Vinillash

Vinillash — organik birikmalar molekulasiga vinil guruhi —CH=CH₂ kiritish. Eng muhim vinillovchi moddalar — atsetilen HC≡CH, vinilgalogenidlar CH₂=CHX (X-galogen) va vinilmagniybromid (Norman reaktivi) CH₂=CHMgBr. Sanoatda atsetilen bilan vinillash natijasida spirtlardan oddiy vinil efirlar, karbon kislotalardan esa murakkab efirlar, masalan, vinilatsetat olinadi. Sianid kislota (HCN) ni vinillashda akrilonitril, vodorod xloridni vinillashda vinilxlorid, atsetilenning oʻzini vinillashda vinilatsetilen hosil boʻladi.

Adabiyotlar

• OʻzME. Birinchi jild. Toshkent, 2000-yil