West Side Place
| West Side Place | |
|---|---|
 2023-yil may oyi West Side Place | |
| Umumiy maʼlumot | |
| Maqomi | Tugatilgan |
| Joylashuvi | 250 Spenser ko‘chasi, Melburn, Avstraliya |
| Koordinatalar | 37°48′51″S 144°57′10″E / 37.8143°S 144.9529°E |
| Narxi | A$2 milliard |
| Balandligi | |
| Tomi |
|
| Texnik holati | |
| Qavatlar soni |
|
| Binoning ichki maydoni | 97,000 m2 (1,040,000 kv ft) ( 4 ta minora bilan) |
| Dizayn va konstruksiya | |
| Meʼmor | Cottee Parker Architects |
| Quruvchi | Far East Consortium |
| Muhandis | Winward Structures |
West Side Place — Avstraliyaning Viktoriya shtatidagi Melburn shahrida Spenser ko‘chasining 250-uyida joylashgan, umumiy qiymati 2 milliard avstraliya dollariga teng boʻlgan toʻrtta osmonoʻpar binolar majmuasi.
Majmua haqida
Majmuaning eng baland binosi — A-minora (1-minora) — 663 ta xonadan[1] va 81 qavatdan iborat bo'lib, balandligi 268.7 metr (882 ft) ga etadi[2]. 2026-yil holatiga koʻra, bu bino Melburndagi to'rtinchi va Avstraliyadagi ettinchi eng baland bino hisoblanadi[2]. Xonalardan tashqari, binoda 257 xonali besh yulduzli mehmonxona ham joylashgan[3]. Mehmonxonani boshqarish The Ritz-Carlton mehmonxona tarmogʻiga topshirilgan bo'lib, u 2023-yilning mart oyida foydalanishga ochildi[4]. Mehmonxona 61-qavatdan 80-qavatgacha bo'lgan qismni egallaydi; uning asosiy qabul zonasi (sky lobby) 80-qavatda joylashgan[5].
65 qavatli B-minora (2-minora) 714 ta xonadan iborat boʻlib, balandligi 206 metr (676 ft) ni tashkil etadi[6][1]. C-minora (3-minora) 70 qavat balandligida 230 metr (750 ft) ga etib, 684 ta xonani[1] va Dorsett Hospitality International kompaniyasiga tegishli 316 xonali to'rt yulduzli mehmonxonani oʻz ichiga oladi[7][8]. 240-metr- (790 ft) balandlikdagi D-minora (4-minora) esa 72 qavat boʻyi 835 ta xonani oʻz ichiga oladi[9][1].
2 milliard avstraliya dollariga teng bo'lgan ushbu loyiha[3] 97,000 m2 (1,040,000 kv ft) umumiy maydoni bilan Melburndagi shahar ichidagi eng yirik qurilish hisoblanadi[10]. Far East Consortium tomonidan amalga oshirilgan mazkur loyiha 2013-yilda taklif etilgan va 2014-yilning oʻrtalarida oʻsha davrning shaharsozlik vaziri Metyu Gay tomonidan tasdiqlangan. Majmuaning toʻliq foydalanishga topshirilishi 2022-yil uchun rejalashtirilgan edi[11]. Biroq 2022-yilning fevralida podratchi Probuild kompaniyasi maʻmuriy boshqaruvga oʻtkazilgach, qurilish toʻxtatib qoʻyildi[12]. Qolgan ikki minora Multiplex tomonidan 2023-yilda yakunlandi.
Manbalar
- ↑ 1,0 1,1 1,2 1,3 „Frequently Asked Questions“. West Side Place. Qaraldi: 2026-yil 21-yanvar.
- ↑ 2,0 2,1 „West Side Place Tower A“. CVU Skyscraper Center. Qaraldi: 2026-yil 20-yanvar.
- ↑ 3,0 3,1 Lindsay, Nicole; Miles, Stephen. „Multiplex completes $2b West Side Place“. The Sydney Morning Herald (2023-yil 17-may). Qaraldi: 2026-yil 22-yanvar.
- ↑ „The Ritz-Carlton opening in Melbourne this March“. Melbourne Convention Bureau (2023-yil 6-mart). Qaraldi: 2026-yil 22-yanvar.
- ↑ „The Ritz-Carlton Hotel, Melbourne“ (en). West Side Place. 2021-yil 22-oktyabrda asl nusxadan arxivlangan. Qaraldi: 2026-yil 20-yanvar.
- ↑ „West Side Place Tower B“. CVU Skyscraper Center. Qaraldi: 2026-yil 22-yanvar.
- ↑ „Multiplex Completes $2bn West Side Place“. Urban Developer (2023-yil 15-may). Qaraldi: 2026-yil 20-yanvar.
- ↑ Hayes, Jack. „Dorsett opens its first Melbourne hotel“. Docklands News (2023-yil 3-may). Qaraldi: 2026-yil 22-yanvar.
- ↑ „West Side Place Tower D“. CVU Skyscraper Center. Qaraldi: 2026-yil 22-yanvar.
- ↑ Fedele, Angela. „New Skyscraper May Surpass Melbourne's Tallest“. Sourceable (2013-yil 26-noyabr). 2014-yil 31-yanvarda asl nusxadan arxivlangan. Qaraldi: 2015-yil 28-yanvar.
- ↑ Baljak, Mark (4 August 2014). "Far East Consortium's massive 250 Spencer Street design unveiled?". Urban Melbourne. Retrieved 28 January 2015.
- ↑ Bleby, Michael; Lenaghan, Nick. „Probuild in administration as South African parent calls time“. Australian Financial Review (2022-yil 23-fevral). 2022-yil 23-fevralda asl nusxadan arxivlangan. Qaraldi: 2026-yil 22-yanvar.