Vyacheslav Tsoy
| Vyacheslav Tsoy | |
|---|---|
| Tavalludi |
11-yanvar 1948-yil |
| Vafoti |
28-iyul 1995-yil (47 yoshda) Sankt-Peterburg, Rossiya |
| Fuqaroligi | SSSR, Rossiya |
| Kasbi | aktyor, sportchi, shifokor |
Vyacheslav Dinovich Tsoy (1948-yil 11-yanvar, Toshkent viloyati – 1995-yil 28-iyul, Sankt-Peterburg) – jarroh, kinoaktyor, yakkakurash (dzyudo) boʻyicha sport ustasi. Xalqaro jang sanʼatlari akademiyasining asoschisi. Tibbiyot fanlari nomzodi. Qoʻshiqchi Alena Ivantsova bilan turmush qurgan.
Hayoti
Vyacheslav Tsoy 1948-yil 11-yanvarda Oʻzbekiston SSR, Toshkent viloyatida tugʻilgan.
Tsoy 1965-yilda Leningradga koʻchib oʻtgan va u yerda 1-tibbiyot institutini tugatgan. U shahar kasalxonasida, Gripp institutida jarroh boʻlib ishlagan hamda individual tarzda sharq tabobati, jumladan, akupunktur bilan shugʻullangan.
Tsoy karate boʻyicha SSSR chempioni hisoblanadi. Karate boʻyicha Leningradning 3 karra chempioni. 1990-yildan buyon mamlakatda taekvondodan dars bergan va xapkidoni rivojlantirgan. U xapkidoda 6-dan, taekvondoda 5-dan, karateda 4-dan belbogʻlari sohibi boʻlgan edi. Tsoy Rossiyaning Xapkido federatsiyasi, Sharq yakkakurashlari, tibbiyoti markazi hamda Sankt-Peterburgdagi koreys madaniyat markazining prezidenti lavozimlarida ishlagan.
Vyacheslav Tsoy filmlarda ham mahorat bilan rol oʻynagan[1].
Krasnogvardeyskiy tumanidagi 141-maktab (hozirgi GBOU 141-sonli oʻrta maktab) negizida Jang sanʼati akademiyasiga asos solgan.
Tsoy 1995-yil 28-iyulda Sankt-Peterburgda uzoq masofadan yettita oʻq bilan otib oʻldirilgan[2]. U Sankt-Peterburgdagi Bogoslovskoye qabristoniga dafn qilingan.
Xotirasi
Sankt-Peterburgda joylashgan Koreys jang sanʼatlari markazi uning nomi bilan ataladi[3].
Filmlari
1988-yil – Chateau d’If asiri – Li
1988-yil – „Vunderland“ operatsiyasi) – Midzuki
1989-yil – U
1989-yil – Musiqiy oʻyin – Vyacheslav Tsoy
1989-yil – Iskusstvo jit v Odesse – Kitaets
1993-yil – Alyaska bolasi – Jim
Aslida Viktor Tsoy oʻynagan „U“ filmining afishasida Vyacheslav Tsoy aktyorlar orasida yanglishib tilga olingan.
Manbalar
- ↑ Tsoy Vyacheslav Dinovich
- ↑ „Dedushkini pisma“. 2014-yil 26-iyulda asl nusxadan arxivlangan. Qaraldi: 2023-yil 31-oktyabr.
- ↑ „Tsentr koreyskix boevix iskusstv imeni Vyacheslava Tsoya“. 2015-yil 9-iyulda asl nusxadan arxivlangan. Qaraldi: 2023-yil 31-oktyabr.