Kontent qismiga oʻtish

Vittoria Ceretti

ZiyoSfera, erkin ensiklopediya
Vittoria Ceretti

Ceretti 2016-yilda
Tavalludi
Vittoria Ceretti

1998-yil 7-iyun (1998-06-07) (28 yosh)
Breshiya, Italiya
Fuqaroligi Italiyalik
Kasbi Moda modeli
Faoliyat yillari 2012-yildan hozirgacha
Turmush oʻrtogʻi Matteo Milleri (2020-2023, ajrashgan)
Ota-onasi Giuseppe Ceretti (ota), Francesca Lazzari (ona)
Modellik
Boʻyi 178 sm
Vazni 55 kg
Soch rangi Toʻq jigarrang
Koʻz rangi Yashil
Agentlik Elite Model Management

Vittoria Ceretti (1998-yil 7-iyunda tugʻilgan) Italiyalik model[1]. Ceretti 2012-yilda "Elite Model Look" tanlovidan soʻng mashhurlikka erishgan[2].2024-yilga qadar u 400 dan ortiq moda koʻrgazmalarida qatnashgan va uning surati Vogue xalqaro nashrlari muqovasida 23 marotaba chop etilgan[3][4].

Hayot davri

Ceretti 1998-yilda Italiyaning Brescia shahrida tugʻilgan. U qurilish kompaniyalar egasi Juzeppe Ceretti va Francheska Lazzarilarning qizi hisoblanadi[5].Ceretti 14 yoshida Italiyadagi Elite Model Look tanlovida qatnashdi va u yerda gʻolib finalchi sifatida oʻz karyerasiga ilk qadamni qoʻyadi[6].

Karyera

2012–2017: Erta mashhurlik

U Elite Model Look tanlovida gʻoliblikni qoʻlga kiritganidan soʻng koʻpgina dizaynerlar unga qiziqish bildirishadi. Dast avval Ceretti Italiyaning Milan shahrida dizayner Kristina Tining koʻrgazmasida chiqish qiladi[7].

Dolce & Gabbana tomonidan 2015 va 2016-yillarda tashkil etilgan kuz-qish goʻzallik tanlovlarining yuzi sifatida tanlandi[8].

2015-yilda Ceretti Armani brendining kuz-qish mavsumi yulduziga aylanadi[9]. Oʻsha yili u Alexander McQueenning 2017-yil bahor yozgi koʻrgazmalarida ham oʻz faoliyatini olib boradi[10].

2016-yil iyul oyida Ceretti Stiven Meysel tomonidan chop etilgan Vogue Italia jurnali muqovasida paydo boʻldi. Ushbu mashhurlikka erishgandan soʻng modelga Givenchy kampaniyasi ham qiziqish bildiradi[11].

2018-yildan hozirgi kungacha: Mashhurlikka koʻtarilish

Oʻzining muvaffaqiyatidan soʻng, Ceretti moda sanoatida tom ma'noda ilhomlantiruvchi boʻldi. Dolce & Gabbana uni goʻzallik yoʻnalishi uchun qabul qildi. Karl Lagerfeld esa koʻp qirraliligi uchun qadrladi va uni Fendi va Chanel shoulariga taklif etdi. 2018-yilda Ceretti Britaniyaning Vogue jurnalining muqovasida paydo boʻlib, moda sanoatining Katta toʻrtligini yakunlab berdi[12].

2018-yilda u Tiffany & Co.ning kampaniyasi va Proenza Shoulerning "Arizona xushboʻyligi" kampaniyasining bir qismi edi. Oʻsha yili u Chanelning Coco Neige kampaniyasining yuzlaridan biri sifatida tanlandi. Vogue Italia ma'lumotlariga koʻra, Ceretti 2018-yilda oʻz veb-saytida eng koʻp qidirilgan model boʻlgan. 2019-yilda u Métiers d'Art shousida ishtirok etdi[13].

2023-yilda Ceretti Chanel goʻzallik bayrami tanlovining tanlangan modellaridan biriga aylanadi. 2024-yilda u Pucci brendining yangi "tashrif qogʻozi"ga aylanadi.

