrni
Belgiya bayrogʻi Belgiya (Ultratop 50 Flanders)[5] 21
Daniya (IFPI)[6] 7
Yevropa (Eurochart Hot 100)[7] 27
Irlandiya (IRMA)[8] 2
Niderlandlar bayrogʻi Niderlandiya (Dutch Top 40)[9] 23
Niderlandlar bayrogʻi Niderlandiya (Single Top 100)[10] 29
Portugaliya (AFP)[11] 7
Buyuk Britaniya bayrogʻi Buyuk Britaniya (UK Singles)[12] 59

Merosi

Logan bu qoʻshiqni oʻzining 2001-yilda chiqqan „Reach for Me“ albomida qayta kuylagan.

Manbalar

  1. ↑ „Why Me? - lyrics“. The Diggiloo Thrush.
  2. ↑ „Irish Selection 1992“. Eurovisionworld.
  3. ↑ „Eurovision Song Contest 1992“. Eurovision Song Contest. 9 May 1992. SVT / EBU.
  4. ↑ „Official Eurovision Song Contest 1992 scoreboard“. Eurovision Song Contest.
  5. ↑ "Linda Martin – Why Me?" (niderlandcha). Ultratop 50.
  6. ↑ „Top 10 Sales in Europe“ (PDF). Music & Media. 13 June 1992. Qaraldi: 21 March 2018.
  7. ↑ „Eurochart Hot 100 Singles“ (PDF). Music & Media. 13 June 1992. Qaraldi: 21 March 2018.
  8. ↑ „Ireland singles charts“. Irishcharts.ie. Qaraldi: 2014-yil 13-may.
  9. ↑ "Nederlandse Top 40 – Linda Martin" (niderlandcha). Dutch Top 40.
  10. ↑ "Linda Martin – Why Me?" (niderlandcha). Single Top 100.
  11. ↑ „Top 10 Sales in Europe“ (PDF). Music & Media. 13 June 1992. Qaraldi: 20 March 2018.
  12. ↑ "Linda Martin: Artist Chart History". Official Charts Company. 
"https://ziyosfera.uz/index.php?title=Why_Me%3F_(qoʻshiq)&oldid=862372" dan olindi