Vladimir Kisera

Vladimir Kisera

Shaxsiy maʼlumot
Toʻliq ismi	Vladimir Bogdanovich Kisera
Tavallud sanasi	1960-yil 18-may (1960-05-18)
Tavallud joyi	SSSR
Boʻyi	172 cm (5 ft 7 1⁄2 in)
Ampluasi	Himoyachi
Vazni	74 kg
Professional faoliyati*
Yillar	Jamoa	Isht.	(Gol.)
1980—1982	Kosonsoychi	KFK
1982—1986	Paxtakor	72	(0)
1987—1990	Podole	153	(1)
1991	Kosonsoychi	42	(0)
1992	Podole	25	(0)
*Professional klublardagi gollari (ichki chempionat)

Vladimir Bogdanovich Kisera (ruscha: Кисера, Владимир Богданович; 1960-yil 18-mayda tugʻilgan) — sovet va ukrain futbolchisi, himoyachi pozitsiyasida oʻynagan.

Biografiya

Vladimir Toshkentdagi oʻsmirlar sport maktabida taʼlim olgan. Uning birinchi murabbiyi G. M. Mejetov boʻlgan. Vladimir Oʻzbekiston SSR chempionatida Kosonsoyning „Kosonsoychi“ jamoasida (1980—1982) oʻynagan.

1982-yilda Toshkentning „Paxtakor“ klubiga taklif qilingan va oʻrinbosarlar jamoasida oʻynay boshlagan. 1983—1984-yillarda Paxtakor safida SSSR Oliy ligasida 29 ta oʻyinda, 1985—1986-yillarda esa birinchi ligada 43 ta oʻyinda maydonga tushgan. Vladimir keyinchalik Sovet Ittifoqi ikkinchi ligasida ishtirok etgan „Podole Xmelnitskiy“ (1987—1990) va „Kosonsoychi“ (1991) jamoalarida oʻynagan.

Sovet Ittifoqi tugatilganidan keyin 1992-yilda Ukrainaga koʻchib oʻtgan va Ukraina Birinchi ligasida, Xmelnitskiyning „Podole“ jamoasida oʻynagan.

Shaxsiy hayoti

Kisera taniqli murabbiy Ishtvan Sekechning qiziga uylangan. Vladimir hozirda Isroilda yashaydi.

Havolalar

• Vladimir Kisera Footballfakts saytida
• Vladimir Kisera Transfermarkt saytida