Ceretti, shuningdek, Vogue Germany, Vogue Spain, Vogue China, Glamour, Grazia va IO Donna jurnallarining muqovasida paydo boʻlgan[14].

Shaxsiy hayot

Vogue France nashriga bergan intervyusida Ceretti, agar u model sifatida karerasini boshlamaganida, u aktyorlik yoki psixologiyani oʻrganishni maqsad qilganligini aytgan[15]. 2020-yil 1-iyun kuni Ceretti Ispaniyaning Ibiza shahrida italiyalik DJ Matteo Milleri bilan turmush qurdi[16].Ammo ular 2023-yil iyun oyida ajrashishdi[17].

Manbalar

  1. ↑ „Vittoria Ceretti Is the Ultimate Supermodel“ (en-US). ELLE (2024-yil 22-fevral). Qaraldi: 2024-yil 26-mart.
  2. ↑ Look, Elite Model „Model To Know: Vittoria Ceretti“ (en). Elite Model Look. Qaraldi: 2023-yil 20-may.
  3. ↑ https://models.com/models/vittoria-ceretti/year/shows
  4. ↑ VOGUEGRAPHY „Vittoria Ceretti“ (en). VOGUEGRAPHY (2017-yil 27-yanvar). Qaraldi: 2023-yil 27-dekabr.
  5. ↑ „Top Model più influenti del pianeta: c'è anche una ragazza bresciana“ (it). Brescia Today (2017-yil 15-fevral). Qaraldi: 2017-yil 20-aprel.
  6. ↑ https://www.repubblica.it/moda-e-beauty/2019/11/22/news/vittoria_ceretti_top_model_da_esportazione-342231653/
  7. ↑ „Top Model più influenti del pianeta: c'è anche una ragazza bresciana“ (it). Brescia Today (2017-yil 15-fevral). Qaraldi: 2017-yil 20-aprel.
  8. ↑ „Dolce&Gabbana anteprima video Make Up“ (it-IT). Vogue Italia (2015-yil 26-aprel). Qaraldi: 2023-yil 27-dekabr.
  9. ↑ Vasta, Serena „La campagna eterea e misteriosa di Giorgio Armani per l’autunno inverno 2015-2016“ (it-IT). Fashionblog (2015-yil 24-avgust). Qaraldi: 2023-yil 27-dekabr.
  10. ↑ Iorgi, Caterina Di „Fendi campagna pubblicitaria primavera estate 2017: protagoniste Gigi Hadid e Bella Hadid“ (it-IT). Fashionblog (2017-yil 6-yanvar). Qaraldi: 2023-yil 27-dekabr.
  11. ↑ Singer, Maya. „How Models Like Ashley Graham and Gigi Hadid Are Democratizing Fashion“ (en). Vogue (2017-yil 8-fevral). Qaraldi: 2017-yil 20-aprel.
  12. ↑ Eglon, Mark „Steven Meisel and Vittoria Ceretti Deliver the Glamor on Vogue Italia's July Cover (Forum Buzz)“ (en-US). theFashionSpot (2016-yil 8-iyul). Qaraldi: 2023-yil 27-dekabr.
  13. ↑ „Pucci continues its transformation with Vittoria Ceretti as muse“. Luxus Plus. Qaraldi: 2024-yil 16-aprel.
  14. ↑ „Model To Know: Vittoria Ceretti - Elite Model Look“ (en). Elite Model Look. Qaraldi: 2017-yil 20-aprel.
  15. ↑ Simon, Jade. „Five things to know about new face Vittoria Ceretti“ (en). Vogue Paris (2017-yil 1-mart). Qaraldi: 2017-yil 20-aprel.
  16. ↑ „Inside Model Vittoria Ceretti's Simple Seaside Wedding“. Grazia Magazine (2020-yil iyun).
  17. ↑ „Meet Vittoria Ceretti Husband: Is It True That The Pair Is Divorcing?“. Eduvast (2023-yil 7-sentyabr). 
"https://ziyosfera.uz/index.php?title=Vittoria_Ceretti&oldid=853859" dan olindi