Webb Ellis kubogi

Webb Ellis kubogi — erkaklar o‘rtasidagi regbi bo‘yicha Jahon chempionati g‘olibiga topshiriladigan nufuzli mukofot hisoblanadi. Bu kubok regbi futboli ixtirochisi sifatida tanilgan Uilyam Webb Ellis nomiga qo‘yilgan. Kubok kumushdan yasalib, oltin suvi bilan qoplangan bo‘lib, ilk bor 1987-yilgi Regbi bo‘yicha Jahon chempionatida g‘olib jamoaga topshirilgan. Bugungi kungacha Webb Ellis kubogi quyidagi terma jamoalar tomonidan yutib olingan: Janubiy Afrika — 4 marta (1995, 2007, 2019 va 2023-yillarda), Yangi Zelandiya — 3 marta (1987, 2011 va 2015-yillarda), Avstraliya — 2 marta (1991 va 1999-yillarda), Angliya — 1 marta (2003-yilda).

Webb Ellis kubogi — 38 sm balandlikdagi, 4,5 kg ogʻirlikdagi kubok boʻlib, kumushdan yasalgan va oltin bilan qoplangan. Uning ikki tomoni oyma uslubida tayyorlangan tutqichlar bilan bezatilgan: bir tutqichda satir (yunon mifologiyasidagi erkak mavjudot), ikkinchisida esa nimfa (ayol suvi ruhi) tasvirlangan.

Kubokning old tomonida quyidagi yozuvlar bitilgan:

• International Rugby Football Board (Xalqaro Regbi Futbol Kengashi ),

pastroqda esa The Webb Ellis Cup deb yozilgan.

Ushbu kubok ba’zan “Webb Ellis Trophy” deb noto‘g‘ri nomlanadi yoki "Bill" deb xalq orasida atab qo‘yiladi. “Bill” laqabi ilk bor 1991-yilda Avstraliya (Wallabies) terma jamoasi tomonidan ishlatilgan.

Havolalar

• Uilyam Uebb Ellis kubogi tarixi .
• Regbi kubogi .