Vsevolod Nestayko
| Vsevolod Nestaiko | |
|---|---|
| Asl ismi | Всеволод Зіновійович Нестайко |
| Tavalludi |
Vsevolod Zinoviyovich Nestayko 30-yanvar 1930-yil |
| Vafoti |
16-avgust 2014-yil (84 yoshda) Kiyev, Ukraina |
| Ijod qilgan tillari | ukrain tili |
| Fuqaroligi |
 SSSR  Ukraina |
| Taʼlimi | Kiyev universiteti |
| Yoʻnalish | nasr, bolalar adabiyoti, |
| Faoliyat yillari | 1956—2014 |
| Janr | qissa, ertak, hikoya, pyesa |
| Debyut | Shurka i Shurko |
Vsevolod Zinoviyovich Nestayko (ukraincha: Всеволод Зіновійович Нестайко; 1930-yil 30-yanvar[1] – 2014-yil 16-avgust[2][3]) – ukrainalik zamonaviy bolalar yozuvchisi[3]. Ukrainada mamlakatning eng taniqli va eng sevimli ukrain bolalar adabiyoti yozuvchisi hisoblanadi[4][3][1][2].
Hayoti
Birinchi jahon urushi paytida Nestaykoning ota-onasi frontning qarama-qarshi tomonlarida boʻlishgan. Uning otasi Sich oʻqchisi (Avstriya-Vengriya armiyasidan) va keyinchalik Ukraina Galisiya armiyasi askari boʻlgan, onasi rus adabiyoti oʻqituvchisi, rus imperatorlik armiyasida hamshira boʻlgan[3]. 1933-yilda otasi NKVD tomonidan oʻldirilgan[3]. Golodomor ochligidan qutilish uchun Nestayko va uning onasi Kiyevga singlisinikiga koʻchib oʻtishgan[3]. Nestayko oʻshandan boshlab Kiyevda yashab, ishlagan[3].
1947-yilda Taras Shevchenko nomidagi Kiyev milliy universitetiga oʻqishga kirgan va 1952-yilda Nestayko universitetining filologiya fakultetini tamomlagan[4]. Keyin „Dnipro“, „Barvinok“ va „Molod“ jurnallarida ishlagan[3]. 1956-yildan 1987-yilgacha Nestayko „Veselka“ bolalar adabiyoti jurnaliga mas’ul muharrir boʻlgan[3]. Nestaykoning birinchi kitobi „Shurka i Shurko“ 1956-yilda nashr etilgan[4]. Oʻshandan to vafotigacha yozuvchining 30 ga yaqin hikoyalari, ertaklari, romanlari va pyesalari nashr etilgan[4]. Yozuvchining kitoblari dunyoning yigirmata tiliga, jumladan, ingliz, nemis, fransuz, ispan, rus, arab, bengal, venger, rumin, bolgar va slovak tillariga tarjima qilingan[4]. Nestaykoning „Toreadori z Vasyukіvki“ asari Myunxendagi xalqaro festivalda Gran-pri (1968) va Sidneyda (1969) bosh mukofotga sazovor boʻlgan[4]. Yozuvchining „Odinitsya z obmanom“ povesti asosida olingan film Kiyevdagi Butunittifoq kinofestivali mukofoti (1984) va Gabrovo kinofestivalida (1985, Bolgariya) maxsus mukofot bilan taqdirlangan[4]. Nestayko asarlari Ukrainadagi maktab oʻquv dasturlariga kiritilgan[3].
2010-yilda Viktor Yushchenko yozuvchini beshinchi darajali knyaz Yaroslav ordeni bilan taqdirlagan[5].
2014-yil 16-avgustda 84 yoshida Kiyevda vafot egan.
2015-yil 30-yanvar kuni Google yozuvchining 85 yilligini Google Doodle orqali nishonlagan[6].
Manbalar
- ↑ 1,0 1,1 (ukraincha) Died Ukrainian children's writer Vsevolod Nestayko - media, Korrespondent (17 August 2014)
- ↑ 2,0 2,1 (ukraincha) He died a famous childrenʼs writer Vsevolod Nestayko , Dyvys.info (16 August 2014)
- ↑ 3,00 3,01 3,02 3,03 3,04 3,05 3,06 3,07 3,08 3,09 (ukraincha) DIED Vsevolod Nestayko, Ukrayinska Pravda (17 August 2014)
- ↑ 4,0 4,1 4,2 4,3 4,4 4,5 4,6 Vsevolod Nestayko (30.01.1930), The publishing house of Ivan Malkovych A-BA-BA-HA-LA-MA-HA
- ↑ „Ющенко наградил орденом автора трилогии Тореадоры из Васюковки“ (ru). korrespondent.net (2010-yil 25-yanvar). Qaraldi: 2015-yil 10-may.
- ↑ „Vsevolod Nestaykoʻs 85th Birthday“. Google (2015-yil 30-yanvar).